掃呢頁CODE去手機

2013年9月27日 星期五

與樊少皇冷戰  JJ賤價翻簽阿叻




宅男夢碎

有樣有身材的 JJ,出道以來一直是宅男女神,但自從去年與「力王」樊少皇拍拖後,即收起性感等嫁人,女神幻滅,宅男夢碎。

娛樂喧

與樊少皇冷戰  JJ賤價翻簽阿叻

JJ賈曉晨自去年搭上比她大十年、兼有兒有女的樊少皇,要愛情棄麵包,更與老闆阿叻陳百祥鬧翻,今年 4月不再與公司續約。

做了 5個月自由人,以為坐定粒六等做「樊婦人」的 JJ,密謀靠男友科水開製作公司,卻因男友臨時縮皮令 JJ大失預算。本刊收到消息,近日 JJ與男友陷入冷戰,更主動向阿叻求饒,並低於市價以 200萬簽約兩年,約法三章以後乖乖只談工作不談感情,終令阿叻回心轉意。日前 JJ成功再上「獎門人」,「高潮眼」再現。

微博爆冷戰

JJ不滿男友打本開製作公司時臨時縮皮,二人現時正處於冷戰中。月中( 15日),她便在微博留言,暗指遭人呃,網友紛紛向她詢問是否分手。記者亦發現, JJ最近一次上載男友相片已是七月初,二人關係似乎仍未修好。

03年出道的 JJ(賈曉晨),一入行已是阿叻旗下 Snazz的藝人,雙方更簽下十年長命約。昔日「事業線」強的她,肯搏肯露,堪稱「宅男女神」,更是各大小活動的常客,吸金能力不俗。可是,自從去年她與「力王」樊少皇相戀後,事業線與事業心同樣走下坡,更不理被指是「小三」,明知公司反對,依然選擇專心拍拖,最終得失阿叻,令二人鬧翻。今年 4月,她不惜放棄續約,麵包與愛情, 30歲的 JJ選擇了後者。

開公司撻 Q

JJ離開阿叻公司,一直盛傳有不少公司向她招手,包括王維基的 HKTV,卻只聞樓梯響。做了 5個月自由人,只拍過由男友樊少皇有份投資的一部內地劇《兄弟們上》。心慌慌的她,近日更因男友大開空頭支票,令她大失預算,二人因此面臨分手危機。

據知,樊少皇早前曾承諾 JJ打本給她開製作公司,讓他在內地拍劇搞製作也可肥水不流別人田,但樊至今仍未兌現承諾。

知情人透露:「力王當初叫 JJ離開 Snazz,誓神劈願話真金白銀科 400萬俾女友搞公司,因為佢話自己大男人,唔鍾意女人出去做嘢,最好晚晚煮飯等佢食。橫掂自己喺大陸拍劇都有搞開製作,既然係咁不如叫女友搞,唔使益外人。 JJ見佢講到實牙實齒,先大膽同叻哥反面離開。但呢幾個月,力王只係分幾次合共俾咗 100萬出嚟,話自己要先投資部大陸劇《兄弟們上》,壓死曬啲 cash喎。 JJ好嬲,講真 100萬點搞到製作公司呀,擺明 hea佢啦。」

得罪阿叻

早前傳 JJ私下接 job及掛住拍拖而激嬲老闆陳百祥(阿叻),遭阿叻飛起不獲續約。但半年後, JJ跪求阿叻成功翻簽,二人戲劇性「和好如初」。

重上獎門人

JJ翻簽阿叻,令她早前重上阿叻老死曾志偉的獎門人節目。翻身有望, JJ當晚在啜乒乓波環節時,再次使出高潮眼,即成為焦點。

主動道歉

公司開唔成,難怪上周日( 15日) JJ在微博透露「有人」為了目的說上違背良心的假話,矛頭似乎暗指男友樊少皇。男友靠唔住, JJ惟有扮死狗食回頭草。 JJ一身邊人透露:「當初 JJ嬲叻哥唔俾拍拖,一怒之下咪唔續約,諗住自己有條件,出到去實唔會餓死。點知呢幾個月竟然冇乜人搵佢做嘢。其實咁多年 JJ事業都順風順水,基本上一出道就紅,冇諗過甩咗叻哥之後竟然要坐冷板櫈。早排佢死死地氣打俾叻哥耍冧,其實叻哥好易𠱁,佢要威之嘛,你俾面佢,有下台階,一切都易話為。再講,叻哥唔係蠢,都知全公司只得 JJ一個搵到錢,蔚雨芯同楊焉( Carol)都仲未上到位,俾 JJ返嚟係遲早嘅事。」

今年:生日孤伶過

去年 JJ 30歲生日,樊少皇即使身在國內拍劇,亦特別在微博為女友送上玫瑰慶生。但在上周五( 20日), JJ正日生日,壽星女卻只上載一張孤伶伶的吹蠟燭相。

舊年

戀情要沉底

據知, JJ除了主動求饒,更肯以超抵價 200萬簽兩年,以 JJ過往一個商場騷起標價收 8萬來說,續約價的確平到笑。為免她再掛住拍拖無心戀戰,阿叻講到明要她低調拍拖、不准揀工作及不能遲到早退。冇籌碼在手的 JJ局住應承,阿叻見她有心悔改,雖然合約年尾才生效,但早前已「放監」,安排她上好友曾志偉的「獎門人」節目,重拾曝光率。日前本刊分別致電 JJ和阿叻,但至截稿前仍未有回覆。

媽媽支持

JJ與媽咪的感情一直很好,就算女兒情傾失婚漢樊少皇, J媽選擇支持女兒。近日 JJ與力王感情亮紅燈, J媽亦不時來港陪伴女兒。

一年貨仔

JJ去年中與失婚樊少皇公開戀情,跌到一地眼鏡碎,但二人不理世俗眼光,愛得如膠似漆。可惜做唔成製作公司老闆娘的 JJ,不單要重返幕前,與男友感情又現暗湧,隨時一年貨仔玩完。圖片

E神取替

JJ三月時被指頻頻推 job和私下接夜場騷激嬲阿叻,阿叻即時搵同樣肯搏肯露的浸大 E神取代 JJ。



鍾意就快D Share啦!