《 1圈圈》嘅新環節〈星味食堂〉已經來到第 2集，梁泰來上集請到 C AllStar，今集就請到周柏豪，梁泰來嘅飛屎就嚟拍得住志雲喎！
FBI
周柏豪食豬扒講超雲
上星期四，周柏豪同商台《 1圈圈》主持梁泰來，去咗銅鑼灣搞飯局，為節目錄影， FBI都去咗黐食！嗰間食炸豬扒出曬名嘅日本餐廳開餐，咁鬼開心梗係講嘢都放膽咗啦！
FBI聽住柏豪邊咬豬扒仲邊講緋聞女，由薛凱琪、何家千金超雲超蓮到許亦妮都講勻，不過梗係冇個認，仲話同超雲已經好少聯絡添！至於真命天女？柏豪就話：「𠵱家仲係搏殺期！即使有，都要保護身邊人！」女朋友 Stephanie收到未呀？
講番個節目，其實係《 1圈圈》嘅新環節《星味食堂》！每個月搞一次飯局，原來係阿陳總志雲嘅意思，交畀佢個愛將梁泰來大搞，仲會拍埋片放上商台網站，穀行個「視電台」大計咁話！有得食又可以出鏡， FBI覺得陳總不如搵集自己上陣做嘉賓，畀愛將訪問番自己！回味吓個飯局癮都好喎！
|
鍾意就快D Share啦！
|
|
|