掃呢頁CODE去手機

2013年9月27日 星期五

何超盈婆仔 bra




等司機接嘅超盈,無化妝就識得搵副超遮,好心着錯咗阿婆款肉色 brabra就嗱嗱臨披番條巾遮一遮啦!

媽咪姐

何超盈婆仔 bra

媽咪姐向來好重視儀容,就算落樓下 7仔買雪糕,都會執番正個 look先敢出門口。

之不過原來唔少人又唔係咁諗噃,好似何家淑女超盈咁,雖然去中環食個 tea,係無需要 set行頭化行妝,不過見佢企喺酒店門口呢個 hea look,真係扣曬分!你話「十八無醜婦」,基本上着咩都唔會差得去邊,真係咁嚴重咩?嗱,媽咪姐都係有嗰句講嗰句啫,兼且有圖有真相。你睇超盈嗰日明明背心熱褲好青春,但露出咗個勁老套嘅肉色阿婆款 brabra,仲要係若無其事嗰吓勁,媽咪姐都要寫個「服」字咯!

話曬都係名人後代,就算超盈眼中只有朋友仔,但路邊賣報紙嘅都一眼認得出你,唔該着好少少先出門口啦!

超盈 24歲生日,搞咗個以公主作主題嘅生日扒地。戴住後冠嘅佢,同戴皇冠嘅密友、林建嶽女兒林愛兒(左)合照,公主王子打扮真係襯到絕。



鍾意就快D Share啦!