掃呢頁CODE去手機

2013年10月4日 星期五

邊個夠佢暈?




Toby以老虎撲兔之勢,搶啜乒乓波,同謙謙差啲就喺鏡頭前嚟個 french kiss,志偉都睇到眼定定!

媽咪姐

邊個夠佢暈?

老老實實,《獎門人》回歸之後,都做咗幾個月,點都開始有啲悶嘞。所以早幾日就加咗啲新遊戲,又翻叮抵死舊環節,玩到你暈!上得《獎門人》真係預咗有啲犧牲咯,阿們。

羅仲謙俾人扭耳仔喇!

暈浪指數:★★★★★

面對另一位「姐姐」姚樂怡,謙謙今次無怯場,仲同佢正面交鋒。噢,又咀咗!

周二( 1日)羅仲謙上《獎門人》,唔知係咪因為近排拍《飛虎 2》少近女色,呢晚暈曬大浪!玩啜乒乓球時,真係出盡力咁啜,而梁靖琪( Toby)同姚樂怡又出盡力咁咀謙謙。噢,謙謙真係好有姐姐緣喎!唔知楊怡使唔使飲杯涼茶下下火呢?

佘詩曼冧爆 BB

暈浪指數:★★★

嚟緊喺 TVB拍劇嘅阿佘,以一身 BB裝束上《獎門人》,同傳過緋聞嘅人夫馬德鐘玩啜波波,非常投入,瞇曬眼狂啜。但阿詩曼 BB,你乜都睇唔到,梗輸啦!

佘詩曼同湯盈盈、鍾麗淇、文頌嫻、周家蔚等一班姊妹上《獎門人》,仲喺新遊戲中擺出生仔、肚痛等 pose,笑到你暈!

高海寧腿張開

暈浪指數:★★★★

「宅男女神」高海寧面對眾多女神 BB湧現,從來唔敢怠慢!周一( 30日)着短褲仔玩遊戲係碎料,再抬到隻腿鬼咁高去飛甩隻鞋,得咗!搶曬鏡喇。

嘩!咁樣睇,高 Ling嘅玉腿真係幾好肉地,但唔驚啦,班宅男已經睇到暈曬浪!

咪講笑, 26歲嘅高 Ling真係眼明手快身體好,話咁易就捉番住自己隻鞋!

查實高 Ling真係幾時都咁搏!早幾日佢去旺角宣傳新手機,又露大背嘞。



鍾意就快D Share啦!