網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年10月4日 星期五

帶金叵羅睇中環名醫 郭晶晶狂餵人奶修身




產後第 29日瘦曬

今年 32歲的郭晶晶,上周二( 9月 24日),帶囝囝到中環中建大廈做身體檢查。當日是她產後第 29日,一身運動 look的她明顯瘦番曬,有番條腰。

滾熱辣

帶金叵羅睇中環名醫 郭晶晶狂餵人奶修身

國寶郭晶晶 8月 27日為霍啟剛剖腹誕下 7.3磅男嬰,母子平安。金叵羅在千呼萬喚下出世,霍家為安全起見,悉心安排郭晶晶母子從秘道離開醫院。

上月 24日,本刊拍得郭晶晶兩母子現身中環名醫林立的中建大廈附近,記者發現未坐滿月的她精神不俗,臉和腰比佗仔時消瘦不少,修身神速。據知當日她是帶未足月囝囝做身體檢查。

運動員出身的郭晶晶,產後身體回復得比預期快,她除跟足陪月員指示調理身體外,更晚晚餵人奶修身。難怪榮升做老竇的霍啟剛,上周六( 9月 28日)出席活動時,大讚呢位老婆滿分。

其他影片
生仔前弗爆

郭晶晶未結婚生仔前身形弗爆,腰圍只得 24吋。

產後第 3日腰粗

8月 29日,霍啟剛將一家三口全家福放上微博。當時是郭晶晶產後第 3日,身穿紅色鬆身長裙的她,面圓腰粗。

8月 27日,於養和醫院誕下囝囝的郭晶晶,留院觀察五日後,於上月 1日秘密出院,返回位於沙宣道的霍家大宅,坐月調理身體。郭晶晶貴為國寶級,坐月亦巴閉過人。霍啟剛除一早請定兩名星級陪月員,全天候服侍晶晶兩母子外,陪月員所提供俾晶晶調理身體的食譜,霍啟剛亦事先過目。

幸福雙下巴

當日天氣頗熱,但郭晶晶依然着住灰色絨外套遮身。從側面睇,身形雖然比佗仔時消瘦,但依然有雙下巴。

母子分頭上車

坐月期間,晶晶聽話留守大宅,避免因舟車勞頓影響傷口埋口進度。直至上月 24日,未坐完月的她才帶住囝囝秘睇位於中環中建大廈的名醫。知情人士說:「晶晶唔想個仔容貌曝光,所以即使帶個仔上診所做例行檢查,佢都自己上診所先,然後再吩咐工人抱囝囝上去,藉此掩人耳目。」

當日,頭戴 cap帽、穿上樸素運動裝和素顏的晶晶單拖離開中建大廈,記者發現她全程頭耷耷,似乎怕人認得。晶晶產後未夠一個月,但修身進度理想,兩頰比前瘦削,當日她雖然身穿白色鬆身衫,但腰間冇乜贅肉。其間,記者上前訪問晶晶,問她與囝囝的身體狀況,但她全程封嘴。之後,晶晶步履輕盈地行去附近停車處上車。此時記者發現晶晶囝囝已在車內,由工人抱實,司機更不時伸手遮擋鏡頭。

工人抱實囝囝

為免引起注意,郭晶晶囝囝則由工人湊住,預先上車等候晶晶。當時工人見有記者影相,即攬實金叵羅,而司機則伸手擋住鏡頭。

餵母乳助修身

母乳餵哺對母親有益,亦可為嬰兒帶來不少好處。關嘉美醫生指出:「因為要製造母乳,食嘅嘢唔會積聚喺身體度,會修身得快啲。但飲食要均衡,飲多啲湯水。千祈唔好亂食中西藥,因為藥性可能會喺奶中過俾 BB。母乳係最好嘅食物,有抗體同活細胞,全部有助 BB抵抗力。」世界衞生組織建議嬰兒出生最初 6個月全吃母乳,更提倡持續餵哺母乳至兩歲以上。

堅持餵奶修身

上周六( 9月 28日),霍啟剛出席活動時心情大好,更向本刊記者說:「老婆半夜起幾次身餵人奶,辛苦佢。」

雖然坐月有專人服侍,但自小已在國家遊泳隊操練,捱過不少苦頭的晶晶,沒有嬌生慣養。儘管晶晶開刀產子的傷口還未完全痊癒,但她堅持日夜餵足咁多餐人奶。知情人士說:「晶晶真係好捱得,為咗令個 B吸收新鮮人奶,佢餵人奶唔係揼定,係直接抱埋身餵,寧願自己辛苦啲。」餵人奶有助產後修身,據知郭晶晶現時體重已回落至 125磅,比佗仔時最重的 150多磅,足足瘦了近 30磅。

低調陪應酬

今年 5月,懷胎 7個月的郭晶晶孖住霍啟剛出席田北辰女兒婚禮,但一直低調的晶晶,卻匆匆離場,拒絕接受訪問。

《蘋果日報》圖片

朱玲玲早前出席攝影展時,透露晶晶暫時無意追第二胎,她說:「因為佢餵緊人奶,所以仲未可以住。」《蘋果日報》圖片

霍震霆包辦為孫仔改中英文名的任務,據知他翻查了不少古書,希望為孫仔改個有氣勢的名字,他說:「呢樣係終生,謹慎啲好!」

名字下周公布

霍啟剛和郭晶晶的愛情結晶品,貴為霍家第四代繼承人,霍家上下對這個金叵羅當然如珠如寶。霍啟剛已在有「幼兒園哈佛」之稱的寶山幼兒園為囝囝預留學位,每年學費 17萬元,非常驚人。不過金叵羅至今還未有中文名,爺爺霍震霆已揀了三個名字,目前,仲心大心細揀緊。

而剛榮升嫲嫲的朱玲玲說:「孫仔中文名仲未定,但英文名就諗好九成,不過仲未可以正式公布。」霍啟剛下周將透過微博,向外公開囝囝名字及發布一家三口新相。

上周六( 28日),霍啟剛以大型體育活動事務委員身份出席活動,被問到郭晶晶及兒子情況時,他有問必答,心情極佳。

記︰會唔會搞百日宴?

霍︰冇乜特別,始終屋企為主,唔使搞咁大。

記︰有冇幫手湊囝囝?

霍︰(邊笑邊答)我之前唔敢去上學習班,都係睇吓書學,依家湊 BB有進步,開始識抱佢。

記︰晶晶湊成點,有冇話辛苦?

霍︰(冧樣)佢真係 100分,因為要餵人奶,佢晚晚半夜要起幾次身餵人奶,呢個月辛苦佢。不過可能係運動員出身,幾個禮拜已經回復得唔錯。理論上佢可以出街,但要忙餵奶,唔可以出去太耐。

記︰依家覺得囝囝似邊個多啲?

霍︰(甜笑)都係似晶晶多,佢對腳好有力,鍾意沖涼,佢一落水就唔喊。

記︰幫囝囝改咗名未?知唔知有限期?

霍︰我知道 42日(辦理出世紙),所以我仲有兩個禮拜,兩個禮拜之後再問我,英文名到時一齊講啦!

記︰上禮拜晶晶係咪帶囝囝打針?

霍︰係去 check up。你知 BB幾個禮拜又要去睇一睇呀,打針呀嗰啲嘢囉!佢都有同我講俾人影到。

啟剛瓣數多

郭晶晶忙湊 B,霍啟剛則竭力鞏固自己社會地位。現年 34歲的他,現職霍英東集團副總裁,公職名銜多多,包括中國人民政治協商會議天津市委員、中華全國青年聯合會常務委員、中國香港體育協會暨奧林匹克委員會義務副秘書長、香港青年聯會主席等。不過郭晶晶為人低調,雖然霍啟剛有多個職銜在身,但他也唔想老婆陪應酬。

9月初,霍啟剛以香港青年聯會新任主席身份,主持青聯第 21屆會慶,其間他傍住特首梁振英進場。《蘋果日報》圖片

今年七一回歸前一日,「家是香港•伴你啟航」青年創業論壇召集人霍啟剛,請來謝霆鋒和陳志雲出席青年創業活動,吸引七千人到場。《蘋果日報》圖片

其他影片


鍾意就快D Share啦!