掃呢頁CODE去手機

2013年11月28日 星期四

張文慈雀友變教友 張文慈,M1,




喺玩具反鬥城掃咗一籮玩具,但聽完個電話,全部放番低唔買。

同你吟一吟

張文慈雀友變教友

早個禮拜《壹》仔喺海港城巡鋪,見到離開亞視已經三年有多嘅張文慈,一個人喺 Facess嘅 RMK買咗大袋化妝品,跟住去咗玩具反鬥城,行咗半個鐘執咗一籮玩具,但聽完個電話之後,又逐樣嘢放番上貨架唔買,之後去攞車經過周大福,又走入去睇咗陣。

已經滿 40歲嘅張文慈冇劇拍亦少拍戲,二五話佢全靠當年拍《我和殭屍有個約會》喺內地有個朵,久不久返大陸登台,雖然吸金力唔似得啲阿哥阿姐,但一樣搵到食!

二五仲話張文慈信咗教之後連個人都變埋,好似以前都會同啲朋友打嚇麻雀,但而家因為好早就瞓,連牌都少打。即係話,有教友,冇雀友!



張文慈個人個樣點變都好,化妝品同首飾,依然係女人必需,喺 RMK放低錢,去到周大福就忍咗手。



鍾意就快D Share啦!