網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年5月17日 星期五

生仔起爭拗 安仔送貓𠱁Sammi




Sammi與安仔在女方家中過母親節。安仔知鄭母喜歡食水蜜桃,為冧未來嶽母,便到附近生果店買生果,更成箱買走。

滾熱辣

生仔起爭拗 安仔送貓𠱁Sammi

近日未有工作在身的許志安與鄭秀文,日日糖黐豆。其實兩人自前年 3月復合以來,愛得坦蕩,不介意在鬧市拖手攬腰,安仔更不時上女方家,儼如鄭家半邊仔。

據知一直拖住婚期的 Sammi,在家人催婚下,終於與安仔夾定日期,部署下年尾結婚。不過,就生仔問題上,安仔與 Sammi卻未能取得共識。其實安仔好恨生仔,但 Sammi每次都耍手擰頭,有次仲企硬話︰「咪搞我,我寧願養貓!」兩人因此口角,冷戰了兩天。不過,安仔最終認低威,為了𠱁番女友,答應送短毛貓女俾女方,讓 Sammi的愛貓 Mike有個伴。

今個母親節,安仔亦在女友寓所大寶閣慶祝,兩人外出買外賣時,安仔更陪女友到寵物店睇貓,甜到漏!

自從前年 3月 Sammi與安仔復合,兩人一直屢傳婚訊。兩年多相處以來, Sammi與安仔愈來愈有夫妻 feel。為了爭取雙方見面的時間,女方更減少工作,積極鑽研廚藝,為做安仔背後的煮飯婆作好準備。

買定外賣

母親節黃昏時分,安仔駕着平治房車,載 Sammi到跑馬地。兩人先到「大少爺」茶餐廳訂外賣,趁外賣未 ready,兩人到附近行街。

孖住睇貓

兩人在茶餐廳對面的寵物店,見到一隻英國短毛貓, Sammi不停逗貓玩,玩足十分鐘,安仔亦似乎甚感興趣。

夫唱婦隨

買完生果,安仔做阿四攞生果, Sammi尾隨愛郎,做其小女人。

翻兜玩貓

兩人回到茶餐廳等攞外賣。趁有空檔, Sammi再往寵物店𠱁英國短毛貓玩多五分鐘,直至茶餐廳老闆娘送上外賣為止。

母親節傾婚期

安仔這幾年為了儲老婆本,不斷與 Big 4在世界各地巡迴演唱,又密密返內地登台掘金。去年尾,安仔其實已成功求婚,不過當時因為兩人尚有不少工作在身。 Sammi接拍了杜琪峯的《盲探》,而安仔今年亦要與 Big 4巡迴演唱,一直未夾到時間傾婚事。近日,趁着五月中的空檔,安仔與鄭氏父母正式坐低傾婚期。為了有充足時間準備,兩人夾定 14年尾辦婚事,婚宴地點選在日本的輕井澤。

據知母親節前夕,安仔已上了 Sammi大寶閣寓所拜見未來嶽父及嶽母,初步傾禮金同婚宴。安仔還趁母親節,買了隻翡翠手鈪送給未來嶽母,冧得鄭母十分高興。自兩人復合, Sammi家人已多次催婚,尤其鄭父近年身體病痛多,鄭家上下都想盡快了結這心願。

Sammi與安仔情投意合,但就生仔問題上卻有拗撬。知情者說︰「安仔有次出席朋友囝囝嘅百日宴,抱住人哋個仔一副慈父相,咁班 friend咪講笑叫佢生番個,點知佢嘴扁扁呻︰『唉!你估我唔想咩!有人話咪搞我,寧願養貓喎!』」

護送鄭父

早前安仔同 Sammi父親食日本菜,離開時安仔一直攙扶行動不便的鄭父,甚有女婿風範。

早前 Sammi曾大曬自己和四歲大的愛貓 Mike的合照。她在專欄中,更以「腹中塊肉」形容 Mike,可見此貓在她心目中的地位。

鍾情英國短毛貓

據知就生仔問題發生爭拗,安仔與 Sammi冷戰了兩天。但一向遷就 Sammi的安仔,最後亦主動冧番女友,更答應送貓給她。安仔心知 Sammi愛貓如命,而 Sammi亦曾透露想 Mike多個伴,怕自己出 trip時,貓貓會寂寞。 5月 12日母親節黃昏時分,安仔與 Sammi駕車到跑馬地買外賣。其間, Sammi兩度到源遠街的寵物店睇貓,更對一隻一歲大白色的英國短毛貓情有獨鍾。

據寵物店員 Cherry透露︰「 Sammi係嚟過兩次,安仔都有陪佢睇。 Sammi同隻一歲白色英國短毛貓女玩得好投契,仲玩咗好耐,睇得出佢好鍾意隻貓。我哋老闆可以幫客搵配種貓,咩色咩品種都可以搵到,價錢由 2千至 2萬不等。」

2/5頻頻曬幸福

以往 Sammi與安仔愛得低調,但近年卻變得大方。早前兩人到跑馬地買餸煮飯,安仔更繑實 Sammi手臂。

29/4超市入貨

兩人晚上逛超市,購入辛辣麵及日用品,之後一齊回 Sammi家食消夜,甚有夫妻 feel。

生仔恐懼症

去年本刊曾就 Sammi婚期詢問她母親,惟她不欲多說,但全程面泛笑意,可見對準女婿安仔甚為滿意。

去年 8月, Sammi在訪問中曾透露婚一定會結,但對生仔卻頗為拒抗︰「結婚係人生一個終極目標……希望有一天由天父帶領我入教堂結婚……但冇諗過做媽咪角色,依家未有衝動要生仔……」加上今年 3月發生倫常慘案,她有感而發︰「之前已好恐慌做媽媽、生仔,對呢個領域好陌生,好多事唔到自己掌握。」更直言會做足避孕措施︰「除非突然有了(意外懷孕),但盡量都不會給這件事突然發生。」

女友這一刻企硬唔生,安仔亦冇符,惟有暫時妥協。「安仔都有自己嘅計劃,佢知道呢啲(生仔)唔逼得, Sammi話鍾意貓咪順佢囉。安仔話依家最重要係雙方感情,只要感情好,將來好多嘢會遷就到。佢話一步步嚟,先搞掂明年尾結婚。加上有 Sammi阿媽幫口,成日話想抱孫,所以安仔說服女友生仔係遲早嘅事。」知情者說。

本刊致電安仔手提電話,其電話卻長期接駁到留言信箱,至截稿前仍未回覆。

Sammi樂做煮飯婆

去年開始,鄭秀文為做安仔煮飯婆,苦練廚藝,她早前亦透露學做小女人:「雖然我跑 8公里,不過佢(安仔)一定勁過我。即使有時我狀態好,也會自動落後讓他更有自豪感。」講到明俾安仔攞威。

瘦身果汁

跑足八里

足料雞湯

頌母親恩

短毛貓易養

Sammi當日睇中一歲大的英國短毛貓女,外表精靈可愛,售價$6,800。

鄭秀文鍾情的英國短毛貓,性格溫馴,易於適應城市或鄉村生活,和其他的貓能和諧相處,雖然貪玩但並不給人添麻煩。售價由$2千至 2萬不等,根據血統優良、毛色罕有定價。

打理英國短毛貓亦很簡單,每周替牠梳理一次毛髮即可,但到脫毛季節,便要每天梳理一次。

記者曾到 Sammi當日所光顧的寵物店 Noble House,店員 Cherry話 Sammi睇中的英國短毛貓售$6,800。當問及 Sammi玩貓一事, Cherry承認:「佢嗰日係同隻貓玩咗好耐。」但再問她 Sammi是否落實買貓女時, Cherry表示:「唔方便講喇!」

該寵物店位於跑馬地,以提供寵物美容及糧食為主。

店員十分詳細解釋如何為短毛貓配種才適合,但一提到 Sammi,她就不欲多談。



鍾意就快D Share啦!


Related Posts Plugin for WordPress, Blogger...