掃呢頁CODE去手機

2013年10月17日 星期四

鄭俊弘爆紅 薑麗文宣示主權 生命中最重要男人




「高分王」鄭俊弘以超過 16萬票「壓倒」性奪冠,人氣爆燈。

探熱針

鄭俊弘爆紅 薑麗文宣示主權 生命中最重要男人

自從《星夢傳奇》播出後,無綫一班三四線藝員成功翻生,「高分王」鄭俊弘以十六萬票眾望所歸奪雙料冠軍。拍拖兩年的女友秦沛女兒薑麗文( Lesley)接受訪問時表現激動,直言:「佢係生命中最重要嘅男人。」

水鬼升城隍,二打六變搶手貨,無綫立即成立唱片部,將一眾星夢幫收歸國有,親生仔女鄭俊弘、羅鈞滿、王君馨優先有碟出,反而四強人馬鄭世豪、陳明恩非親生族類全部行人止步。

其他影片
被迫隱形

迫隱形

比賽進行四個月,週日(十三日)總決賽當晚玩全民公投,二十九歲的鄭俊弘憑《追》一曲以超過十六萬票壓倒性成為終極冠軍,更同時奪得「評判專業推介大獎」,至於後期加入的鄭世豪,繼準決賽成功踢走羅鈞滿,當晚以黑馬姿態奪亞軍,季軍及殿軍分別是陳明恩及姚兵。

憑《星夢》爆紅的鄭俊弘,被一致睇好成為新人王,早前 Fred被拍得與緋聞女友薑麗文拍拖行街,有指無綫即刻詐型,為保 Fred的乖仔形象,薑麗文被迫做「隱形女友」,決賽當日亦未有現身支持。但賽後薑麗文接受訪問時,難掩興奮,言語間更宣示主權。

女友薑麗文( Lesley)以電話接受訪問,直認 Fred是「生命中最重要男人」,比賽當晚, Lesley更在微博幫 Fred拉票。

Fred在準決賽當晚帶同「幸運結他」自彈自唱,師傅巫啟賢帶領評判團如肥媽、曾路德等企起身跳舞造勢,被指有偏幫之嫌。

比賽完結後,有 80名「迷弘黨」 fans在電視城門外等候,更準備香檳慶祝,鄭俊弘母親(橙衫)亦表現興奮。

戀情被逼低調

「(係咪佢( Fred)親自通知你?)係爸爸(秦沛)完咗比賽即刻通知我先,佢之後都有 send message俾我,好激動好開心!(係咪因為男朋友攞獎所以咁激動?)唔係,我哋係好朋友!我覺得佢真係好好,我識到佢係我嘅幸福,佢又有料又真誠。(佢喺你心目中好重要?)絕對係!佢喺我心目中好重要嘅男人,佢太正!(公司要你哋低調?)總之我哋係好朋友,唔想影響佢嘅事業,都係避忌啲。」擔唔擔心人紅就會變,感情受考驗?薑麗文充滿信心地說:「阿 Fred份人係唔會變,我信佢唔會變。」

《星夢》幫人氣爆燈,肥水不流別人田,無綫急速成立唱片部,將《星夢》幫全面私有化。據知,唱片部成立後,無綫將會力捧一班親生仔女,話就話人人有份簽約,但真正有機會出碟,就只跟無綫簽下經理人約的鄭俊弘、羅鈞滿,以及一早已被踢出局的王君馨。相反,打入四強的鄭世豪同陳明恩,雖然同樣獲簽約,但因為非親生仔女,出碟分分鐘遙遙無期。

「唱片部資源分配就一定係親生仔女行先,所以五強入面得 Fred同阿 Moon(羅鈞滿)有得出碟,姚兵唔係公司力捧對象,所以都唔入首選出碟名單之內,至於世豪同明恩同就實冇份, Grace(王君馨)就算出咗局,因為係自己人,所以係力捧人選,所以兩晚決賽佢都有份做表演嘉賓,仲有得上台 solo!」知情者透露。

將獲無綫力捧的王君馨,在兩晚決賽中都有份擔任表演嘉賓,但卻被網友批評唱功嚇人。

第四名的姚兵稱「屋企人想投我票,但個個都冇香港身份證」,更即場親吻太太,贏得全場喝采。

鄭世豪以黑馬姿態奪亞軍,陳敏之、森美等人到場支持,更被嘲笑是「大喊包」。

王祖藍帶挈入行的鬼妹陳明恩,當晚挑戰高難度歌曲《我歌故我在》,頻頻走音。

準決賽當晚,羅鈞滿揀唱《木紋》一曲失準,被踢出局,流露一面失望。

講過唔算數

無綫事先張揚,只要在《星夢傳奇》攞到獎,便可以換來出碟入場券,但唔好抱咁大期望。其實同樣的情況早在《超級巨聲》已經出現過,第一屆《超級巨聲》中,只有獲「人氣巨聲」的許廷鏗獲無綫賞識,拉攏簽約星煥國際出碟;《超級巨聲 2》林欣彤由頭帶到尾大熱勝出,無綫最終以價高者得形式,出售小巨肺歌星約,最終由英皇以 400萬奪得。至於亞軍的胡鴻鈞,等到去年才有機會簽約星煥國際,一圓歌星夢;去到《超級巨聲 3》,芸芸得獎者中只得亞軍的馮允謙獲無綫垂青,接洽成為英皇人。至於曾參與《超級巨聲 2》、近日簽約成為太陽娛樂旗下歌手的陳慧敏,全靠同是澳門幫的小肥拉攏,才有機會出碟做歌手。



鍾意就快D Share啦!