網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年10月3日 星期四

陳茵媺佗仔 陳豪 hea做陪生




趕完戲即撲入機場接老婆,陳豪雙眼爆紅,但一見愛妻便冧爆十指緊扣,倦意全消。

探熱針

陳茵媺佗仔 陳豪 hea做陪生

佗仔六個月的陳茵媺,上週六(九月二十八日)淩晨由加拿大返港待產,連日來為電影《點對點》趕工的陳豪,無瞓過覺即趕入機場接老婆。

為布置好新愛巢,陳豪九月初已搬入新居比華利山做準備,為有更多時間陪實「 The Queen」,除事前接落的幾個廣告及活動,其他一律叫停,直至 BB出世後,他才會復工,包括約滿 TVB前最後一個劇。

其他影片
外父代勞

原本計劃今個月親飛多倫多,陪住老婆陳茵媺返港的陳豪,因接拍電影《點對點》賺奶粉錢無法成行,唯有將此重任交給外父代勞。

「 Aimee個肚開始大,如果再遲坐飛機會辛苦,所以佢哋一早 plan咗九月底返香港!」知情者說。

為給老婆驚喜,陳豪加緊四月才購入的大埔比華利山別墅裝修進度,九月初,他先搬入新居,準備一切。

「 Moses一得閒就去睇裝修, check住裝修進度,本來個設計師話九月初未必起到貨,佢都係堅持,要人趕工。間屋啱啱裝修完,仲會有啲油漆味,佢提早搬入去,就係要等間屋通風散咗啲味先,保證唔會影響到大肚婆同 BB喎! Aimee返到嚟,見到間 BB房,都有讚老公諗得周到有心思,氹到 Moses不知幾開心!」陳豪身邊人說。

二人拖實凝望,全程甜到漏。

用了四個月豪裝的比華利山四千呎新居,外牆棚架仍未拆。

美麗媽咪

入夥近一個月,但陳豪仍未請過朋友到新居參觀,堅持要等埋女主人,才搞 house warming。

「本來 Moses諗住十月頭搞,但電影公司臨時加咗要去台灣拍外景,所以 party要押後舉行,佢兩公婆有唔少朋友,可能唔會一次過,但媒人麥包(長青)同麥包嫂就喺 Moses起程去台灣前,一號已經被邀到訪新居,麥包嫂同 Aimee好 friend,喺多倫多嗰段日子,佢哋隔日通電話。」

佗仔六個月,陳茵媺被稱最美麗媽咪,手腳保纖瘦外,亦無水腫現象。長胎不長肉,全因食得健康,注意營養,陳豪亦稱老婆唔似一般孕婦嗜酸,水果除外。

訪問期間,陳太不停哈哈大笑,陳豪雙眼就不停望住老婆,但兩人仍未肯公開 BB性別。

陳茵媺返港當晚,除被半百記者團團包圍,二人亦被粉絲捉住要求合照,兩公婆順得人,有求必應。

陳豪拍戲期間,接到老婆撞車消息,嚇得即時飛撲醫院,幸好檢查後,大人同 BB都健康,阿 Mo才鬆一口氣。

週日的四車相撞意外,陳茵媺的 Benz座駕被撞凹。

有內地公司開價四千萬兩年傾陳豪轉會, Moses坦言,俾家人幸福係大前提。

有驚無險

返港翌日(九月二十九日),在加拿大養胎多月的陳茵媺已忍不住出動購物,由於當日陳豪要開工拍戲,大肚婆便一個人揸車外出,豈料返家途上,卻遇到四車相撞交通意外,陳茵媺的 Benz座駕撞凹,到醫院檢查後,證實大人及 BB未受影響,有驚無險。

與陳茵媺一起後,陳豪要幾旺有幾旺, BB又好腳頭,豪嫂養胎期間,已經有不少廣告商搵上門,傾洽二人拍廣告,包括奶粉和家居用品。

「 Moses形象健康,一直好得廣告商喜歡,依家仲有幾個活動想搵佢兩公婆一齊做,個價開到好高,不過 Moses唔想 Aimee咁辛苦,揀得好小心。」

明年二月將約滿無綫的陳豪,至今雖然仍欠 TVB一個劇,但老婆生仔大過天,陳豪已向公司講明,一四年才幫無綫拍劇,無價講!

拍電影狂賺奶粉錢,陳豪開工捱飯盒亦在所不計。

邵音音爆陳豪拍戲期間,不停與老婆陳茵媺煲粥,記者現場所見,陳豪的確不停講電話。

在青馬大橋拍追車場面前,陳豪誠心上香,祈求一切順利。

提到大肚婆撞車,阿 Mo可有禁止 Aimee再揸車,麥包說:「我都叫佢唔好揸(車)啦!咁危險,但嗰次係意外,人哋撞佢!」

本週二,麥包一家到陳豪新居作客,其間麥包與女兒外出買飲品食物。

七月陳豪專程到多倫多陳茵媺老家擺酒,宴請外家親友。(《蘋果日報》圖片)

愛得豪

拍拖兩年,陳豪陳茵媺造人結婚一條龍!為表娶妻誠意,由結婚大計到買大屋築愛巢,全盤親自策劃,肯使錢又夠誠意,愛妻號,實至名歸。

四千呎豪宅

自傳出造人成功後,陳茵媺立即推 job,孭飛的新劇《寒山潛龍》由林夏薇頂替;要迎接三人世界,陳豪二話不說,斥資 3,368萬購入比華利山 4,000呎別墅,務求妻兒住得舒舒服服。據知,凡事謹慎的陳豪事前請風水師夾過老婆的時辰八字,才決定購入豪宅。

巴黎浪漫婚禮

6月 8日,陳豪花逾 300萬港幣,於巴黎凡爾賽宮舉行浪漫婚禮迎娶陳茵媺,新娘子更戴上 5卡鑽戒,大曬幸福。

行外父政策

識做嘅陳豪,對老婆娘家亦從不掉以輕心,老婆留加養胎期間,陳豪「豪」使百萬,於外父有份投資的麗晶酒樓筳開 16席補擺喜酒,席間又向豪嫂發表愛的宣言「 She is my Queen」;有指陳豪更以 500萬作為女家禮金,做足好女婿。



鍾意就快D Share啦!