網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年9月12日 星期四

林峯為千語 BB背叛無綫




探熱針

林峯為千語 BB背叛無綫

去年失落視帝後,聲言 2014年初約滿不再留無綫的林峯,為免夜長夢多,除了避見無綫高層樂易玲,近期更連對方電話都唔聽。

據了解,林峯已秘密與千語 BB經理人公司取得合作共識,除了為黃百鳴賀歲片《六福喜事》客串演出外,早前林峯被指目睹 BB跟按摩師入房而嚎哭,以致二人要發聯合聲明一事,他亦交由 BB所屬公司安排,而事前更未有知會無綫一聲。尚未滿約,已完全當樂大媽透明。

勝算在握

明年初便甩身的林峯,最近分別與太陽城娛樂黃栢高及黃百鳴的東方電影密密傾,據知太陽城方面開出三千萬兩年的條件利誘,但黃百鳴同樣有撒手鐧。

與吳千語拍拖一年,林峯儼如中了 BB降,就連到內地拍劇,亦要 hand carry BB去開工。有 BB做手中王牌,黃百鳴勝算絕不遜於公司大把 cash的黃栢高。

「林峯都係拍東方電影嘅戲而撻着,咁千語同公司簽咗八年約,老闆又好睇重佢,所以林峯成日會陪 BB一齊同黃(百鳴)生食飯,明知林峯就嚟約滿,老闆梗係想擸埋佢入嚟,佢仲同林峯講,大家簽埋同一間公司,佢同千語 BB就時時刻刻都可對住!」知情者說。

林峯俾面千語 BB,為黃百鳴賀歲片《六福喜事》客串。

同無綫尚有半年約,但林峯已當樂易玲無到。

唔接電話

既然去意已決,林峯也不再俾面一直將他當頭號愛將看待的無綫製作資源部總監樂易玲。

「上年攞唔到視帝,阿峯已經死心,加上樂小姐其實好反對佢同吳千語公開戀情,因為每次出嚟都係講女朋友多過自己,樂小姐認為咁高調會影響阿峯,阿峯梗係聽唔入耳啦,之後就避開樂小姐,依家仲連電話都唔聽,話怕樂小姐煩住要佢續約喎!」林峯身邊人說。

黃百鳴開賀歲片《六福喜事》,林峯答應客串演出,事前也跳過 TVB。

「阿峯係自己應承黃百鳴客串,事前完全無經無綫,佢仲簽曬約先同經理人部門講,叫做循例講聲你知咁,樂小姐都好㷫!」一名無綫人說。

去年底,林峯一心以為做硬視帝,最終敗給黎耀祥,即時謝曬緊咬雙唇。

到橫店拍劇,林峯都拖實 BB大搖大擺在片場拍拖。

林峯倒戈拍黃百鳴賀歲片,對打 TVB搵發哥孭飛賀歲的《賭城風雲》。

掟嘢洩憤



Paco簽得薛凱琪後,近日正積極挖林峯入太陽城,同黃百鳴拗手瓜。

林峯自把自為,已經唔係第一次。月前有報導指吳千語姣溝周柏豪,又話 BB為激林峯,一齊去做腳底按摩時,揀了個男師傅入房搞喊男友,事後二人曾發聯合聲明。

「聲明係吳千語公司出,樂小姐一啲都唔知,嗰日知道阿峯出聲明,佢嬲到掟嘢落地!又係嘅,佢一直當阿峯係寶,點估到對方一啲面都唔俾!」知情者說。

溜之大吉

無綫不少花旦小生近年約滿都不願留低,有路數就北上賺人仔,否則亦靜候王維基的香港電視有牌到手,走得就走

陳豪

已經約滿無綫的陳豪,雖然樂易玲落足牙力留人,但據知陳豪正與內地經理人公司接觸,對方開價 3000萬兩年,快做老豆的陳豪,傾向拍內地劇賺奶粉錢,走人居多。

謝天華

今年七月已與無綫結束 15年賓主關係,離巢後計劃自組經理人公司 Laughing Workshop做老闆。

黃宗澤

雖然與無綫還有幾年約,但樂易玲已勁刮 Bosco傾約,一心等約滿返內地搵真銀的他,避得就避。



鍾意就快D Share啦!