網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年6月6日 星期四

無彎轉 鬧完認衰 林建名拒趙碩之求和




探熱針

無彎轉 鬧完認衰 林建名拒趙碩之求和

趙碩之早前哭訴所屬的大名娛樂單方面延長合約五年,自己又苦無能力賠四十萬贖身;但經理人公司堅持當初雙方簽訂合約時,已清晰列明有關自動續約的條文,雙方爭持不下,關係變僵了。

上月底,記者發現向外企硬的趙碩之忽然現身公司,據知情者透露,她此行是扮矮仔灑淚求破冰,但有指林建名認為她的言行去得太盡,要趙碩之公開道歉,才考慮放人!

後悔求和

趙碩之高調自爆與大名娛樂有合約糾紛,公開哭訴公司單方面延長合約五年,被不公平對待,即使大名娛樂表明雙方合約中早已列明公司有優先權決定是否與藝人續約,以及在續約通知書上,有趙碩之簽名,代表新約自動生效,但她依然唔肯退縮,繼續唔收口,一副無彎轉態度。

直至上月中,趙碩之突然轉口風,向外聲稱希望與公司繼續合作,並自爆會返公司傾約。上月二十七日中午,記者發現素顏的她返上公司講數,但據知林建名拒見反骨女,當日只安排公司高層招呼她。「之前搞到咁僵,鬧完後悔又想續約!佢要走公司唔會留,老闆唔係志在嗰幾十萬贖身費,只想攞番面子。所以開咗條件,要趙碩之喺爆料鬧公司嘅媒體登道歉啟事,咁就唔使賠都可以離開,否則就要俾四十萬先可以解約。」知情者爆。

開罪公司的趙碩之,上月底(5月 27日)中午返公司求情一粒鐘。她離開時一臉愁爆,據知是因老闆要她公開道歉才冇條件放人。

寫真棄垃圾房

據知,一心求和的趙碩之,對於公司提出的條件,聲稱要諮詢律師意見,並無一口答應。一小時後,眼腫腫似喊過的趙碩之落樓,只見她邊走邊講電話,一臉愁容。

之後記者經過大廈垃圾房時,竟發現有一批趙碩之二○一一年《 A Story Behind Wylie》寫真集,被棄於垃圾房內;人冇得留低,賣唔去的蝕本貨,更加唔在講。

當日本刊在大名娛樂公司的垃圾房,發現被棄置的趙碩之 11年的寫真集,對人同物都當垃圾,冇眼睇。

前年出寫真,老闆還出面宣傳撐趙碩之。

老闆嬲反骨

對於反骨趙碩之求情,老闆林建名說:「佢唔飲水思源!之前一直對佢幾好,當日冇人識,佢有冇諗過係邊個帶佢出身。之前我同佢為份約傾過幾次,條件唔係冇得傾,佢都唔覆!佢脾氣差,又鍾意遲到,搵 job俾佢都嫌三嫌四,拍親嘢都有人投訴佢擺款;我好後悔唔一早鬧醒佢,好失望,所以唔想再理呢個人。」

出寫真唔夠其他𡃁模撼,林建名再揼本穀趙碩之做舞台劇《風之後》女主角,可惜還是穀唔起,蝕本收場。

離開公司後,她邊行邊講電話,搵人申訴。之後為慳錢搭港鐵走。

屬𡃁模始祖的她,初出道賣身材取勝,但之後忽然封胸,冇咗事業線事業即下滑。 11年唯有再出性感寫真,但已不能收復失地。

冇人撐

她拍亞視劇《親密損友》,傳她扮阿姐教關楚耀做戲,事後問番關楚耀,他沒否認,並暗寸趙碩之:「佢鍾意研究做戲嘛!」

與她同一公司的胡渭康,也寸她冇腦:「作為𡃁模始祖,佢應該用實力同用腦去處理事情,唔係咁樣鬧公司。」



鍾意就快D Share啦!