網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年5月1日 星期三

估佢唔到 神秘富豪帶挈 麥包炒金炒鋪身家過億




真面目

估佢唔到 神秘富豪帶挈 麥包炒金炒鋪身家過億

入行超過 25年的「麥包」麥長青,近年終於上到二線, 10年仲憑於《巾幗裊雄之義海豪情》梁飛凡一角攞埋「最佳男配角」,一夜之間名利雙收。

麥包雖然上咗位,但作風低調,經常被影到牛記笠記,名下又只有一個市值 8百多萬的鰂魚湧舊樓單位。但本報得悉,麥包原來禾稈冚珍珠,秘密做咗鋪王。據知麥包獲一富豪暗中出手幫助,近年炒金又炒鋪,身家已過億,最難得係麥包依然為人低調冇曬命,圈中隱形富豪竟然係佢!

10年麥包憑《巾幗》內的梁飛凡攞到「最佳男配角」,令佢發覺對演戲團火未熄,所以至繼續留低拍劇咋!

99年與拍拖多年女友林孜結婚,現有一仔一女的麥包麥長青,自 06年參演《西遊記》飾演沙僧後開始備受重視,可惜星途一般,直至 10年,終於憑《巾幗梟雄之義海豪情》內的梁飛凡得到人生第一個獎項,「最佳男配角」。

口密受富豪賞識

於電視圈企穩,據知麥包更開始投資商鋪吸金。早在 06年,麥包已離奇地被「神奇小子」黄海明(商鋪炒家)睇中,邀他幫手在旺角東京銀座做「商場醫生」,當時麥包出心出力,招攬多位藝人於該商場開鋪製造明星效應。雖然商場最終執笠收場,但卻令麥包成功埋到黄海明及「鋪王」鄧成波身,即使銀座執笠,但二人不時畀料麥包,買鋪又預麥包一份,麥包身家日漸豐厚。

06年麥包為電視劇《寫意人生》開工,便同一時間跟「波叔」鄧成波學做商場項目總監。知情人透露:「麥包對長輩有禮貌,加上佢份人好老實,從來應承咗咩都會做到,老闆都好睇佢,直頭當佢細佬咁,所以有好嘢都會預佢一份,最好就係麥包唔口疏、又唔會擺款,你睇佢發咗達咁多年冇人知就知啦!」據知麥包現時已有多個商鋪在手,如旺角砵蘭街的新文華商場( MPM)、以及澳門兩個鋪位。知情者更透露麥包跟有「上海仔」之稱的江湖中人郭永鴻友好,近年也有孖住投資,但為免富貴身家曝光,該商場業主名單並沒有麥包名。

炒金賺過億

麥包近期拍住田蕊妮同郭晉安拍《舌尖的公堂》,嚟緊仲有《守業者》,有排冇得唞。《蘋果日報》圖片

麥包熱衷投資商鋪,水頭充足的他近年亦開始投資黄金,於本地一著名金業投資公開開設戶口,「大約 4、 5年前,有位香港商人搵咗個相熟經紀幫麥包買金,佢一開頭都拎咗幾千萬出嚟,主要都係炒黄金,小部分至用嚟投資基金。佢眼光幾準,前幾年金價係咁升,佢嗰份成本碌吓碌吓已經過億。」一名金業經紀說,即使近月金價大跌,他仍損手不大。

雖然身家有番咁上下,不過麥包並無因此而退出幕前,反而有劇就接、有騷就出,實行搵得幾多得幾多。本刊曾致電麥包,但至截稿前仍未聯絡得上。

吹雞好友撐

06年時麥包任旺角東京銀座「商場醫生」開幕時,姚樂怡同埋未整容嘅吳文忻都有畀面現身撐場。

《蘋果日報》圖片

「上海仔」郭永鴻

據知位於旺角砵蘭街的新文華商場,鋪王鄧成波、綽號「上海仔」的郭永鴻和麥包都有份投資,但本刊查冊,只顯示是由資深投資者黎永滔及大鴻輝集團主席梁紹鴻共同持有。

「鋪王」鄧成波

《蘋果日報》圖片

老闆睇中

《蘋果日報》圖片

黄海明(左一)睇中麥包喺圈中人緣好兼為人謙虛又口密。 06年搵佢參與發展旺角東京銀座商場發展計劃,從此二人拍住上。

蕭正楠:佢有生意頭腦!

蕭正楠、姚樂怡和李思蓓都曾經於 06年受麥包吹雞,租過旺角東京銀座商鋪經營小生意,雖然商場最終靜過鬼,但各人都冇跟麥包反面,更大讚麥包有生意頭腦。

蕭正楠

當年阿包叫我試吓做生意,就同個拍檔開檔賣吓化妝品,雖然我只係落過去一次,但見到阿包搞到個場有聲有色,好佩服佢。佢咁有生意頭腦,抵佢搵到錢啦!

姚樂怡

當年都搞得好好呀,唔知佢𠵱家發咗喎,咁咪好囉!

李思蓓

嗰時都係抱住試吓嘅心態,所以贏輸都冇所謂。麥包𠵱家原來咁掂呀?真係好恭喜佢。

低調住深井

麥包和老婆林孜於 08年以 4百多萬購入鰂魚湧惠安苑一單位,亦同時以約 3萬元月租租住深井碧堤半島一高層望海單位至今。身家過億,住屋就好低調囉!

租住

碧堤半島

《蘋果日報》圖片

持有

惠安苑

市值: 8百多萬元

《蘋果日報》圖片

採訪、撰文、攝影:娛樂組


鍾意就快D Share啦!


Related Posts Plugin for WordPress, Blogger...