掃呢頁CODE去手機

2013年5月2日 星期四

搵食艱難 謝安琪斬件賣身養家 張繼聰 600蚊拍劇幫補




探熱針

搵食艱難 謝安琪斬件賣身養家 張繼聰 600蚊拍劇幫補

在無綫主持拍劇騎兩瓣的張繼聰,近日再接新劇《食為奴》,又以 20萬買下二手 Land Rover方便開工;密密有 job,但張繼聰在無綫的騷價得 600蚊,拍一套《老表,你好嘢》,也只有萬多元落袋,賺埋夠食飯俾油錢,養家重責,繼續靠老婆謝安琪撐住。

老公搵得少,去年收 160萬簽約星煥的謝安琪,早前再賣多次身,連同一半經理人合約,以 250萬與台灣金牌大風簽約三年,慢慢搣!

識擦高層

出道以來,張繼聰事業毫無起色,直至去年有份拍王祖藍揸旗的《老表,你好嘢》,才有所改變。「無諗過潮潮(劇中角色)咁受歡迎!」張繼聰得意,老婆謝安琪亦幫口穀人氣:「見到佢追王菀之,我都嬲咗佢,囝囝問點解爹哋會同第二個姐姐一齊。」

無綫俾機會,拍劇之外,張繼聰還有機會做主持,與商天娥主持節目《玩嘢》,可惜觀眾反應極差,未能為他加分。

「佢(張繼聰)同娥姐完全無默契,頭嗰兩集連睇機位都掌握唔到,班幕後工作人員鬧爆,其實佢係擦得掂餘詠珊先有機會做主持,但連公司自己友都嘈曬,話佢做得差。」知情者說。

食麵醫肚

15/4 7:20pm

食肆枱黐枱坐滿人,卻無礙謝安琪夫婦撐枱腳。

得不償失

工作量無疑增多了,但張繼聰為無綫拍劇,一個騷錢得六百蚊,就算有機會拍到人氣劇《老表》,實際收入也只得萬多元。但為方便返電視城開工,早前花了二十萬,買入一架二手 Land Rover,得不償失。

「阿聰住大埔,返 TVB車程遠,又唔可以成日揸咗老婆架 Mini,咪買部二手車開工囉!呢款 Land Rover新車要成四十幾萬,二手價都算合理!」

謝安琪去年與環球解約,轉投星煥旗下,但近日竟然再賣身台灣金牌大風;據了解,由於她連同經理人合約一併簽予對方,令星煥老闆何哲圖大發雷霆。

張繼聰與王苑之在《老表》一劇,表現突出。

人氣大不如前,去年謝安琪在紅館開騷,只開得兩場,相比○九年的七場,大跌 watt。

鄭丹瑞出山主持的《勁歌》改在淩晨十二時播出,星煥老闆 Herman,率領謝安琪、鍾嘉欣及許廷堅撐場。

好睇唔好食

港姐朱千雪拍《叻哥遊世界》,騷錢亦只得一千。

張繼聰以歌星身份拍劇及做主持,騷錢得 600元,與他拍住檔在《老表,你好嘢》中被讚的王菀之,騷錢亦只得一千元,隨時貼錢打工。

事實上,無綫出手一向低,尤其新人,港姐華姐選美後簽約,騷價一千元起跳,巨聲幫更低至 800元。願打願捱,樂大媽金句:簽無綫提升知名度,加強賺外快能。值博與否,自己諗!

「舊年過星煥,阿 Kay收咗一百六十萬簽兩年,做唱片好難搵夠數, Herman(何哲圖)一路都要求同夏森美(謝安琪經理人)一齊 co-manage阿 Kay,做法同以前環球一樣;但佢哋一路係咁拖,仲唔聲唔聲簽咗俾台灣金牌大風,雖然只係國語碟,但阿 Kay過咗星煥咁耐,碟都未出就簽第二間公司,仲要連一半經理人約都簽埋俾嗰邊, Herman唔嬲就假!所以佢哋呢排都無咁落力幫阿 Kay傾 TVB啲 job。」

三人行

14/4 2:15pm

一連兩日,謝安琪同衫同鞋出街。

為方便開工,張繼聰以二手價 20萬買入黃色 Land Rover。

約了友人到 W酒店 high tea,張繼聰把車泊到圓方停車場,未有花錢用代客泊車。

張瞻坐住手推車,由媽咪推住行,在超市內碰到 Wilson,三人雞啄唔斷。

飯局補鑊

小豬羅志祥、棒棒堂離巢,台灣金牌大風再無巨星坐鎮,上月 29日,謝安琪以一身露背裝簽約旗下,表現風騷。

得罪米飯班主,謝安琪做好做醜,拖埋張繼聰,相約何哲圖及餘詠珊兩夫婦食飯補鑊。

「人哋唔係傻嘅,冇咁易掹得番啦!阿 Kay食兩家茶禮,收錢嗰陣,佢應該諗吓後果。」

收入雙位數

童星出身的張繼聰,歌影視舞台劇樣樣沾手,但多年來事業無甚起色,即使在無綫曝光率有增加,但賺錢能力仍十分有限。

撰文、攝影:娛樂組

mailto:nextb@nextmedia.com


鍾意就快D Share啦!