網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年6月5日 星期三

搵醫生 跣低腰傷死頂 徐子珊專科急救




30/5睇專科

上週四子珊往中環找私家骨科醫生再檢查,之後再會合形象指導 Pat到置地試衫,其間見子珊行路仍就住就住,明顯未痊癒。

真面目

搵醫生 跣低腰傷死頂 徐子珊專科急救

無綫拍劇出名辛苦,每日有四粒鐘瞓算賺到,但係長期處於睡眠不足頹爆狀態,任你鐵打都好易出事。

最近忙於孖住黄子華拍《 My盛 Lady》的徐子珊,早前不慎被廠內積水跣低傷及尾龍骨,雖然子珊休息一日後急復工,但據知她其實好擔心手尾長及影響日後生育,故上週四( 30日)已急急再找專科檢查,腰傷可大可小, check真啲穩陣呀!

徐子珊上週一( 27日)跣低後,要即送將軍澳醫院搶救。事後子珊只休息了一日便復工,但其實她腰傷未癒, 33歲的徐子珊更擔心會影響生育,上週四( 30日),本刊發現她到中環找專科醫生檢查。

送急症室

徐子珊在錄影廠被積水跣鑊甘,有份潑水的黃子華亦有陪子珊入院,事後子華說:「嚇死我,成 10分鐘又唔講嘢又鬱唔到!」

「𠌥低都痛!」

知情者說:「其實醫生畀咗 7日假佢,但係你今日唞咗,之後咪踩得仲甘?所以佢腰痛都死頂開工,開頭佢冇擔心話影響生仔嘅,佢去到醫院淨係爆喊,完全唔識問個醫生有冇後遺症,後來俾人問得多先知驚,所以嗱嗱聲搵個專科醫生檢查吓囉!」

據知經檢查後,子珊尾龍骨並沒有移位或裂骨,但附近肌肉仍有腫脹。雖然子珊已經復工,上週五( 31日)仍由助手扶住出席活動,對於急搵專科斷尾,徐子珊則說:「醫生話就算裂骨都只可以食藥止痛,𠵱家條腰𠌥低都痛,我會再去覆診,希望冇事啦!」

忍住痛



週日子珊急住為《 My盛 Lady》復工, 30幾度酷熱警告下,子華要着住超厚的毛毛衫扮兔,而腰骨仍隱隱作痛,但仍着住 5吋高踭鞋開工的子珊說:「女仔好難唔着嘅!」

31/5

上週五( 31日)子珊着到鬼咁性感出席活動,她說:「活動係之前安排嘅,情況許可都唔會推 job嘅!」

2/6

開廠多意外

藝人拍劇除了外景飛車爆破吊威也易出事外,原來在錄影廠亦有危機,除了陳鴻烈在 09年拍《畢打自己人》不幸在電視城內猝死外,秋官及敖嘉年亦曾在電視城「出事」!

鄭少秋 墮山

《蘋果日報》圖片

秋官 10年 12月拍攝《心戰》時,在錄影廠內不慎由 4米假山墮地傷及肩膊送院,需要接受磁力共振檢查,事後秋官說:「因為個假山得四日廠期,所以聽日就要返去開工。」

敖嘉年 膝傷

《蘋果日報》圖片

敖嘉年 11年 2月拍攝《飛虎》時,在錄影廠內拍攝一場打鬥場面時,傷及膝頭,要 call白車抬床送入將軍澳醫院,並需留院接受冰敷及打針治療,事後仲要擔住枴杖復工。



鍾意就快D Share啦!