掃呢頁CODE去手機

2013年5月8日 星期三

聽曬你話 黄曉明全面操控  Baby瘟仔作反




現時在橫店趕拍的處女劇《雲中歌》都係一心以為有得同黄曉明情侶檔演出才肯接拍,可惜黄曉明因傷辭演。

真面目

聽曬你話 黄曉明全面操控  Baby瘟仔作反

話曬在香港做𡃁模起家,女神 Angelababy搖身一變,成為強國一線女星,仲被選為新四花旦,但竟傳出搞到手上有兩大王牌, Baby和熊黛林的香港經理人 Kim,冇啖好食。

一切都係因為 3年前接拍《一場風花雪月的事》撻着黃曉明囉!人紅靚仔,最緊要仲有生意頭腦,揸住強國龍頭娛樂公司華誼兄弟成億股份,再氹掂 Baby簽約華誼方便全權操控, Baby瘟仔之餘,再搵埋人仔,家吓唔願返香港接 job, Baby同 Kim 10年經理人情誼有考驗喎!

10年,黃曉明在河北拍《趙氏孤兒》時, Baby高調探班,仲被拍到餵曉明哥食車厘子添!

由模特兒轉去影圈,短短 3年, Baby就升呢為新四花旦,同劉詩詩、楊冪和倪妮睇齊,都係多得男友黃曉明射住,順理成章以「明嫂」身份打開內地市場,眨吓眼就行咗 3年,黃曉明更加逐步私有化 Baby。

有米兼有計

今年 36歲的黃曉明,最近被爆擁有價值過億 648萬股華誼兄弟股份,每年廣告片酬數以千萬計,又有獨到眼光投資地產、紅酒、牙科醫院和高爾夫球場,身家粗略估計約 4億。

今年 4月,「福布斯」中文網公布了 13年福布斯中國名人榜,黃曉明以超過 7000萬的收入和高曝光率,成為榜上排名最高的內地男藝人。咁都未夠, 3年前出資拍戲、去年自組「黃曉明工作室」,做埋娛樂大亨。

雖然因腳傷停工 3個月,黄曉明投資有道,被爆身家超過 4億人民幣!網上圖片

去年 6月, Baby正式簽約華誼,合組 Angelababy工作室,更在記者會上默認與黄曉明戀人關係。《蘋果日報》圖片

明搶搖錢樹

2010年,黃曉明首次做出品人,其中投資的內地電影《一場風花雪月的事》,就敲定由 Angelababy主演,仲成為兩人情侶檔定情作。

雖然《一》疑似爛尾,不過無阻黃曉明繼續捧女友,作為華誼老臣子兼股份持有人,黃曉明穿針引線,去年初 Baby終於正式簽約華誼成為旗下藝人,接拍《太極》三部曲等多部投資過億華誼電影, Baby全年滯留內地拍戲,連商業活動亦以內地為主,雖然經理人合約由 Kim及華誼合作持有,但據聞只有香港的收入, Kim才有錢落袋。

知情人士更透露, Baby的工作安排, Kim更不能像以前般全權話事, Baby的工作重心轉到國內, Kim實際收益亦變相減少。 14歲就簽約,一手改造 Baby成為大眾女神, Baby把口就話當正 Kim阿媽一樣,不過係「娘」親定「仔」親,還是「人仔」更親?一眼睇曬!

煞科兩年後,《一場風花雪月的事》突然流出黄曉明、 Baby接吻照,傳言今年 8月上畫。網上圖片

10年 10月開鏡,剛撻着的黄曉明與 Baby奉旨半年日對夜對,甜到漏。

定情作出籠

《一場風花雪月的事》講述 Baby飾演之內地女警,在偵查價值連城失竊小提琴過程中,與香港黑幫之後黃曉明情難自禁暗生情愫,關鍵時候大義滅親搞到黃曉明含恨自殺,誰不知就發現珠胎暗結……故事改編自內地當紅作家海岩同名小說,由黃曉明投資,開拍時有噱頭有氣勢,不過 10年開鏡、 11年煞科,其後每年都話上映,不過只聞樓梯響,盛傳爛尾。最近網上突然流出 Baby曉明咀歪鼻劇照,再次傳出暑假上映,不過就未經導演證實。

人仔大曬

自從搭上黃曉明,再簽埋華誼, Baby香港工作買少見少, 13年過咗一半,都係出席過海港城新春團拜一次商業活動咁大把。

香港

31/1 海港城新春抱財神

內地

13/1 北京微博之夜

15/1 上海 Bvlgari開幕酒會

16/1 廣州 Chanel活動

21/1 深圳廣告拍攝

23/1 北京時尚活動

3/3 深圳 Audi活動

14/3 上海鞋履活動

30/3 上海 Dior活動

3月至今橫店電視劇拍攝

海港城

Audi(網上圖片)

靠曬 Lynn

分手之後, Lynn頻頻出街,上週五到大坑為愛犬買糧食,但仍然一臉倦容。

上個月正式同郭富城分手,熊黛林連續出遊過首爾、上海、新加坡, shopping工作再會友解悶療傷。上週六( 3日),本刊發現 Lynn繼續血拼,在銅鑼灣素顏拎住大袋戰利品回歸,同城城分手後,多日以來都係 Kim陪伴左右,又代勞對外發言及應付網上罵戰, Baby瘟仔辜負 10年姊妹情,睇怕失城 Lynn呢張王牌, Kim患難見真情都仲靠得住。



鍾意就快D Share啦!