掃呢頁CODE去手機

2013年5月29日 星期三

打回原形 攻城冇着數 苟芸慧$12,000平租日出康城




24/5辦回鄉證

上週五( 24日)苟姑娘孖住經理人到灣仔中旅社搞回鄉證,方便日後回強國登台!

真面目

打回原形 攻城冇着數 苟芸慧$12,000平租日出康城

苟芸慧自從 08年選完華姐奪冠後,即使身形暴脹被人話係「肥苟」,但宅男照封佢做女神,有人緣又得 TVB力捧, 29歲女前途唔使愁。

早前苟芸慧捲入郭富城同熊黛林分手事件,更有報道指城城出租金畀苟芸慧搬入大坑豪宅,以為黐到城城有油水撈,但實情苟姑娘攻城零着數,上週更到將軍澳日出康城搵平盤搬竇。硬食小三惡名都係得個桔,苟姑娘今鋪真係承佢貴言撞正「爛桃花」囉!

苟芸慧當初同城城傳搭上後,苟姑娘一句「爛桃花」,搞到要道歉。

其實苟芸慧未搬到現居的西環舊樓之前,一直跟前男友羅天宇在日出康城同居,如今西環一年生約夠期,肥苟有感現居狂惹緋聞兼返工路途遙遠,最慘地址曝光後經常有傳媒在樓下等候,苟姑娘惟有急急搵樓搬。

最緊要平

現時以每月$16,000租住西環舊樓的苟芸慧,雖然獲 TVB力捧劇接劇,加上經常出騷接 job收入算唔錯,但一向慳儉的苟姑娘,對於搵屋仍貫徹平價宗旨。據一名地產經紀透露:「佢係有熟人介紹嘅,講到明想租三房,話住將軍澳方便返工,不過佢 budget好有限,只係大約預萬幾蚊喎,但係佢想要新樓又最好有啲裝修,其實𠵱家都冇乜選擇。」

照排隊

當日勁多人領取回鄉證,苟姑娘即使有預約都要排隊排到出門口。

苟芸慧跟港男羅天宇拍拖期間,曾一度在日出康城一期首都同居,事隔一年,苟姑娘再食回頭草。

睇中三房一廁

據知地產經紀曾推介過其他租盤畀苟姑娘,但除日出康城外,其餘各盤租金都由$18,000起跳,不太合苟姑娘預算。睇過幾個單位,最終屬意最近開始收樓的日出康城 2C期領凱,其中一個約 800呎的三房一廁單位。

該地產經紀續說:「其實佢都知將軍澳租金升咗好多,咁咪推介佢租日出康城嘅領凱囉,呢個盤啱啱開始入夥,好多人放租,雖然未有樓睇,但租金會平啲囉,$12,000就有三房揀,聽講佢仲考慮緊,但係好大機會撲鎚。」

慘食小三死貓,攻城又攞唔到着數,仲迫住租回日出康城住,唔知佢撞到前男友羅天宇會唔會尷尬呢?

返舊竇

新竇未搵定,苟芸慧攞完簽證後,仍返回西環舊居。

今年 4月郭富城演唱會尾場,城城還同拍拖 7年的熊黛林(箭嘴)公開握手,估唔到冇耐就分手收場!《蘋果日報》圖片

領凱多平盤

剛於本月開始收樓的領凱,早前有報道指由於放租單位過多所致租金受壓,苟姑娘識揀啱時候搵樓,醒目女喎!

落地玻璃

苟姑娘睇中的三房一廳單位大約 804呎,單位有落地玻璃,但據知苟姑娘曾表示入住後必定會落曬窗簾,故景觀不是太大問題。(網上圖片)

話曬係新樓,未有人住過的領凱,浴室設備十分乾淨。(網上圖片)

康城多星睇

法國康城多明星睇,而將軍澳日出康城極近電視城,亦吸引很多 TVB藝人入住,除了一班二線及甘草如歐錦棠、楊英偉和苟姑娘前度羅天宇等演員外,近年亦開始有一線藝人進駐,其中楊怡更於去年一擲 617萬購入一 1,300呎單位,日出康城都變明星城!

楊怡

買二期領峯約 1,300呎單位

朱璿

租一期首都約 670呎單位

王浩信

租二期領都約 900呎單位

周柏豪

租二期領都約 900呎單位

肥苟再發育

苟芸慧心廣體胖,雖然佢話俾人叫肥苟:「有少少唔開心!」但上週一( 20日)出席電影首映禮時,肥爆身形唔使多講,苟姑娘人肥上圍亦跟住脹,最慘連肥腩都脹埋,乜城城真係食厭排骨要食腩肉咩?

一牛黑色緊身衫,苟姑娘已經凸顯出肥腩同巨胸,一笑仲見埋雙下巴,減減佢穩陣啲喎!



鍾意就快D Share啦!