熱爆娛樂: 半年上三男　雜食藍莓速嗒許廷鏗大佬

2013年5月30日星期四

半年上三男　雜食藍莓速嗒許廷鏗大佬

探熱針

半年上三男　雜食藍莓速嗒許廷鏗大佬

早前被踢爆出入澳門酒店「送外賣」，被指「過夜價」 25萬的 23歲藍莓（劉俐），事後承認當日在澳門密會電影《低俗喜劇》投資人兼太陽娛樂公司老闆周焯華。據了解，交遊廣闊的藍莓不單愛熟男，更愛有米𡃁仔，過去半年，速食許廷鏗胞兄 Wilson（許永鏗），又撻着金勞紋身男以及她口中的 Jerman BB，條條都係水喉。

孖許廷鏗大佬 Wilson夜蒲

許家一向低調，許廷鏗甚少跟大佬許永鏗出席公眾場合。

有神秘老細

由監製錢國偉帶入行在無綫節目《美女廚房》中做天使的藍莓，多年來行行企企做二打六，但十五歲便鎖定目標唔富貴唔識的她，專揀名人二代如何超盈、唐貝詩做朋友，陪玩陪食陪蒲，靠黐擴展富貴網絡。

一一年跟林峯在夜店啜爆出位的藍莓，近年有司機保母車接送，更由月租萬元起的紅磡酒店式住宅海韻軒，升價租住三萬多的譽港灣。

「藍莓近年出入有司機保母車任用，架車擺明唔係佢，佢亦從來唔講邊個喺老闆，對朋友亦好豪氣，送俾 Lydia（唐貝詩）份生日禮，都係對七千蚊嘅名牌鞋。」知情者說。

半年前，藍莓與陳豪、黎耀祥在中環拍宣傳片，其時記者已發現只需過鏡埋位唔夠半粒鐘的她，竟有保母車守候，比自己揸車到的兩個視帝，派頭更勁。

紋身男酒店食好嘢

食完飯，即撇低朋友跟金勞紋身男打的走人。

攬有米 Jerman

藍莓不時將跟有米 Jerman的親密相放 fb。

密會老闆

太陽城集團老闆周焯華（左一）年約 40歲，藍莓承認跟他在澳門密會。

錢國偉帶挈藍莓做天使妹（右一），性感肯露，好快被監製賞識入無綫拍電視劇。

有份拍重頭劇《衝上雲霄 2》，不過戲份唔多的她要著三點式騷胸騷腿上鏡。

肯埋單就得

即使背後有老闆射住，藍莓仍絕不放過任何結識有米後生男機會。

「佢同許廷鏗嘅哥哥 Wilson今年初喺夜場搭上，兩個都鍾意飲，次次都飲到好醉，簡直一拍即合，藍莓知道對方係律師，屋企又有家底，就咬住唔放。有排佢哋成日拖住手落蘭桂坊，好多朋友都知，但藍莓間唔中玩失蹤，兩個成日嘈交，三個月就散咗。」

甩許廷鏗胞兄後，藍莓轉黐金勞紋身男。三月中，記者發現二人跟一班朋友在尖沙咀 Butterfly酒店食完晚飯，紋身男埋單後就撇低朋友同藍莓搭的士離開；而同一時間，藍莓跟另一有米男 Jerman亦周圍玩食好嘢。

「藍莓叫對方做 BB，佢哋成日飛去外地玩， Jerman好闊綽，肯送名牌禮物；不過藍莓好醒，唔會正式介紹邊個係佢男友，總之埋到身，只要肯埋單，就好易過到關。」知情者說。