Brittany俾媽咪拖住，過馬路跳吓跳吓，好活潑。
同你吟一吟
張家輝接俞琤貨
○九年憑《証人》攞獎攞到手軟嘅張家輝，因為未有內地票房做靠山，片酬至今唔過五百萬，作為影帝級，算抵用！
錢搵唔曬！錢搵錢最基本法則，張家輝靠投資磚頭，買一間賺到放咗先再買，從不打茅波！買放買放，由西貢村屋住到跑馬地，張家輝全賺。二五話佢一一年賣貝沙灣賺過千萬，再跟手以二千九百幾萬買咗跑馬地逸廬 B座一個高層單位，間屋上手業主仲正正係俞琤。
上星期五（五月二十四日）晚八點半，張家輝一家三口喺銅鑼灣食完晚飯，再踱步行番黃泥湧道屋企，其間路經地產公司，張家輝同老婆關詠荷停低係咁睇。但二五話影帝認為現居地段好又方便囡囡 Brittany返學，啱曬跑程。
冇嘢嘅，做定功課係好習慣，難怪張家輝每次上車落車，都係心水位，啱啱好！
|
鍾意就快D Share啦！
|
|
|
