掃呢頁CODE去手機

2013年5月8日 星期三

晚節不保 悶劇編審玩謝《巾幗 III》 黎耀祥驚又瀨嘢




咀到甩鬚

編審葉廣蔭講明《巾幗 III》有別前兩輯的含蓄,大玩激烈情愛,劇情重口味,男女主角胡杏兒及黎耀祥都要被姦、鹽花味精一齊加,被指為近年重口味之最。上月祥仔和杏兒的一場激吻戲,祥仔咀到鬚都甩埋。圖片

真面目

晚節不保 悶劇編審玩謝《巾幗 III》 黎耀祥驚又瀨嘢

金牌監製李添勝搭黎耀祥,向來係 TVB收視保證,尤其《巾幗梟雄》Ⅰ、Ⅱ輯,更令祥仔成首位「三料視帝」。

原先《巾幗》Ⅰ、Ⅱ輯由張華標出手(《溏心》、《家好》編審),不過張離巢後, TVB頓失金牌大筆,所以《巾幗Ⅲ》就重金搵來行內人譽為張華標高徒的葉廣蔭接棒。一向玩偏鋒的葉廣蔭一回巢就與添哥、祥仔合作兩劇,除《巾幗Ⅲ》外,還有播映中的《神探高倫布》,可惜離開 TVB有 16年的葉編審,「出山」即劣評如潮,大玩時空交錯的《神》劇,搞到網友嗌悶叫腰斬。視帝祥仔都自知瀨嘢,擔心《巾幗Ⅲ》再度中伏被拆招牌。

近期 TVB劇愈來愈重口味,重頭劇《巾幗Ⅲ》劇情更落重料,女主角胡杏兒要被 Bob(林盛斌)強姦外,連帶黎耀祥早前在訪問中都自爆劇中有場雞姦戲令到角色心理變態,人人有份!

出名愛以神怪荒誕做題材的葉廣蔭,早年 TVB的《大頭綠衣鬥殭屍》、《西遊記》等作品均是他的作品。

《巾幗 III》 3月開拍至今,只寫到 22集劇本,祥仔都講過拍劇多年,習慣「飛紙仔」。網上圖片

嗌停強姦戲

據劇組人員爆料,近來被插爆的悶劇《神探高倫布》,與《巾幗 III》皆出自編審葉廣蔭的手筆。悶劇在前,令到《巾 III》的演員均擔心同一下場,加上葉廣蔭最近突然請病假,兩星期冇蒲頭,令原本 30集的《巾 III》,尚欠 8集劇本未搞掂。

知情者說:「演員都好擔心,編審又成兩個禮拜冇返工,祥仔就最緊張,以前拍嘢佢都好少過問劇本上嘅嘢,但最近佢就成日追問劇情加意見,佢好驚再瀨嘢,驚好似《高倫布》咁仆直!而杏兒話曬第一次拍添哥嘅戲,都唔敢出聲,惟有做好自己。」據知編審忽然消失 2星期,而《巾 III》下月將會到佛山拍外景,據知其中有一場馬賽和唐詩詠的強姦戲,最近忽然嗌停,至於一早寫好那場祥仔被雞姦戲,亦好大機會取消。三屆視帝慘變實驗品,祥仔呢次老貓燒鬚。

《神》劇打到七彩,祥仔跳樓又不死,被指劇情太誇張,播映以來遭受狠批及投訴不斷。網上圖片

又分飾兩角

榮休前的添哥搵來愛將祥仔及馬賽,加上首次合作的杏兒。個個角色遭遇悲慘,尤其祥仔再度分飾兩角,一個係間諜、一個殺人魔(圖),難怪有壓力啦!《蘋果日報》

上週五( 3日)祥仔出席活動時,被指《神》劇角色失手時,祥仔亦暗嘲今次瀨嘢當作汲取教訓。



鍾意就快D Share啦!