掃呢頁CODE去手機

2013年5月16日 星期四

新玩具  Stephy試百萬波子 即買




Stephy與 sales商量過後,最終撲槌買下車價過百萬的 Boxster。

探熱針

新玩具  Stephy試百萬波子 即買

離巢金牌大風外闖的鄧麗欣( Stephy),在橫店拍完新劇《衝天炮》返港叉電一個月後,上週三(五月八日),再出發返內地開新劇。

自去年初簽約內地海潤公司, Stephy唔夠半年換樓又換車,繼早前以月租六萬搬住大埔比華利山,本月二日,本刊發現 Stephy飛甩小方,單拖到灣仔保時捷車行試車,並即場撲槌,買入百萬波子。

身形瘦買細車

休息一個月, Stephy又再出動,飛往位於山東省的濟寧開工,預計要在當地留兩個月。

「今次可以喺香港休息一個月算係耐, Stephy想有多啲時間陪媽咪,自從搬咗去比華利山住之後,佢一路都留喺內地做嘢,未有時間執好間屋,今次放假終於有時間搞掂佢個衣帽間。

「其實 Stephy都冇預到公司咁快又幫佢接咗另一套新劇,不過有工開佢反而開心,因為佢想喺結婚前儲多啲錢,婚後先考慮減產。」 Stephy身邊人說。

出發開工前一日(二日), Stephy飛甩小方,一個人到灣仔的保時捷車行睇車。明顯有備而來的她與 sales在車行內說得眉飛色舞,目標是價值二百多萬的 911型號跑車。

「 Stephy之前揸開寶馬,架車已經揸咗六、七年,換車當然唔想換番同類型,而且佢一路都鍾意 Porsche。」

當日所見, Stephy分別試了 911和車身較細的 Boxster,車行職員負責駕駛另一部車尾隨 Stephy,兩部車一前一後,由灣仔駛到西環警署海旁,之後 Stephy將車駛到男友方力申舊居碧瑤灣附近兜圈,十分熟路。

當日車行安排了兩部波子給 Stephy試揸。

Stephy原先睇中這架 911波子跑車,但車身大,唔多襯佢。

新屋媽咪有份住

據知, Stephy最終因為 911車身較大,放棄她的 dream car,改撲槌買入車價百多萬的 Boxster。

拍拖八年, Stephy小方被指早已秘婚,甚至離婚,對於與小方同居大埔比華利山,她強調新屋是與媽咪同住。

「其實 Stephy同小方有曬共識,小方希望三十五歲之後先結婚,佢兩個感情好穩定,如果結婚都係為咗生小朋友。」知情者說。

早前 Stephy出席活動,強調自己雖不介意做未婚媽媽,但一切會按計劃進行,結婚生仔,按部就班,唔想打亂。

Stephy和小方為雷頌德演唱會拍宣傳相,真情侶感覺特別有 feel。

黃栢高(右一)在金牌不得意, Stephy和小方共同進退,離巢外闖。(《忽然 1周》圖片)

財政獨立

鄧麗欣與方力申共同進退! 11年同時約滿金牌,二人分別簽了內地公司海潤影視及華誼兄弟,轉戰內地。年半間, Stephy接拍了多部內地劇集,包括《大戲法》、《衝天炮》等,小方更吃得開,已經拍了五部劇集,二人又經常孖住「情侶檔」搵銀,豬籠入水。

09年, Stephy首次入市,以 700萬購入南灣禦園高層單位,現已升值至 810萬,至於小方 09年以 2,308萬賣出碧瑤灣舊居,勁賺 1,650萬,現持有一個貝沙灣單位, 07年以 1,130萬買入,現市值約 2,073萬。

小方投資有道,現仍持有貝沙灣物業。

Stephy將手上的禦園單位放租,做包租婆。

Stephy以六萬租住大埔比華利山獨立屋,單位有四千呎。(《蘋果日報》圖片)

Stephy與吳卓羲在內地拍劇期間,男友小方便曾到片場探班。



鍾意就快D Share啦!