掃呢頁CODE去手機

2013年10月30日 星期三

第一次 民選港姐破紀錄 陳凱琳處女拍劇 港姐,陳凱琳,MF,




最快擔正

最近出席體育台開台活動時,陳凱琳面對記者提問,大方得體承認確實見過珍姐:「佢叫我睇多啲劇,睇吓人哋點做。」睇嚟講過要結婚後先可以有性行為,暗示仲係處女嘅陳凱琳即將處女拍劇。

真面目

第一次 民選港姐破紀錄 陳凱琳處女拍劇

兩大免費電視牌照發出已成定局、未有牌嘅香港電視又盡得民心港人齊撐,無綫一台獨大局面受到威脅,一定要變!

本刊收到絕密消息,例牌卸任後先至有得拍劇做主持的香港小姐冠軍,今年因為 TVB鬧小生花旦荒,製作部珍姐曾勵珍破天荒提早接見及欽點應屆港姐冠軍陳凱琳,明年初連拍兩套重頭劇!話曬係 17萬票民選港姐、又出到聲撐發牌有膽識有見地,捧陳凱琳做花旦確係有道理!

捧紅無數視帝視後、製作部總監曾勵珍最近親自召見陳凱琳,未等卸任已經委派陳凱琳主演兩套重頭劇。

港姐質素一年差過一年,年年成為網民譏笑對象。今年叫做十年難得一遇,質素偏高,仲有大熱陳凱琳一枝獨秀最終得票 17萬成為本港首位民選港姐冠軍。唔只外形標青、出身富貴,名副其實係白富美,陳凱琳仲勝在知書識禮又大方敢言,不畏僱主無綫強權,週日出席活動公開撐發牌:「多啲機會,有不同台係好事,有競爭好好,亦會令自己進步,應該有公平競爭平台!」抵咁多人投你一票!

擔正兩劇

上月台慶亮燈儀式,陳法拉提早離場,陳凱琳即被安插企第一行,拍住鍾嘉欣、陳展鵬排排企。

據知情人士透露,因陳凱琳樣靚形象好,最緊要係民意高,無綫製作部總監曾勵珍已經親自接見陳凱琳,並且安排兩劇給陳凱琳擔任重要角色。

「無綫一線演員走咗好多,呢幾年製作部唔夠人用係真嘅,所以難得陳凱琳形象討好,未卸任珍姐已經搶定人。早排珍姐就叫咗陳凱琳去見佢,再搵黃子衡同佢試咗場戲,覺得佢表現同講中文都唔錯,𠵱家已經落實咗下年三月喺黃浩然、黎耀祥原班人馬上陣嘅《太監五虎》做女主角;另外二月開嘅《陪著你走》都想畀佢加入,陪襯吓陳豪同胡杏兒!呢幾年港姐都未試過呢個待遇!」

認見珍姐

近年港姐質素麻麻,所以都未被無綫重用。但陳凱琳一出爐就上位,唔只無綫勁錫,有劇拍、亮燈企位拍住花旦外,連商業活動亦搶手,仲係同當家花旦同 level同場出現。

前週四( 17日),陳凱琳出席體育台開台儀式時,就大方承認見過珍姐:「我係兩三個禮拜前去見過珍姐,佢有同我講叫我今年 keep好啲個形象,話拍劇嘅嘢慢慢嚟,叫我睇多啲,學吓人哋點做喎……(聽講話力捧你喎!)吓?係咩,我真係唔知呀!(咁出年 3月會做《太監五虎》女主角呢?)唔知呀,係就梗係好啦!」呢期最多港姐、大茄喊住呻不獲重用,陳凱琳就未卸任先做主角,有靚樣有智慧有修養,抵佢同人唔同命。

《太監五虎》變時裝劇

明年三月開拍的《太監五虎》,是去年視帝黎耀祥得獎作《大太監》延續篇,據知兩週前珍姐已請陳凱琳試戲,鐵定安排陳凱琳演出要角。《太》劇原本以清朝為背景,但由於 TVB臨時唔想返大陸拍劇咁大工程,於是改喺香港拍,仲連時代都由民初變時裝,咁都得?《蘋果日報》圖片

除了《太監五虎》,二月開拍、陳豪胡杏兒主演的《陪著你走》極有可能快人一步搶得陳凱琳處女下海。

家境富裕,陳凱琳平時出入行頭非常樸素低調,出入無綫開工亦係搭港鐵。繁忙時間同大堆乘客一齊迫,被乘客認出指指點點,凱琳多數微笑回應,呢啲先係名副其實真港姐。

珍姐出到聲叫保持形象,陳凱琳果然聽話,在港鐵站內亦時刻保持警惕。

新金蛋

電視台追求旗下藝員形象健康,當然唔係貪好睇咁簡單。人氣高、形象好,直接影響商業活動受歡迎程度,關乎藝員部收入。而當選三個月的陳凱琳,亦跟近年港姐不同,極速獲各大品牌邀約出席活動,絕對係無綫新晉女金蛋。

18/9

浪琴錶活動

8/10

Max& Co.新店開幕

3/10

MOISELLE× ZING活動

最靚待遇

史上港姐於當選首年多數履行港姐義務,出國選美、以及在電視台及公益活動扮到靚一靚。最快去到第二年才被安排試鏡嘗試電視及主持工作。歷史上幾乎只有大美人李嘉欣及袁詠儀打破傳統。

網上圖片

88年李嘉欣

澳葡混血兒李嘉欣 88年大熱姿態贏出港姐後,火速被派演電視劇《花月佳期》,雖然係 5集短劇,已經拍住當年小生吳鎮宇、郭晉安做女一。

90年袁詠儀

袁靚靚都係大熱勝出港姐冠軍,加上口齒伶俐,翌年初已經開始拍攝處境劇《我愛玫瑰園》,結果證實非池中物,仲話咁快拍電影攞埋影後添。



鍾意就快D Share啦!