掃呢頁CODE去手機

2013年5月29日 星期三

沙灘更 𡃁足 12年 露上癮李綺雯:唔想成世二打六




據報載𡃁妹有 32B上圍,不過呢日見佢就真係冇乜睇頭。𡃁妹雖然平胸,但體形纖瘦,隱約見到腹肌, 29歲嚟講算 keep得唔錯。

真面目

沙灘更 𡃁足 12年 露上癮李綺雯:唔想成世二打六

播咗兩週嘅《情越海岸線》有準「豪嫂」陳茵媺、同李詩韻 BB助陣,收視平均有 26點,最高 28點。不過網友最有興趣原來係入行 12年嘅「𡃁妹」李綺雯,本週三(第 13集)有一幕𡃁妹對鏡頭𠌥身露僭建 C奶,胸壓色誘沈震軒,更是必睇畫面。

週日本刊發現𡃁妹單拖去清水灣遊水,發現佢竟然仲用緊上一代嘅 2G手機。𡃁妹事後接受訪問話入行咁耐月薪唔過 2萬,連 iPhone壞咗都冇錢換,好想上位脫貧,「自己騷唔多但夠食囉,我都唔想成世做二打六,總之有戲做,幾搏都冇所謂。」露點當然例外啦!

穀到 32D

本週三( 29日)𡃁妹為引誘沈震軒而穀胸上陣。為拍呢場戲,𡃁妹自己用咗 3對 pad,再加 push up bra墊大咪咪。

29歲𡃁妹李綺雯 01年參加亞視女優選拔賽奪得冠軍,當年最令人記得佢喺出位項目環節,以食蟲(龍蚤)搶分。 18歲入行喺亞視捱咗 5年, 06年得肥監製錢國偉𥄫中引薦入無綫,仲簽埋親生女約,可惜發展麻麻。做足 5年都係三、四線,多數飾演主角細妹。

冇錢換 iPhone

直至最近播映嘅電視劇《情越海岸線》,𡃁妹先情挑黄浩然,本週更以 3對胸墊將 32B穀成 32D上圍,色誘沈震軒,露上癮先引人關注。週日( 26日),佢仲單拖去清水灣遊水,沙灘上唔少男泳客都認出𡃁妹,對佢眼甘甘。

冇 3對胸墊,𡃁妹即刻打回原形變番「 iPad」身材,畫面當然唔會好似「金毛鈴」(《情》劇花名)咁澎湃。𡃁妹搵到靚位坐低,隨即拎出手機煲粥,記者發現身為藝人嘅佢竟然仲用緊 2G手機。事後記者致電𡃁妹,佢直認最近 iPhone壞咗,一直冇錢買過部新嘅智能手機。

「我平均每月有 15,000蚊收入,而由上年開始亦喺朋友嘅製作公司打工,每月多幾千至一萬收入幫補。通脹咁犀利,總算勉強夠食同基本開支,不過最近壞咗 iPhone就冇錢換,暫時惟有花二百幾蚊買部 2G手機頂住先。」

$250 2G手機

𡃁妹用開 iPhone,但最近壞咗,但唔捨得買新,惟有去鴨記買咗個$250 Nokia 1616 2G手機頂住先。

𡃁妹沖身時唔覺意出「股」惑!

變番 iPad

5呎 4嘅𡃁妹得 105磅,無強勁事業線,但勝在均勻。

狂操港版《 Running Man》

𡃁妹做極都閒角,但唔經唔覺 29歲,再等運到唔係辦法。最近無綫想開拍類似韓國 SBS電視台《 Running Man》嘅綜藝節目,當中需要大量真係跑得、運動得嘅藝人,𡃁妹呢日就係去沙灘練水,博個機會。

唔使點熱身,𡃁妹三扒兩撥就遊到出浮台,之後仲蝶式回岸。𡃁妹話:「我知我唔係主角材料,重戲分未輪到我,夠食就算!但我都唔想成世做二打六。總之有戲做幾搏都冇所謂,第時做甘草都得㗎!」

以為有嘢睇

𡃁妹 5歲開始學遊水,精通四泳式。呢日唔使一分鐘就以自由式遊到去浮台,引來一眾男士狂𥄫,𥄫完唔知讚好定呻笨?

遊完水,𡃁妹望住茫茫大海休息,期間顯得心事重重。

《情》劇𡃁妹搏到盡,先喺第二集瞓落黃浩然度,今個星期又會色誘沈震軒。據知喺結局篇再度引黃浩然,仲有激吻場面。

專做細妹

李綺雯入行至今一直被稱呼「𡃁妹」。佢話:「當日喺亞視啲人成日問『呢個𡃁妹叫咩名?』其實我講過好多次,但佢哋都唔記得,我咪叫大家不如就叫我𡃁妹啦!」而𡃁妹喺無綫,亦經常做主角細妹角色。由第一套拍嘅《尖子攻略》做鄧萃雯細妹,同最近《情越海岸線》做李天翔細妹等,一共做過 3次。

'01食蟲

𡃁妹出名夠搏, 01年喺亞視參加女優選拔賽,更喺鏡頭面前食蟲搶分,最後贏得冠軍。

《尖子攻略》

劇中飾演鄧萃雯細妹,仲同羅仲謙有感情線。

《戀愛季節》

飾演暗戀吳卓羲嘅助理編導,唔使再做主角細妹,角色亦有發揮。

多仔溝

李綺雯雖然事業平平,但愛情就多姿多采。最為人熟悉係曾經同前南華球星陳七(陳肇麒)拍拖半年,更跟霍啟剛傳緋聞,而最近𡃁妹就承認同圈外男友拍拖近半年。

'09陳七

同陳七拍拖,當時更傳出𡃁妹係第三者搶人男友。

'07黐奀星

被拍得同無綫奀星裘卓能到大浪灣拍拖曬太陽。

'06霍啟剛

傳出同霍啟剛拍散拖,不過最後不了了之。



鍾意就快D Share啦!