全城熱爆的娛樂八封新聞 & 時事趣聞 & 生活 + 趣聞
阿仔真乖！（設計對白） 今期流行孝順吖嘛！（設計對白）
離婚後嘅霆鋒，人成熟咗，同屋企人嘅關係亦 close咗，特別係媽咪拉姑。早排被網友影到佢陪媽咪去泰國拜四面佛。前幾日下晝，唔使開工嘅霆鋒趁一對寶貝仔俾前妻帶咗去台灣 happy，難得空閒上咗半山羅便臣道探媽咪，一坐仲坐咗三粒鐘㖭。
拉姑早前曾經講過，近年阿仔笑容多咗，又愛上廚藝，得閒仲會煮幾味孝敬媽咪。咁咪幾好，總好過昔日上台掟爛結他、向記者潑可樂咁年少輕狂吖！
霆鋒雖然戴住黑超，但佢真眼利，從金鐘寓所步出一刻，已一眼掃到媽咪姐，同時不忘 chok樣擺甫士！
霆鋒由助手陪住，一齊去羅便臣道搵媽咪拉姑傾偈，都算孝順。
一傾傾到天黑，霆鋒又返自己屋企，好 dry咁噃！
