掃呢頁CODE去手機

2013年5月23日 星期四

打上癮 半年變三個月 葉翠翠硬膠面失控




葉翠翠被發現再度變臉,卻擘大眼講大話否認有後天加工。

探熱針

打上癮 半年變三個月 葉翠翠硬膠面失控

由 05年在港姐摘冠,葉翠翠已被稱為「整容港姐」,多年來五官輪廓不停變,近期有份演出的《金枝貳》,生硬對白加硬膠表情更淪為笑柄。原來,葉翠翠由五年前開始,便到尖沙咀的美容院打 Botox整容,打針打上癮的她,更由半年修葺一次縮短為三個月一次,為怕俾人發現,葉翠翠每次打針,謝絕美容師、助手入房,指定要由醫生一手一腳搞掂。

愈打愈貪心

《金枝貳》收視插水,在劇中演嬤嬤的葉翠翠,演技被彈,配合硬膠面,雙重趕客。據知一直嫌自己面闊鼻扁的她,原來五年前開始,透過朋友介紹到位於尖沙咀的 IOS Spa美容院,打 Botox(肉毒桿菌)整容,更愈打愈上癮。

「通常打一次 Botox可以維持半年到九個月,葉翠翠最初幫襯,都係半年先打一次,大概打十六針,佢嫌自己鼻扁面闊,所以主力打呢兩個部位。

「之後佢愈打愈多,眼同下巴都打埋,呢一年佢嚟得特別密,好似打上癮咁,三個月就要打一次,佢見醫生話打密啲無問題,佢好似怕走樣咁,準時三個月就去見醫生!」知情者說。

葉翠翠幫襯的美容院,有 facial及彩光美容服務,亦會幫客人打 Botox、 PRP(幹細胞美容),但葉翠翠只到該美容院幫襯打 Botox整容。

05年

11年

13年

張可頤曾被推介打 Botox,但她一口拒絕。

特別要求

由於美容院位於彌敦道大街,為怕被偷拍,葉翠翠每次幫襯都好小心,出入戴口罩,搭𨋢亦會耷低頭。

「幫佢打針嘅鍾醫生,每次都會按葉翠翠要求,唔俾其他人入房,可能佢驚人偷拍啩,基本上醫生需要助手企側邊幫手,但為咗招呼葉翠翠,醫生會喺佢到之前將啲嘢準備好,再清場唔俾人入!」知情者說。

該店的老闆娘,與不少圈中人稔熟,麥景婷、張可頤、王喜、陳志雲等,均是上址的長期 facial客戶。

「陳志雲係王喜介紹佢嚟,佢都好貪靚,做得好密,張可頤主要上去做 facial,試過有美容師推介打 Botox,佢話以前試過甲狀腺有問題,怕有影響,堅持唔打。」知情者說。

快將三十一歲的葉翠翠,打針打到似膠面人,相比四十四歲的張可頤,明顯自然順眼得多!

原本心口無肉的葉翠翠,○七年忽然有料到。

在《金枝貳》中,葉翠翠講對白似背書,塊面更硬到無表情。

葉翠翠和楊秀惠先後被指整容,亦同時試過忽然大細面。

王喜不單幫陳志雲落雨擔遮,原來還介紹陳生做 facial。

逐樣執

05年入行的葉翠翠,積極改造五官、身材,為釣金龜做好全身準備。

整容港姐

05年參選港姐期間,被踢爆曾割雙眼皮、隆鼻及削面,改造成功的她最終勇奪冠軍。

突然升 cup

07年,葉翠翠向公司請半個月假秘密改造,由 32A平胸,跳升至 34C,升 cup後更密密接泳衣騷搵錢。

(《忽然 1周》圖片)

港姐股神

08年,葉翠翠暗交富商黃有龍,隨即購入賽西湖兩個千呎單位,後來她辯稱贏股票買豪宅,被嘲「港姐股神」,最後黃有龍搭上趙薇,葉翠翠失長期飯票,更傳被男方追討過千萬掟煲費。

暗交德勤會計師

12年,有指葉翠翠主動出擊,追求德勤會計師事務所合夥人之一唐業銓,積極在對方的 facebook留言,並展開 whatsapp攻勢,二人更被拍得在香格里拉酒店撐枱腳。

波子男

一直積極釣金龜,今年初再被發現約會有米男,對方駕駛保時捷戰車接她收工,但被記者撞破後,男友即黑面發難,更試圖開車門撞向記者。



鍾意就快D Share啦!