網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年5月8日 星期三

攞完獎撇物流才俊  DaDa:男人信唔過!




雖然常有網友笑 DaDa「人字咪」,不過 DaDa一於冇有怕,今次拍廣告都豁出去,着好耐冇着過嘅三點式泳衣,電視及平面廣告將於本月 14日出街。

封面

攞完獎撇物流才俊  DaDa:男人信唔過!

以「百果園 E神」出道嘅 DaDa(陳靜),一直靠事業線上位,出寫真、拍大膽戲。但自去年《低俗戲劇》內「爆炸糖」一角彈起,更攞埋金像獎最佳女配角, DaDa終於由𡃁模搖身變實力演員。

事業有突破,但愛情就未有着落。雖然一月份同從事物流生意嘅圈外男友蜜運,但拍拖唔夠半年, DaDa竟話因工作太忙而分手。唔使瘟仔, DaDa專心闖影壇,最近仲凱旋回歸道地百果園,為其新產品西瓜汁擔正拍廣告, 6位數酬勞事小,最重要是強大廣告宣傳。男人信唔過,當然睇名利好過!

入行 5年的 24歲 DaDa, 5年前被睇中同陳柏宇拍百果園飲品廣告,當年清純外表已引起網民關注。兩年後簽約施念慈的 Jasco經理人公司後, DaDa即開始走性感路線,以 34E身材作賣點,有頭威冇後着,直至上年被彭浩翔𥄫中請佢拍《低俗喜劇》,才有機提名金馬獎最佳女配角,再攞埋金像獎最佳女配角, DaDa終於爭番啖氣。

DaDa憑《低》片「爆炸糖」一角,奪得「金像獎最佳女配角」,擊敗咗邵音音和金燕玲等前輩。佢喺台上原本想多謝發行商 Golden Scene,但由於英文發音唔正,講咗「高登先」,原來佢會考 5分都冇,難怪!

'08配陳柏宇

5年前拍百果園廣告配陳柏宇, DaDa得 19歲,當時仲走緊清純路線超密實。但 5年後竟然着住性感比堅尼賣百果園西瓜汁,相信 5年前嘅佢都估唔到。

拍攝廣告期間, DaDa唔小心跌爛咗西瓜,好彩工作人員有後備,而經過苦練後, DaDa除咗巨咪,仲有纖腰。

拍攝期間 DaDa相當緊張,每拍攝一個鏡頭都會走去睇 playback。 DaDa話:「我最緊張條腰影出嚟瘦唔瘦。」

4新片輪住上

為令 DaDa專心拍電影,施念慈為佢推咗唔少工作,二人更因此吵大鑊, DaDa話:「有嘈過一兩次,但最後都係佢打畀我,氹番我。」

演技被肯定, DaDa終於可以洗走「𡃁模」惡名,被導演關注。

今年除了已落實接拍 2套由彭浩翔執導的電影,更被陳果睇中,連續邀演兩套戲。雖然不算年度大片,但已贏盡同期行性感如 Carol等𡃁模。就連百果園亦睇中 DaDa人氣,事隔 5年再請佢代言即將推出的西瓜汁。

廣告上月於東湧取景,好耐冇着過三點式嘅 DaDa,當日最緊張唔係事業線而係腰線,於拍廣告前二星期日日做過百下 sit up。拍攝 9小時,穩袋 6位數字酬勞。 DaDa話今年主攻電影,「多謝導演畀機會我,我今年應該會有 4套戲上畫,寫真就暫時唔會再出。」

嚇走大客?

3年前簽約施念慈的經理人公司 Jasco後, DaDa經常賣性感,出過兩本寫真,就算行騷都以內衣騷為主。不過 DaDa唔認以前嚇走時裝品牌大客。「其實有唔露肉嘅 job,不過大家冇留意,亦都有唔少時裝品牌搵我,不過價錢唔啱,所以我冇接啫!」攞獎後當然唔同往日。

潮牌睇起

DaDa攞獎後最新工作,被 I.T旗下日本潮牌 BAPE睇中,邀去日本為副線「 Aape」示範新裝,升曬呢。

DaDa有 E cup身材,自然得到內衣品牌垂青,上年 9月就為 Peach John喺 Sogo行內衣騷,唔係咁多 model肯制。

DaDa出過兩本寫真,大騷其 E cup人字咪。不過由於賺錢唔多,亦唔想愈露愈多冇回頭,上年已冇再推出寫真。

彭導禦用

DaDa自從 11年推出第二本寫真後,事業便陷入低潮期,冇靚廣告,靠返內地登台吸人仔。好彩上年被彭浩翔睇中,邀拍《低俗喜劇》後成為彭浩翔禦用班底,除咗客串即將上畫的《飛虎出征》,接住有《香港仔》,加埋陳果導演嘅《那夜淩晨,我坐上了旺角開往大埔的紅 van》及《迷離夜:驚蟄》, DaDa今年起碼有 4片在手,拍得住娜姐。

《低》片後 DaDa成為彭浩翔禦用班底,彭導開戲必有 DaDa份。

為咗有纖腰效果, DaDa拍攝前兩星期每日狂做過百下 sit up,仲戒食朱古力。終於有番 24吋腰。

DaDa喺《低》片入面飾演發明星夢嘅索女爆炸糖,戲中 DaDa唔只素顏,仲凸點上陣,攞獎都抵!

7月上映嘅彭浩翔新戲《飛虎出征》 DaDa亦客串一角,飾演杜汶澤老婆,唔使露。

「信自己多過男人」

DaDa首套作品《喜愛夜蒲》戲分拍得住女主角連詩雅,而且多場肉搏場面,更同前男友王宗堯有大膽床戲,絕對喺戲中最搶角色。

事業得意,但愛情就白果。 DaDa入行初期,只與奀星王宗堯及 Square成員 Gary趙俊承拍過拖,到今年 1月 DaDa再有新歡,她自爆跟一位喺上海工作嘅才俊蜜運,據知該才俊經營物流生意,二人經朋友介紹認識後極速撻着,可惜拍拖唔夠半年便極速玩完。

DaDa話:「其實佢好細心,對我好好。我諗大家嘅工作性質唔同。有時我做嘢十幾個鐘冇聽電話,佢就會好緊張。我覺得唔習慣所以都係選擇做朋友就算囉!同埋𠵱家我冇時間拍拖,我覺得信自己多過信男人。所以暫時都唔會拍拖住。」

DaDa仲自稱唔吼富二代,「我都識唔少富二代朋友,我覺得佢哋不可一世,唔顧人感受,所以好多都發展唔到,我都係鍾意白手興家嘅男仔多啲。」接 job接到手軟,當然可以聲大唔使靠男人!

告別奀星

宅男女神 DaDa自然多人追,除咗先前傳聞嘅物流才俊外, DaDa仲同圈內男星拍過拖,亦傳過有富商朋友。 DaDa說:「我最唔鍾意就係富二代,我接觸過嘅通常都冇乜水準,講嘢又囂張,我鍾意啲靠自己嘅男仔。」隨着人氣升呢,男友亦寧缺莫濫告別奀星。

2010 王宗堯

DaDa入行後曾經同王宗堯拍拖一年多,分手後再在《喜愛夜蒲》合作。

2007  Square成員 Gary

二人相識於入行前,當時兩人拍拖一年後便分手。《蘋果日報》圖片



鍾意就快D Share啦!


Related Posts Plugin for WordPress, Blogger...