掃呢頁CODE去手機

2013年10月24日 星期四

公諸同好 借林寶拍《變形金剛 4》 張智霖日執二萬五 變形金剛,張智霖,金剛,M1,




拍大片,正!(設計對白)

探熱針

公諸同好 借林寶拍《變形金剛 4》 張智霖日執二萬五

荷李活大製作《變形金剛 4》連日來在香港取景,經過遭陀地勒索、掟冷氣機,導演 Michael Bay(米高比爾)受輕傷事件後,戲中多架變形戰車以及主角大黃蜂終於出場。據了解,過去三集《變形金剛》都有不同靚車亮相,第四集亦唔例外,其中一架更是「 Cool魔」張智霖擁有、價值三百六十八萬的林寶堅尼 LP560。心頭愛有機現身荷李活大銀幕, Cool魔仲可以印印腳日執二萬五千蚊租金,爽!

其他影片
靚車曬冷

《變形金剛 4》前年在內地上映大收十億票房,為迎合中國巿場,第四集除有男主角麥克華堡( Mark Wahlberg)及變形女 Nicole Peltz外,更加插內地演員李冰冰及黃曉明等,而故事背景主要發生在中國及香港兩地。

週日(十月二十日)早上,《變形 4》在深水埗拍攝外景,由於有飛車追逐場面,電影公司連封兩條街,包括大南街及基隆街,而在較早前已登場的變形戰車大黃蜂,以及價值過千萬的藍色 Bugatti Veyron當日亦有到場,還有新加入的裝甲車等,靚車曬冷吸引不少途人駐足圍觀及拍照,不過對一班買完餸返屋企煮飯被迫罰企、滯留在封鎖線外的深水埗師奶,就不斷向記者投訴封街拍戲「阻住曬」。

戲中新成員 Drift變形戰車在香港登場。

舊成員大黃蜂繼續在戲中孭重飛。(《蘋果日報》圖片)

去年初, Cool魔揸林寶去跑馬地買外賣。(《蘋果日報》圖片)

Cool魔的林寶堅尼全黑,有型有格。

國際品味

戰車陸續登場,據了解, Cool魔去年購入價值三百六十八萬的林寶堅尼亦有幸被邀亮相,至於跟英皇經理人霍汶希拍過拖的葉駒騰,名下價值三百萬的 Audi R8亦有份應召到場。

上週五,男主角在樓高二十層的大廈天台邊拍戲,由於又跳又跑驚險十足,最後由替身完成。

《變形金剛 4》講乜?

週日,《變形 4》在中環拍逃難戲份,一班演員一早已經開始喪跑,而著住五吋高踭鞋的 Sophia(右三)更仆倒。

自從四年前在芝加哥一場黑月風暴之戰後,博派和狂派便從地球銷聲匿跡,人類也從一片頹垣敗瓦中重新展開新生活,但平靜日子過不了多久,一群手握大權的商人、與一班充滿野心的天文科學家,研發出一種難以駕馭的全新技術,令地球遭到來自大邪神獨角獸和一批新的變形金剛威脅。

第四集將沿用前三集的故事引子,發展出一個全新故事,而舊角色只有柯柏文及大黃蜂可以在第四集繼續留低。

「其實電影公司都係經香港製片去搵車, Cool魔之前被人影到揸呢部車出街,製片咪試吓問佢肯唔肯,大家都知今時今日 Cool魔唔會為錢而借部車出嚟,雖然租車費二萬五蚊一日,仲要唔知拍幾多日,但 Cool魔覺得有人欣賞自己部車,開心都嚟唔切。」知情者說。

身在麗江開工的 Cool魔,對於戰車有機會跳進荷李活銀幕,他說:「可以為電影幫吓手梗係好,亦證明呢部車嘅款式同顏色有國際水準嘅品味,連國際級電影都鍾意。」

Cool魔印印腳日執兩萬五,不過被選中在片中飾演路人甲乙丙的模特兒,待遇卻差天共地,「我哋啲女仔都唔明白,大家都係開八個鐘,點解有啲收兩千,有啲收四千,後來先知價錢由製片決定,靚啲就四千蚊一日,仲講明開工要沒收手提電話,唔可以喺現場影相。」有份演出的模特兒說。

李冰冰上週已經到港 stand by,直至週日才開工,她在戲中造型亦一貫鬼佬啱睇的中國女人扮相,充滿神秘。

李冰冰替身負責她在戲中的揸電單車追逐場面。

在天台拍戲,只有十七歲的女主角 Nicole全程好奇,拿着電話猛影相。

週日在深水埗拍爆炸場面,一班茄喱啡扮市民,四處走避。

上週四,有指遭陀地勒索後,導演 Michael(戴帽者)受輕傷,本刊拍到他在附近診所睇醫生。

攝製隊在鰂魚湧封街開工,五金店老闆表示收到四千蚊一日補償。

被估計是戲中反派拖車亦有出現。

第四集首度登場的裝甲車。



鍾意就快D Share啦!