掃呢頁CODE去手機

2013年11月20日 星期三

赴日拍拖斷正 林德信鬼祟撇松岡 林德信,MF,




零妝嘅松岡上週四( 14日)朝早 9點半現身機場出發去福岡,仲會同林德信同機,不過松岡可能通咗水, FBI喺機場等極都唔見林德信出現。

FBI

赴日拍拖斷正 林德信鬼祟撇松岡

近呢兩年香港娛圈都興公開關係,但 FBI真係唔明點解有啲藝人都仲係咁保守,繼續有人要玩地下情。好似「 Lam仔」林德信( Alex)同索日模松岡李那,拍拖差唔多一年,多次斷正,都仲係要鬼鬼祟祟。

好似上週四( 14日)松岡就同 Alex出發去日本福岡睇 Paul McCartney演唱會, FBI喺機場發現松岡,而 Alex就撇甩女友唔見人。 FBI問松岡, Alex去咗邊,佢全程傻笑,只係話自己去日本睇演唱會就嗱嗱聲入閘。事後 FBI八到佢哋會喺福岡留 4晚至返香港。其實 Alex又唔係走偶像路線,做乜咁驚青呢?

返到佢家鄉日本,松岡即喺 twitter留言大叫好玩,梗係啦,因為 Alex陪住佢嘛。

上個月 FBI先喺 ifc撞到二人拍拖睇戲,𠵱家又拍拖出埠,好心公開啦。



鍾意就快D Share啦!