尖咗又兜咗 Dry爆阿 Sa變「花王」 MF,

比起上年（小圖），阿 Sa個下巴𠵱家的確係又尖又兜，不過 FBI覺得阿 Sa應該只係瘦咗啫！

FBI

尖咗又兜咗　 Dry爆阿 Sa變「花王」

前排被前夫鄭中基大爆當年秘婚時為避狗仔隊，慘到要匿入車尾箱，不過今時今日離咗婚，同男友陳偉霆又公開曬，回復自由嘅阿 Sa睇嚟都特別容光煥發，成個靚曬！

其他影片

上星期四（ 31日），冇化妝阿 Sa同餅印 Sa媽現身跑馬地，同行仲有一名貌似蔡楓華嘅高大 cap帽男。呢日佢哋一行三人拖住兩隻貴婦狗，有女途人要求合照， Sa媽即刻主動揸機。 FBI望望吓，仲發現阿 Sa個下巴好似尖咗又「兜」咗，同林峯個月亮下巴有得揮，簡直有啲似「花王」嘅月亮標誌，唔通呢排因為陳偉霆要長留內地拍劇，阿 Sa dry得滯，搞到塊面瘦曬，所以下巴尖咗？

合照咗成分鐘，心情大靚嘅阿 Sa等司機期間，唔停口同媽咪傾偈，連 cool爆嘅 cap帽男亦笑曬搭訕。 FBI翻查資料，發現 cap帽男原來係 Sa媽拍拖多年嘅男友！「一家三口」齊齊放狗咁溫馨，睇嚟阿 Sa好快又多個「爸爸」錫喇！

有女粉絲要求合照，阿 Sa好 nice任影唔黑面，而 Sa媽（左一）仲好人到幫手影相。

阿 Sa率先衝上車， Sa媽殿後慢慢行，而 Sa媽男友就好有風度，企定車門位俾女士上先。

一家三口掛住傾偈冇留意周圍，反而阿 Sa隻狗相當醒目，一眼就發現 FBI。

FBI撞到阿 Sa嗰日，原來阿 Sa隻狗仔出院，所以一家三口專登出去接佢返嚟，呢隻狗仔喺阿 Sa屋企應該好有地位喎。網上圖片

星期日（ 3日），阿 Sa同好姊妹阿嬌、祖兒、經理人 Mani一齊去旅行，冇得同陳偉霆拍拖都好彩有班姊妹陪玩。網上圖片

鍾意就快D Share啦！

下一篇 》