網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年10月24日 星期四

處女劈腿 溝陳展鵬 瞞伍允龍 鍾嘉欣上門認錯 伍允龍,陳展,鍾嘉欣,M1,




14/10

在拳館逗留了一小時,嘉欣離開時,伍允龍經過門口只望了她一眼。

娛頭

處女劈腿 溝陳展鵬 瞞伍允龍 鍾嘉欣上門認錯

因為一宗交通意外,令鍾嘉欣與陳展鵬地下情曝光,向來有「雜食王」稱號的陳展鵬,在拍《巨輪》時已視嘉欣 BB為必食之選,經常出招冧女,管接管送兼送外賣,加上戲中兩人有多場埋身親熱戲,終於入戲太深,假戲真冧。

事件通天後,同嘉欣拍拖六年的正印男友伍允龍嬲到震,覺得嘉欣瞞住自己一腳踏兩船,為了氹番男友,在撞車事件見報當日(十月十四日),嘉欣罕有地現身男友拍戲現場,上門親自解釋認錯。

其他影片

見到男友,嘉欣即除去外套,著住小背心向男友認錯,高招!

見男友唔聽自己解釋,嘉欣燶面著鞋離開。

伍允龍拍完戲收工,離開時不停睇電話訊息。

心情低落的嘉欣與一名女友人沿途傾心事。

撞破戀情

上星期日(十月十三日),陳展鵬駕駛新車落地兩個月的紅色積架 F-Type S跑車,在上環信德中心對開與一架的士相撞,坐在乘客位的鍾嘉欣被發現慌張逃離意外現場,擺明身有屎。

而身為嘉欣的正印男友伍允龍,被陳展鵬挑機爭女當然㷫爆,加上發生意外當日,伍允龍根本唔知女友坐過陳展鵬車,直到報導出街後,才如夢初醒。

「嘉欣係會成日同 Philip(伍允龍)報告行蹤嗰啲女仔,之前佢冇講過嗰日會坐陳展鵬架車,所以 Philip睇到報紙都好愕然,即刻要嘉欣解釋,但聽講 Philip火遮眼,乜都聽唔入耳。」伍允龍身邊人說。

為了幫男友降火,嘉欣與一名女友人在事發後第二日(十四日),第一時間踩上伍允龍在紅磡拍戲現場,親自上門認錯,但看來作用不大,在片場逗留了一小時的嘉欣,最後面燶燶無癮走人,而伍允龍只望了女友一眼便繼續埋位,未有護送她離開。

13/10

當日陳展鵬駕駛開篷跑車,載嘉欣到信德中心,準備一齊到澳門,點知中途發生交通意外。(《蘋果日報》圖片)

順利到達澳門出席《巨輪》活動,兩人更不時匿埋一邊咬耳仔。

貝安琪想借陳展鵬緋聞見報,但現場所見男方刻意迴避女方。

伍允龍 VS陳展鵬
冧女攻勢

其實在拍《巨輪》期間,陳展鵬已明顯對嘉欣有意思,就算知道對方有個秘密拍拖六年的打仔男友伍允龍,都一於少理,繼續使出冧女絕技,向嘉欣展開猛烈攻勢。

「煎 Pan(陳展鵬)溝女一向有殺錯冇放過,今次咁難得同嘉欣拍檔,佢梗係流曬口水,兩個又多對手戲,好多時都一齊收工,加上兩個都住將軍澳,煎 Pan會主動話順路,車埋嘉欣返屋企,有時佢早收都專登等埋嘉欣先一齊走,如果拍廠景,嘉欣要轉妝唔夠時間食飯,煎 Pan就會送外賣,驚餓親嘉欣。」一名幕後工作人員說。

冧招盡出,加上陳展鵬高大身形屬於嘉欣喜歡類型,又與伍允龍有幾分相似,「過電」話咁易,嘉欣亦多次公開力讚陳展鵬,「展鵬十足超人咁,唔使瞓覺休息,記對白好叻,拍動作戲又夠搏,加上佢啲輪廓都有啲似超人,佢真係可以扮超人!同埋佢好鍾意講哲學、理論同心理學,佢份人比較有思考性,絕對係 TVB筍盤人選。」間接承認兩人在戲外,特別好傾兼非常了解對方。

嘉欣罕有性感穀胸出席活動,點知一時失手,露出「缽仔糕」,嚇到她當眾扯番高條裙。

吊出感情

外在內在條件完全付合嘉欣擇偶要求,加上戲中兩人有大量親熱場面,嘴得多自然嘴出真感情,但最令嘉欣過電,反而是一幕吊威吔戲。由於兩人要被吊高八層樓幾小時,向來少拍動作戲的嘉欣驚到腳震,但陳展鵬就全程攬到對方實一實,俾足安全感,令嘉欣大為感動,連同劇的蕭正楠都忍唔住口踢爆:「吊出真感情!」雖然另一方面有指陳展鵬撻着貝安琪,但原來只屬煲水新聞,陳展鵬亦有向嘉欣解釋,上星期日(十三日)三人同場出席《巨輪》宣傳活動,陳展鵬刻意當貝安琪透明,用行動證明同對方冇感情瓜葛。

為要將嘉欣搶到手,陳展鵬更高調向伍允龍宣戰,「依家終於明白啲前輩講抽番出嚟(戲中感情),係幾咁辛苦,嘉欣真係一個好好又好靚嘅女仔,要抽番出嚟,係有少少難度。」公開表明對嘉欣有 feel。

因為這場吊威吔,兩人在半空攬了幾小時,令到嘉欣覺得陳展鵬有安全感。

戲中嘉欣同陳展鵬有多場親熱戲。

在澳門拍外景期間,陳展鵬對嘉欣關懷備至。

BB多人爭

身為教徒、屬 TVB四大處女之一的鍾嘉欣,與大隻奀星伍允龍拍拖六年,純過蒸餾水的外表,在圈外圈內一直都有裙下之臣。

拍戲撻着

07年,鍾嘉欣與伍允龍拍攝電影《十分愛》時撻着,二人被拍得到泰國菜館撐枱腳,一碗河粉兩份食。

林峯力追

同伍允龍拍拖冇耐,林峯在拍攝《溏心風暴》其間力追鍾嘉欣,出動 Benz跑接收工,又不時請食飯兼唱 K,製造機會親近,緋聞更傳足兩年。

無綫打壓

08年,轉型做歌手的鍾嘉欣,向無綫力薦伍允龍做 MV男主角,伍允龍更在 blog內公開二人拍 MV的親密照,此舉即觸怒無綫,更將 MV重拍,改由黎諾懿做男主角。

偷嗒大律師

11年,鍾嘉欣被發現與大律師李傲寰( Felix)到赤柱拍拖,期間二人發現記者,更飯都唔食,即刻上車走人,有指 Felix原本已有正印女友。

暗認戀情

12年,有傳鍾嘉欣與伍允龍五年情玩完,鍾嘉欣飛加拿大治情傷,面對分手傳聞,鍾嘉欣終首度默認男友身份,並指:「佢係好信得過嘅男人,我哋關係好好。」

富貴教友

今年 5月,有指鍾嘉欣在王祖藍及李亞男穿針引線下,與富貴教友彭紀諺撻着,二人被拍得齊齊返北角教會,不時咬耳仔,態度親暱。

繼續插入

為爭女神,下月底由鍾嘉欣孭飛的新劇《大藥坊》開拍,原本男主角屬陳豪,但因為要陪老婆陳茵媺生仔而辭演,陳展鵬於是向珍姐(曾勵珍)自薦做男主角,等自己繼續有機會黐嘉欣。

對於陳展鵬公開示愛,嘉欣表現尷尬,「唔通佢鍾意我,我唔知喎,同佢(陳展鵬)一齊做過幾次訪問都冇講,等我問清楚佢先。(展鵬喺咪想同伍允龍拗手瓜?)吓!大家都係成年人,唔好嚇親我呀!(使唔使同伍允龍解釋?)呢啲嘢唔使人解釋啦!」

本週二( 22日)與陳展鵬拍節目巡禮片段,問到嘉欣向伍允龍認錯一事,她口窒窒表示:「我上去探幾個朋友班,普通朋友探班,同嗰件事(陳展鵬)冇關,傻啦!」

今年八月,伍允龍出現女友的演唱會,二人更在後台合照,伍允龍更將相上載到網站,宣示主權。

緋聞纏身激嬲男友,嘉欣搞到自己都病埋,上星期二到診所睇醫生。

稍後嘉欣又再同陳展鵬合作新劇《大藥坊》,日前她特別去藥房學中藥知識。

嘉欣認錯完第二日,伍允龍就飛去台灣,同 Jessica C拍戲。

瘟女煎 Pan

陳展鵬出道多年一直無人留意,直至加入無綫憑劇集《真相》成功上位後,緋聞、舊情史便馬上被翻舊賬。有指他圈外圈內無女不歡,擁「雜食王」封號。

亞姐姚嘉雯

08年曾與亞姐冠軍姚嘉雯(原名:姚佳雯)拍拖 3年,更發展到同居階段;後來因陳展鵬回巢 TVB,有傳他為保前途放棄感情,即急撇姚嘉雯,二人於 10年分手。

OL女友

今年 4月,被拍到與一名貌似姚子羚的 OL女子,於九龍城撐枱腳,食飯期間二人細聲講大聲笑,行為親暱,還著了橙色衫情侶裝。

TVB女藝人

在 TVB被視為「筍盤 2號」陳豪接班人,在拍攝《情越海岸線》時分別與李詩韻、李綺雯傳出緋聞,更傳「雙李」為他爭風呷醋打崩頭。

貝安琪

與劇中對手貝安琪傳出緋聞,有傳他們在《巨輪》中有多場激吻戲而嘴出愛火花;今年 10月,二人被拍到拍拖去睇張繼聰演唱會。



鍾意就快D Share啦!