網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年5月24日 星期五

撻着 5個月 傅嘉莉褻衣情挑吳卓羲




喱士誘惑

上周一( 13日),傅嘉莉攻入中環連卡佛內衣部,她對黑色喱士內衣似乎十分鍾情,不停用手試質感。

娛聞樂

撻着 5個月 傅嘉莉褻衣情挑吳卓羲

有「姐仔屠夫」之稱的吳卓羲,女伴一個接一個,早前有報道指他拍《衝上雲霄Ⅱ》期間,以糖水攻勢冧掂 28歲傅嘉莉。

吳卓羲溝女招數多多,據知他與傅嘉莉去年 9月赴三亞拍劇時,曾差遣自己助手服侍女方。二人秘密撻着 5個月,奈何吳卓羲近日北上搵真銀,雙方見面機會減少。上周一( 13日)傅嘉莉到連卡佛買定喱士褻衣,看來是為了取悅一向愛玩 phone sex的吳卓羲。

睇粉紅 bra

之後她經過胸圍部,發現粉紅色胸圍,便立即停低。

揀埋內褲

揀完女性恩物,傅嘉莉轉戰男性內褲,買了一條瑞士 Zimmerli中碼黑色內褲,盛惠 400元。

再掃名 tee

買完內褲,傅嘉莉再睇中一件價值約 3,000元的 Givenchy黑色中碼 tee,睇落件 tee頗啱吳卓羲。

今年 28歲的傅嘉莉,上圍有 32B。 03年以「翻版徐子淇」入行,拍過《無間道Ⅱ》、無綫《四葉草》等。出道 10年,傅嘉莉只與組合 Square成員 Brian拍過拖,是緋聞絕緣體。

食女無數的吳卓羲,花心男形象浮面。但男人不壞,女人不愛,個底花到暈的吳卓羲繼續溝到女,最新獵物就是 model出身,今年 28歲的傅嘉莉。

汗水互融

去年 9月底,吳卓羲與傅嘉莉齊齊到海南島拍攝《衝上雲霄Ⅱ》。當時吳卓羲抹完汗後,用相同紙巾再幫傅嘉莉抹汗。

停機照挨

圖片

去年 11月,吳卓羲加強攻勢,二人於沙灘拍談情戲時,即使導演嗌 cut,但吳依然挨實傅膊頭,十分肉緊。

安排助手服侍

唔好再咁花心喇!(設計對白)

吳卓羲去年拍《衝上雲霄Ⅱ》認識傅嘉莉,雖然當時他剛被張馨予狠飛,又被拍得與人妻梁靖琪水戰肉搏,但吳卓羲溝女有一手,話咁快溝掂傅嘉莉。

去年 9月,吳傅二人到三亞拍《衝Ⅱ》兩星期,當時吳眼見傅身邊缺乏助手,就吩咐自己的女助手轉去服侍傅。劇組工作人員說:「嗰時 Kelly(傅洋名)話曬都仲係新人,身邊點會有人服侍佢吖。阿 Ron(吳之洋名)見到 Kelly一個人又要拎喼又要拎水壺,咪第一時間仆過去 Kelly度幫手攞嘢囉,仲大大聲叫個助手以後跟住 Kelly,都好 man㗎!」該名女助手於三亞期間,就全程服侍傅嘉莉。由於傅嘉莉於劇中暗戀吳卓羲,二人對手戲極多,等埋位期間,吳經常搞爛 gag,𠱁傅開心。

吳鎮宇幫手溝女

自月初爆出傅嘉莉秘嗒吳卓羲後,傅的工作量隨即增加。單計 5月份,已出席了四個活動及拍了一個美容廣告。《蘋果日報》圖片

不過吳卓羲情史厚過電話簿,儘管他招數多多,但依然未能令傅嘉莉放下戒心。傅密友說:「阿 Ron個底咁花, Kelly當然睇定啲先。直至今年 1月,傅嘉莉 28歲生日,吳卓羲與吳鎮宇齊齊拍片賀壽,就令傅心都軟曬。有睇過條片的人士說:「阿 Ron喺片入面不停 chok,擺出冧女樣,又話希望 Kelly新一年會搵到一個好似佢(吳卓羲)咁好嘅男朋友。講到咁白, Kelly唔嗒糖都唔得。」

礙於傅嘉莉並非無綫旗下藝員,無綫有高層就禁止二人戀情曝光,唔想有人借緋聞上位,故他們暫時只能夠玩地下情。吳卓羲現時正北上趕拍內地劇《待嫁十年》,下月初才煞科。上周一( 13日),本刊就拍得傅嘉莉,到中環連卡佛揀選挑情褻衣,更買了一條男裝黑色內褲和一件黑色 T恤。吳卓羲一向愛玩 phone sex,早前曾被本刊踢爆他要圈外女友穿褻衣,傅嘉莉看來亦投其所好。

周二( 21日),記者致電傅嘉莉,她說:「我同 Ron依家仲係好朋友階段,不過將來嘅嘢冇人知。阿 Ron其實係一個幾 sweet嘅男仔,有好多方面值得人鍾意。(買褻衣同男性內褲喎?)係工作需要啫,想自己有更好線條;至於內褲就係朋友幫佢老公買,我幫吓眼。」致電吳卓羲,截稿前仍未獲回覆。

姐仔屠夫

33歲吳卓羲溝女招數層出不窮,不少與他合作過的女藝人都紛紛中招。

官恩娜

吳卓羲 05年拍攝《酒店風雲》與官恩娜撻着,二人拍拖兩年後分手。不過有指他們分手後依然藕斷絲連,去年有報道指吳經常出入官位於上水的村屋,惟他們矢口否認。

佘詩曼

與官恩娜分手不久,吳卓羲速食佘詩曼。本刊拍得佘曾鬼祟匿入吳座駕內,更有報道指吳食軟飯,獲佘送贈百萬波子。

馬賽

09年,有指吳卓羲睇中馬賽隱形富家女身份,趁拍《女王辦公室》時搞掂馬賽,二人當時更秘密同居馬賽親戚名下的何文田帝庭園。

徐子珊

騎住馬賽期間,吳卓羲 11年與徐子珊拍《法證先鋒Ⅲ》時拍出愛火,二人收工後經常約埋食飯,當馬賽冇到。

張馨予

正當吳卓羲與馬賽及徐子珊的緋聞鬧得熱烘烘之際,正印真身原來是國產乳牛張馨予,二人 10年底開始地下情,直至去年張終獲吳確認名分。不過爛玩的吳竟背女友暗溝圈外富家女 X小姐,吳最終被張狠撇。

梁靖琪

四圍放電的梁靖琪嫁人後死性不改,去年 9月,本刊就拍得吳卓羲與梁靖琪於海南島拍《衝上雲霄Ⅱ》時,半夜摸黑潛入泳池肉搏。

其他影片
  • 傳嘉莉買定褺衣餵飽唱 K


鍾意就快D Share啦!


Related Posts Plugin for WordPress, Blogger...