網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年10月31日 星期四

賀郭富城生日 熊黛林正常 葉熙祺扮慘 葉熙祺,郭富城,熊黛林,M1,




同你吟一吟

賀郭富城生日 熊黛林正常 葉熙祺扮慘

上個禮拜六(十月二十六日)係城城郭富城 48歲牛一,去年呢日,城王府內仲有熊黛林,當一切已經成為過去,上個禮拜五(二十五日),前度生日前夕,熊黛林約朋友去北角開餐,撞正《壹》仔,焗住再面對傷心事。

其他影片

壹:城城生日喎!

熊:吓!

壹:有冇 send message俾佢呀?

熊:(擰歪面)冇呀。

壹:會唔會好唔慣?

熊:吓!

壹:舊年你都仲有上佢屋企!

熊:冇咩唔慣,唔會啦!你哋(記者)都幫我講咗(生日快樂)啦!

唔做天王嫂,聽講熊黛林一直有人追,失戀心情亦已經收拾好,相反,只係做咗城嫂幾個月貨仔嘅葉熙祺,因為衰多口自動洩漏攻城行蹤,已經被踢出局,但城城生日正日,葉熙祺校啱時間出席活動,問佢會唔會打俾城城送上祝福,葉熙祺聽到個「城」字已經一輪嘴:「冇呀!朋友啫,(話你失戀情緒崩潰)唔係,俾人寫得太多唔開心,(通通都係你放料喎)我……我從來冇……冇做過囉!」兩代城嫂反應大不同,不過邊個鍾意抽水,傻嘅都分得出。

《壹》仔話城城去咗上海賽車,熊黛林只係話:「我唔知啊!」反應唔關心!

呢架白色 Range Rover係舊年城城送嘅聖誕禮物,熊黛林仲揸緊。

衰口疏冇得做城嫂,傳失戀葉熙祺情緒崩潰,瘦到得番八十磅喎,你信唔信?



鍾意就快D Share啦!