掃呢頁CODE去手機

2013年10月9日 星期三

百倍奉還 笠水唔敢返工  14巴港女:㷫到想殺人




表妹勸交

14巴起朵片段長達 5分鐘,在片中連摑男友 14巴之多。重點係一個願打一個願捱,男朋友「細孖」唔還手仲要跪哭求饒,咁先係極品。

真面目

百倍奉還 笠水唔敢返工  14巴港女:㷫到想殺人

小情侶耍花槍冇問題!火遮眼鬱手鬱腳都情有可原!時代唔同,人人一部智能手機,全民皆狗,鬱啲就俾人 up上 YouTube公審!

好似上週五,一對情侶在土瓜灣街頭大吵大鬧,男方又跪又喊、女方則扯住男友頭髮車輪摑巴,一夜之間 YouTube收視節節上升,留言千幾條,第二朝再上埋各大報章港聞版, 14巴港女從此名震香江。不過途人報警收場,獲准保釋的「 14巴港女」,本月 18日要到九龍城警署報到;成為「風雲人物」,她連日更潛水冇返工;而願打願捱小情侶原來多次「鬧大交」, 14巴港女更曾在 fb留言話:「興( )到想殺人!」

事發當天引來大批土瓜灣街坊圍觀,事後網上片段亦廣泛流傳,最原版片段截至週一已經高達 43萬點擊,蘋果動新聞更創過百萬紀錄。

今時今日,上網留言、出街行為絕對要小心檢點至得, 09年七折趙姓港女、去年 500蚊人情何姓港女有辦你睇,沒有好結果,但一樣有新晉「港女」冇有怕。本刊索到貌似細眼長面版 Cammi的鄭姓惡女娜姐,現職著名連鎖個人護理店售貨員,其在職土瓜灣分店對正「 14巴」事發地點,同事街坊面前都話之你,舉機?未驚過!

案發現場

女尊男卑、扯髮大巴星事發地點,原來正是港女娜姐任職的分店對面, 14巴港女似從不擔心惡行展現於同事面前。本刊週一到該分店,向職員(小圖)詢問 14巴港女有否返工,她說 14巴港女是日放假,問到何時才返工,則說不清楚。

打仔有前科

網友不遺餘力起曬呢對願打願捱癡男怨女嘅底,原來女方本月初( 3日)至剛剛跟同事慶祝完 20歲生日;趙姓男方又名細孖,有傳曾任職麻雀館,現時在貨櫃碼頭打工,兩人拍拖年多,感情經歷都大上大落,一時喺商場咀嘴自拍、一時在 facebook長篇大論愛的宣言,一時女方向男方爆粗追債、一時男方又呻被毒打!女方亦曾在 facebook留言「興(㷫)到想殺人」,非常殘暴!

網名「 xxx Sai」嘅細孖,隔幾日就話被女友打,原來喺公眾場合亦唔係第一次,有當天圍觀街坊踢爆,連到場警員都話:「上次你哋已經第 16次喇喎!」擺明認得呢對多事情侶。

網傳跪地港男家住大圍,不過遊樂場街童就認不出呢位街坊。

上週至滿 20歲生日的港女娜姐看來在個人護理店人際關係不錯,生日有同事製造驚喜齊慶祝。

打到返公司

落手狠毒港女「娜姐」的職業、地址迅速被起底,不過實情在邊區分店上班就眾說紛紜,本刊獲得堅料,原來「娜姐」打仔之地極近返工的地方,當日「細孖」接收工,被「娜姐」質問為何先帶表妹上樓而被當眾掌摑。

週一記者實地視察,案發地點對正其工作地點,不過苦候多時都不見港女蹤影。登鋪查問,員工就十級戒備,一見有人打聽「港女」事跡,即呼叫經理擋駕。而經理雖然不肯多說,就漏口風承認「娜姐」確實是該分店員工,是日「 off」。

據不肯透露姓名的集團職員透露,公司高層對事件十分關注,甚至擔心港女對公司形象影響,亦密切留意傳媒報道。記者致電該集團查詢會否處分港女,對方留下記者電話姓名,但在截稿前仍未回覆。喺正工作地方門口打人、行為出眾揚名全港,你話呢個職員合唔合格先?

一啖砂糖

雖則話愛情係盲目啫,但好似呢 pair14巴港男港女愛得咁一啖砂糖一啖屎嘅,其實都算少見,相戀年多一時恩愛一時互打互鬧,仲好興雞毛蒜皮都擺喺 facebook家醜外揚添!

恩愛起上嚟「細孖」會發表愛的宣言、又送花又接收工,不過轉個頭又翻臉唔認人。

14巴及男友都最愛有事擺上去 facebook公開數,女方數男友情緒失控食軟飯,男方就經常抱怨被女方當眾打,睇到都痛!

邵子風唱反調?

試過有人用 youtube短片製造輿論賣廣告,十四巴港女今次都有人懷疑過係真定假,其中網友積極轉載,話龍小菌經理人邵子風「 14巴」造假言論,原版評論現時已經被刪,邵子風在電話回應係被斷章取義:「其實我段留言重點係下半段,反思香港人點解𠵱家咁鍾意睇住人衰!同埋做錯事,𠵱家除咗被法律制裁,更嚴重其實係被網民起底公審。點知人哋淨係轉載一半、又引起兩派人喺 facebook嗌交,咁就無謂,點解唔可以平靜理智討論呢?」



鍾意就快D Share啦!