全城熱爆的娛樂八封新聞 & 時事趣聞 & 生活 + 趣聞
豪嫂陳茵媺大住肚由加拿大飛返香港，愛妻號陳豪親自接機，兩公婆搬千萬比華利山別墅築愛巢，迎接小生命來臨；至於自動放棄筍盤嘅廖碧兒，到而家都未搵到真命天子，話就話緣分急唔嚟，但慘在廖碧兒已經完全失去戰鬥格。
上星期四（九月二十六日），接近一點午飯時間，《壹》仔見到廖碧兒搵人幫手做司機，揸架七人車車佢落中環。冇化妝，紮條馬尾加套紅色運動裝，望落都算醒神。點知兩個鐘之後，廖碧兒轉咗另一個 look走人，黑衫黑裙同淩亂阿婆髻，加上做極運動都唔識瘦嘅身形，真係個天都唔幫你。
14:40廖碧兒全黑打扮，依然遮唔住橫向身形，尤其係就快要消失嘅下巴。
12:51著住紅色運動衫，廖碧兒打扮整齊，望落 OK。
