網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年5月30日 星期四

掛住瘟仔 欣宜 178磅登場




欣宜狂唱幫她減肥十年的修身堂,但老闆張玉珊依然贊助三十萬支持欣宜演出肥姐紀念演唱會。

探熱針

掛住瘟仔 欣宜 178磅登場

翻脹 40磅的鄭欣宜,今年初公開承諾一定要瘦番!本週六(六月一日),要為紀念肥姐演唱會上台的她無瘦過,更飆到上 178磅。

上週六(五月二十五日),欣宜排完舞,截的士到上環接了一名雙手有紋身的 ABC男一齊返屋企,但到埗時因發現記者,欣宜只好無癮自己落車返歸。

掛住溝仔,邊有時間減肥!

群星拱照

今年是肥姐沈殿霞逝世五周年,本週六的紀念演唱會,雖然演出歌手還有張學友、汪明荃、草蜢等,不過欣宜佔了一半的演出時間,變相是群星拱照肥姐寶貝女。

「喺紅館開騷係欣宜嘅夢想,陳淑芬舊年兩次幫佢入紙申請檔期,但紅館都唔批,最後要用肥姐紀念騷申請先搞掂,所以欣宜係當正自己演唱會咁做。雖然班嘉賓明知係撐欣宜開騷,但全部都係肥姐生前好友,即使無錢收,佢哋都無所謂。」知情者說。

今年初的頒獎禮上,暴脹四十磅的欣宜公開承諾一定會瘦番,但半年過去,她的體重依然失控,更升到上一百七十八磅。

6:35pm欣宜坐的士由銅鑼灣去上環,接紋身男一齊返家。

6:46pm見無法撇甩記者,欣宜無癮一個人落車。

6:55pm無落車的紋身男,到金鐘喪跑轉搭另一架的士甩記者。

唔覺瘦係靚

「就算鄭秀文、容祖兒佢哋咁 fit,開騷前都會積極減肥,呢啲係成功藝人嘅鬥志,但欣宜成日話自己唔係肥,唔明點解要減,又話唔覺得瘦先係靚。」

當年,由張玉珊一手打造成肥人天使的欣宜,竟深信減磅同是否勤做機無關。

「佢最近成日同人講,話自己瘦係靠跳舞,唔係靠修身堂,雖然大家都知呢個係佢逃避嘅藉口,但打完齋唔要和尚,始終唔係好啱!如果跳舞真係會瘦,佢由細到大都鍾意跳舞,咁以前點會肥到二百四十磅呢!」欣宜身邊人說。

吼紋身男

唔願抽時間減肥,欣宜寧願日日瘟仔。自從與鬼仔男友 Mark Ryan分手後,欣宜閃𠝹韓籍大隻 Jin,但對方身邊女伴不停轉,即使跟欣宜未斷纜,兩人見面時間亦不多;無仔不歡的欣宜,近日亦不斷約會不同男伴,更經常帶仔返列堤頓道寓所。

上週六(二十五日),欣宜終於有時間到修身堂減肥,做到下午四時多,再轉往銅鑼灣摩頓臺排舞個多小時。

急住走的欣宜原來有約。坐的士到上環接了個紋身男後,便駛回列堤頓道寓所。差不多返到屋企附近,醒目欣宜忽然回頭望,發現有記者車跟住,左兜右兜始終無法擺脫記者,她才無癮獨自上樓。未有一齊落車的紋身男則原車駛往金鐘的士站落車,再喪跑上過另一架的士離開。

兩星期前,欣宜曾約另一大隻男行街睇戲,心情甚 high。

行 Citysuper時,欣宜瞪大眼望住大隻男放電。

由欣宜孭重飛的肥姐紀念演唱會,門票銷情欠理想,只有最平飛賣曬。

無仔不歡

已經 26歲的欣宜,讀書時期已經掛住瘟仔經常逃學,肥姐過身後,更加無王管,同居換畫,絕對拎得起,放得低。

林寶麟

04年,在加拿大留學時與同學林寶麟撻着,欣宜為了拍拖經常逃學,又將與男友的「親密照」放上 blog,肥姐不滿棒打鴛鴦,二人 06年分手。

Mark Ryan

同林寶麟分手後火速搭上教英文的 Mark Ryan,其間,欣宜動用肥姐遺產,以 1,100萬買下位於列堤頓道物業,與男友同居。

韓籍男模 Jin

有指欣宜去年背住 Mark與 40吋巨胸的韓籍男模 Jin撻着,二人被拍得在中環撐枱腳後,欣宜才主動宣布已與 Mark分手。



鍾意就快D Share啦!