網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年11月20日 星期三

孤兒女 簽約獨冇 星夢幫遺棄陳明恩 陳明恩,MF,




陳明恩回應冇份簽約星夢娛樂:「一直冇人搵我。」明顯心情唔太靚。

真面目

孤兒女 簽約獨冇 星夢幫遺棄陳明恩

延續《星夢傳奇》,無綫將星煥國際「過底」變「星夢娛樂」唱片公司,「星夢幫」鄭俊弘、鄭世豪、羅鈞滿、姚兵,連不入 5強的王君馨都簽約加盟,齊齊力捧做歌手,惟獨季軍鬼妹陳明恩冇份。慘被遺棄,陳明恩只好找小型唱片公司合作,寧願低成本少宣傳,都要早過星夢幫出碟,爭番啖氣!

簽約獨冇,陳明恩就話:「一直冇人搵過我!」慘變孤兒女!

上週五( 15日)星夢娛樂正式成立大曬冷,鄭俊弘、王君馨等星夢幫出席,鍾嘉欣則要拍劇,其他冇簽約的謝安琪和欣宜等均缺席。

上週五( 15日)星夢娛樂舉行成立典禮,《星夢傳奇》冠軍鄭俊弘率領鄭世豪、姚兵、羅鈞滿和王君馨加盟,星煥歌手許廷鏗、吳若希、胡鴻鈞和新人謝文欣( FACE UStar校花出身)等順利過檔,反而鍾嘉欣和欣宜唔見人。

恨出大碟

觀眾最開心當然是鄭俊弘( Fred)被力捧,成為新公司首位出碟歌手;不過同屬「星夢幫」的陳明恩,雖然攞到季軍卻被飛。

鄭俊弘

佢自己搞緊隻碟。

羅鈞滿

唔知公司有冇搵佢。

鄭世豪

我唔清楚。

王君馨

佢出面有經理人。

姚兵

除非佢出面解咗約, TVB咪簽番佢囉。

雖然冇份加盟星夢,但陳明恩靠自己經理人仍有機會出碟,今年年初就親自到商台宣傳唱片。《蘋果日報》圖片

知情人士透露︰「其實《老表》之後, TVB都想簽鬼妹,不過佢本身出面有經理人,又唔想被綁死。」並非親生女,陳明恩亦預咗遭遺棄,曾經出過 4首單曲 EP,參加《星夢傳奇》只希望有機會推出大碟,但入星夢要附帶無綫經理人合約,陳明恩只好出外找其他公司出唱片。據知,陳明恩跟一間叫 Musechic的微型公司合作,上週五接受電話訪問時,陳明恩酸溜溜地回應:「一直冇人(星夢娛樂)搵過我呀,不過我下個月都會出碟,唱片封套都拍好咗喇。」

陳淑芬插手

本週一( 18日),一眾新加盟星夢歌手在電視城綵排台慶時,回應陳明恩被遺棄之謎,鄭俊弘表示一早知道陳明恩不會簽星夢,他說:「我知道佢自己搞緊隻碟囉。」反而王君馨就說:「聽講公司有搵佢,佢同我講佢出面有經理人,所以唔簽。」而鄭世豪和羅鈞滿都話唔太清楚,不過羅鈞滿補充:「聽明恩講,佢一路有喺出面搞唱片。」

另外屬星煥唱片的謝安琪、欣宜及 Super Girls,均沒有出席星夢娛樂成立儀式,在本月 22日,謝安琪和星夢 CEO何哲圖已在活動交代,據知 Kay現時仍未定唱片約誰屬;而 Super Girls則因所屬的模特兒公司 Jam Cast,不想被 TVB限制演出機會而不願簽約。

至於星煥開荒牛欣宜,如過檔星夢據聞要加簽 5年長約,兼且要為無綫拍劇,所以至今未動筆,何哲圖就解釋:「欣宜仲有好多細節要傾,公司畀好好 offer佢,總之錢多過星煥,年期都唔係問題,但陳太(陳淑芬)要諗清楚,身邊好多 auntie要交代。」

謝安琪上週二( 12日)出席本刊 UStar校花校草選舉時解釋未能跟何哲圖 Herman(右)過檔星夢:「我嘅工作都係由公司團隊處理,跟 Herman、無綫仍然保持友好關係。」《蘋果日報》圖片

吳若希早前已跟經理人 Simon斷約,順理成章賣身到星夢。

欣宜合約年尾屆滿,經理人陳淑芬仍未決定是否過檔。

鍾嘉欣雖然未有出席星夢娛樂成立典禮,但何哲圖指對方已答應加盟。

Super Girls因所屬模特兒公司不想受規限,而決定不過檔星夢娛樂。新華社圖片

星夢幫踩 MAMA場

新成立的星夢娛樂已有一大堆新搞作,據知一年一度的「 MAMA音樂頒獎禮」於本週五( 22日)在港舉行,屆時一眾星夢幫都有份參與此樂壇盛事,雖然未可以同 G-Dragon、 Super Junior及郭富城等巨星同台演出,但可以於頒獎禮前,在紅地毯表演都算唔錯啦!

去年來港參與過「 MAMA音樂頒獎禮」的 Super Junior,今年將再次出席。《蘋果日報》圖片

鄭俊弘一簽約新公司,就有機會率領一眾星夢幫參加韓國大型頒獎禮,認真巴閉。



鍾意就快D Share啦!