掃呢頁CODE去手機

2013年10月4日 星期五

血染的飛虎




博出位

血染的飛虎

周日( 29日)成班《飛虎 II》喺屯門拍爆破場口,點知爆到兩位主角馬德鐘同鍾嘉欣撻曬落地,全部受傷見紅,嘉欣 BB仲眼濕濕,認真慘豬!

好彩佢哋都冇咩大礙,仲上載醫院相上微博 V曬手「報平安」。其實《飛虎 II》先後仲有其他成員受傷,喺微博曬「紅」。佢哋有幾傷?一齊睇睇!

鍾嘉欣手腳擦傷

做得《飛虎 II》女主角嘅嘉欣 BB,都預咗有危險場口,講到明會小心啲,點知因為馬德鐘「墮馬」,結果嘉欣 BB撻生魚咁撻落地,身心都受傷。不過去到醫院護理後又生猛番曬,有番笑容,大家都安心啲。

馬德鐘傷手臂左肩

大男人受傷流血好平常,相信馬德鐘都唔會介意,不過佢今次親手「拋跌」鍾嘉欣,難免有感內疚。除咗現場即時向嘉欣 BB道歉之外,喺微博都承認責任,慰問嘉欣,算係負責任嘅男人。

梁烈唯血濺衫褲

上一輯《飛虎》戲份重嘅唯唯,呢輯繼續搏到盡。佢 9月初拍一場動作場口受傷,連牛仔褲都穿埋,爆到成身血,仲有心情擺甫士自拍上載微博,好嘢!

蔡淇俊𠝹花隻手

蔡淇俊喺《飛虎 II》戲份雖然唔多,但亦不慎受傷,唔會俾人覺得佢「揸流攤」。佢上載受傷照片上微博,損傷都唔少喎,成隻手花曬。

王君馨腳踭瘀腫

王君馨同唯唯一樣都係拍動作場口受傷,不過王君馨嚴重得多,要喺屋企休息兩個禮拜。呢段受傷期間佢都撐住支枴杖繼續工作。



鍾意就快D Share啦!