掃呢頁CODE去手機

2013年6月5日 星期三

健康緊要 狂做「生物共振」 阿蘇 10萬排毒上癮




已 58歲嘅蘇施黄,近年體弱多病,最近就試做生物共振治療法,產品聲稱唔只增強免疫力,更有助排毒。據知阿蘇最近一有時間都上去睇一睇,上曬癮。圖片

真面目

健康緊要 狂做「生物共振」 阿蘇 10萬排毒上癮

憑《蘇 Good》飲食節目鬧人鬧到出曬名的蘇施黄(阿蘇),曾經狂拍廣告,前年更開埋 45場 talk騷揚言「我要賺兩億」,可惜賺得多搞到身子弱,據知曾患乳癌的阿蘇近年不但患上類風濕關節炎,更搞到甲狀腺分泌失調,總之百病纏身。

已年過 58歲的阿蘇,始終身體要緊,今年除降低工作量,只幫商台開咪做《大玩派》及拍自家製作的飲食旅遊節目《阿蘇出駕》外,本刊得悉,最近阿蘇豪擲 10萬,於中環一間健康中心狂做 Bioresonance(生物共振)療程,務求排清毒素,養好身體,先可以同一樣 58歲的密友金燕玲長命百歲。

紅潤曬!

最近阿蘇搵到強身健體方法,唔只笑容多咗,連面色都紅潤曬,精神奕奕。

年前曾因乳癌接受過切割手術的蘇施黄,雖然大步𨂾過,近年卻不斷受類風濕關節炎及甲狀腺分泌失調困擾,百病纏身的阿蘇曾於訪問中大呻類風濕關節炎最攞命,痛起上嚟連急尿時隻手都冇力拉褲鏈。

忽然微博

阿蘇上年 8月已開設微博戶口,但鍾意賭馬嘅阿蘇,因經常講馬經,講嘅嘢極之沉悶,所以開戶口 11個月,粉絲人數只得 1萬 4千人,以佢平日主持飲食節目的人氣嚟講算麻麻。

內外夾攻保健

阿蘇近年減產,𠵱家主要工作就係幫商台主持《大玩派》,仲經常碌人情咭請好友如譚詠麟做嘉賓刺激收聽率。

據知阿蘇為養好身子,最近除減少工作量外,還聽曬密友金燕玲話,由一直住開司徒拔道老牌豪宅玫瑰新村,搬去月租 6萬、樓齡已 40年的西貢清水灣大廈 2千 5百呎單位。除因租金比玫瑰花園平足 3萬元外,最大原因是西貢的空氣比市區清新,對身體復原有很大幫助。

外在因素搞掂曬,還需內在因素配合。據知阿蘇為強化免疫系統,最近豪擲 10萬元,到中環一間名為 Oasis of Hope的健康中心,接受一個名為 Bioresonance(生物共振)療程。知情人士透露:「最近阿蘇頻頻去中環 Oasis of Hope做呢個療程,佢話做完之後病痛少咗,個人精神咗。好多富貴客人上去,都撞過佢。」

「治療對身體好」

上週四( 30日),本刊記者到商台向阿蘇追問療程一事,但阿蘇一早駕車由後門走人,之後由阿蘇透過商台公關杜小姐回應:「係呀,我係有做呢個療程,部機德國嚟,好出名。個治療對身體好,其他嘢唔多講。」

搬屋養生

阿蘇同密友金燕玲,經常行孖咇。但有傳阿蘇最近因沉迷賭馬,激嬲金燕玲,仲搞到嗌分手。不過金燕玲始終錫住阿蘇,最近仲迫阿蘇由住開嘅港島司徒拔道玫瑰新村,搬去西貢清水灣大廈(小圖)住。貪西貢空氣好,對身體有益。

《忽然 1周》圖片

清水灣大廈

《蘋果日報》圖片

拍檔主持

阿蘇唔只同密友金燕玲同居,最近阿蘇自己製作的飲食旅遊節目《阿蘇出駕》,亦在無綫 J2台播出,節目中金燕玲亦有份主持,一齊遊埠出鏡。

位於中環的 Oasis of Hope保健中心,主打生物共振療法,到診人士要先做檢查,發現病源後,然後將含電磁場振幅波的儀器,用一個輸送筆振幅波頻輸送到患處,例如腳的關節有問題,就輸送振幅波頻到腳關節,聲稱可減輕痛楚咁話。

網上圖片

2萬起標

琦琦

Bioresonance(生物共振)療法係於 1977年由 Franz Morell及佢女婿工程師 Erich Raschebut於德國發明。業界聲稱此療法可檢測各種疾病,然後治療。

而去 Oasis of Hope做生物共振,首先要付 1,500-3,000元做身體檢查,然後再由醫生介定需要接受什麼「生物共振」療程,而療程費用因人而異,由 2萬至 10萬港元不等。名模琦琦(小圖)亦曾幫襯過 Oasis of Hope。「我之前成日感冒,之後朋友介紹過我去做生物共振,發現我喉嚨一直有感冒菌,之後經過治療,已經斷尾。」

老友出賣 阿蘇飯堂改咗名

今年阿蘇雖然減產,但一樣麻煩一籮籮。上月初廣州有間名為「阿蘇飯堂」嘅餐廳經營,未經阿蘇同意,用咗佢個名做生招牌,激到阿蘇喺商台開記招同餐廳老闆劃清界線,「如果呢個人我唔識,我一定破口大罵,但點知呢個人我識,我唔知點處理……如果佢喺 17日前可以不再用我個名同相做生招牌,我一筆勾銷。」

事隔一個月,阿蘇透過商台公關向本刊報喜:「聽網民講,『阿蘇飯堂』個名已經收番。我就冇時間上去視察,不如你哋(記者)幫我睇啦!」

經常笑到四萬咁口嘅阿騷,上月初因被好友借自己個名開餐廳,激到喊住喺商台開記招,實屬少見。



上月「阿蘇飯堂」仍大大個「阿蘇」招牌同廣告牌掛喺餐廳門上面,經阿蘇炮轟後,餐廳改名為「桂姐飯堂」,而且廣告牌亦拆下。

百病纏身

阿蘇有名、有事業,更有愛情,但一直沒有健康。近年阿蘇患過乳癌、類風濕關節炎及甲狀腺分泌失調困擾後,先知健康可貴。

05年患乳癌

7年前阿蘇發現胸部有一粒 1cm腫瘤,為免惡化接受切乳房手術,手術後阿蘇仍樂觀面對。

08年風濕發作

多年來受類風濕關節炎纏擾, 08年曾翻發,唔只手痛到戴唔到 bra,行路更會扯住痛,認真慘。

《蘋果日報》圖片

12年甲狀腺分泌失調

阿蘇亦因患上甲狀腺分泌失調,搞到全身浮腫,尤其肚腩更脹到凸起。



鍾意就快D Share啦!