掃呢頁CODE去手機

2013年10月9日 星期三

真情流露 打茄輪送上門 連詩雅夜擒沈震軒




對住主動熱情的連詩雅,沈震軒飾演的編劇即使幾怕女友莊思敏,都忍唔住同女神打茄輪。

真面目

真情流露 打茄輪送上門 連詩雅夜擒沈震軒

YouTube點擊女王連詩雅(Shiga),今年除了繼續出新歌,更全力強攻電影圈。戲接戲冇停手,全因泊到名導葉念琛碼頭。 Shiga先在《第一次不是你》中客串,跟手再連拍《溝女不離三兄弟》同《 Delete愛人》,另加一套微電影,全部由葉念琛執導。

本月 17日上畫的《溝》片, Shiga更會擔正做女一。為爭贏沈震軒, Shiga主動送上門,又攬又啜仲騷埋 42吋長腿色誘。有料兼肯搏,分分鐘可以做葉導心目中的「 Stephy第二」喎!

激咀完畢,連詩雅都要露一露蛇腰益粉絲。

25歲連詩雅一向被高登仔封為女神,唔只一對長腿夠煞食,每次新歌 MV都係低成本高效益,點擊率係咁意都過百萬。

摸黑激咀

人氣有保證,唱歌之餘, Shiga今年主攻電影,唔再拍《喜愛夜蒲》系列,轉黐葉念琛洗底拍愛情片,有望繼 Stephy之後成為葉導作品 icon。

在新戲《溝女不離三兄弟》中,雖然分開 3條愛情線,但 Shiga比另外幾個女角莊思敏、吳若希等佔戲多,論戲分排位都係女一,加上角色度身訂造,飾演性格爽直的索腿 rock妹。其中一幕 Shiga夜媽媽向飾演編劇的沈震軒表白,主動攬實對方之餘仲送上門濕吻,終於成功撬到戲中家姐莊思敏牆腳。

扮 rock妹的 Shiga最多都係曬腰曬腿同濕吻,比起《夜蒲》系列的着底褲演床戲,明顯收斂好多啦!

臨場加戲

之前有傳 Shiga的 rock妹角色,是由因車禍而在今年 4月不幸離世的陳僖儀飾演,但導演已否認 Shiga執二攤;而曾在《喜愛夜蒲 2》與沈震軒合作的 Shiga,今次要同對方打茄輪,原來係葉念琛臨場硬加落去。

連詩雅說:「呢場戲劇本冇㗎,係導演喺現場加,本來淨係要我同 Sammy(沈震軒)蜻蜓點水咁錫,後來導演唔收貨,我哋咪焗住濕吻囉!雖然我哋係好朋友,但無端端要激咀,都好尷尬!」臨場激咀都發揮得咁好,呢啲咪演技囉!

《溝》片中三兄弟陳奐仁(左一)、沈震軒(左二)同張建聲(右二)為咗溝女,不時聚埋一齊交換情報兼度橋。

莊思敏原本同沈震軒係一對,片中更會同沈震軒車震同着底褲色誘陳奐仁;但做女主播的莊太過大女人,終於令男友投向細妹連詩雅。

洗底做琛女郎

第一代「琛女郎」唔使問一定係 Stephy,今時今日最新一位就梗係連詩雅啦!單計今年, Shiga已拍了 3套葉念琛作品,再加一套微電影,產量超越咗 Stephy喇!葉導話唔排除下年會同 Shiga繼續合作,「佢好有 potential,而且觀眾緣唔錯,我希望佢同沈震軒呢個情侶檔會畀到新鮮感大家啦!」

《溝女不離三兄弟》

飾演外國回流的 rock妹,冇曬錢要寄住同父異母的家姐莊思敏家中,但最後竟然愛上家姐男友沈震軒,大玩三角戀。

《 Delete愛人》

首次同王祖藍、許冠文兩位經典搞笑高手合作, Shiga在戲中飾演祖藍的長腿女友,陪襯居多。

《好奇不滅》

獲 Lee牛仔褲邀請,與《狂舞派》男主角 BabyJohn繼《 Delete愛人》後,再次合拍微電影,將會在內地播出!



鍾意就快D Share啦!