掃呢頁CODE去手機

2013年11月20日 星期三

貴人打救 失寵跌價 鄭嘉穎投靠富親戚 鄭嘉穎,MF,




10/11 接送密會

鄭嘉穎與年齡相近的王賢詠關係向來親近,近日更因為新碟 MV密密會面。月初( 10日),本刊就拍到王賢詠接載鄭嘉穎到銅鑼灣南洋酒店飯聚。

真面目

貴人打救 失寵跌價 鄭嘉穎投靠富親戚

上週三( 13日),吳奇隆宣布戀上劉詩詩、劉愷威公布與楊冪註冊,一日連爆兩單喜訊,都係內地拍劇日久生情修成正果,名利雙收仲要搵到真愛,難怪港台紅星近年都愛北上!

不過都唔係個個北上有得一箭三鵰,兩屆 TVB視帝鄭嘉穎自從 11年套《步步驚心》後,去年一炮過接下 5部內地劇,可惜冇乜邊套有口碑。為賺人仔辭演《寒山潛龍》得罪埋無綫;最慘係親生仔合約未完綁手綁腳,自組工作室大計又胎死腹中,兩頭唔到岸嘅嘉穎焗住回流出碟、靠富貴表妹拍 MV,入行 20年紀念大碟原來係救市最後一招!

其他影片

30/10 一齊扯煙

十日內接連會面,上月尾兩位大煙癮表兄妹,跑馬地醫完肚一出餐廳門就急不及待扯番支。

唱歌出身的鄭嘉穎,翻生後足足簽約英皇唱片兩年,鄭嘉穎卻直到近日、合約期最後三個月才推出首張國語碟《說來話長》,動作遲緩連英皇高層吳雨都曾經微言:「佢咁忙邊有時間做歌星呀!」其實就算能擠出寶貴時間做歌星,鄭嘉穎一樣諗頭多多,連 MV拍攝都搵自己人、表妹王賢詠(電子大王王華湘孫女兼業餘攝影師)操刀。

飯局密斟

台慶月全台藝員忙綵排,惟獨鄭嘉穎少回娘家,更被本刊十日內兩次撞破約埋表妹王賢詠飯聚密斟。鄭嘉穎向來與王氏家族一向友好,除了跟上市集團王氏港建太子王賢誌份屬表兄弟外,跟另一表妹王賢詠亦十分老友,經常被拍到見面,更曾被誤指為緋聞女友。其實王賢詠一早結婚並生下 3名子女,早年陪長子在英國升學時報讀攝影課程,又曾在港開過個人畫展。

鄭嘉穎最近密密見表妹,正是因為新碟《說來話長》多首 MV均由表妹操刀。相隔 7年再出唱片,鄭嘉穎先後在北京舉行發佈會、又再移師杭州舉行簽唱會,大張旗鼓大事宣傳,不過到場粉絲依然是為兩年前舊作《步步驚心》角色「八爺」而來,皆因鄭嘉穎新劇套套口碑、收視齊仆,後繼無「劇」。

飯前飯後,王賢詠都充當柴可夫,接送表哥鄭嘉穎。

鄭嘉穎與王氏三代關係一直緊密,歷來多位表妹出嫁,鄭嘉穎都會與王賢誌結伴出席。圖片

回巢冇劇

出碟紀念出道 20年,鄭嘉穎落足本炮製新碟,繼第一主打歌遠赴台灣拍 MV外,其他更請表妹王賢詠操刀做導演。

06年多得無綫,擺平與戴思聰之間的陳年賣身契,因此雖貴為當家小生,但據知鄭嘉穎當年只以超筍價續約,每集酬勞僅四千元平過其他小生一大截。 11年《步步驚心》雖然只是男二仍爆紅,鄭嘉穎內地劇暴升至每集 40萬人仔,自然「向錢看」長駐內地。去年更借口「唔肯剃頭」辭演恩師監製王心慰劇集。

不幸《葉問》、《滾滾紅塵》和《英雄》 3劇連仆,籌備開拍中的《葉問 2》都傳出棄用嘉穎改請林峯。

想補鑊仆返港出席台慶節目巡禮,明年台慶劇卻一概沒有鄭嘉穎份,辭演一役一次過得罪曾勵珍、王心慰兩位高層;心思思學蘇有朋、葉璿自組工作室製作電視劇,又因為仍受制於無綫得個諗字,對於事業連番失利,上週鄭嘉穎在節目巡禮中則以趕時間為由拒絕回答。睇嚟要富貴表妹諗諗計喎!

三面齊仆

唱歌冇勢

與英皇兩年合約期將近屆滿才推出首張國語專輯《說來話長》,不過記招風頭卻盡被當日先後宣布相戀和結婚的吳奇隆、劉詩詩及劉愷威、楊冪搶走。

娘家冇影

同期北上拍劇,同期回流,上月齊齊重返電視城出席 2014年節目巡禮,不過嘉穎因為去年辭演得罪珍姐,全無新角色安排。

北上唔掂

北上發展多年,鄭嘉穎搵到錢但搵唔到事業第二春,《步步驚心》後再沒有話題作,連《葉問》續集都盛傳要易角搵林峯。

連拍 5套內地劇, 3部出街作品包括剛播畢的《滾滾紅塵》都仆直,鄭嘉穎即變 0劇小生。

港星沒落

十幾廿年前,港星去到邊都吃香,尤其內地娛樂事業發展蓬勃,銀彈攻勢搶港星係常識。不過近年內地宮廷、小品劇當道,土生土長強國演員反而馨香過港星。

《金玉滿堂》

似膠劇

胡杏兒搭配台劇小生黃少祺,又係照辦煮碗把場景搬到強國的 TVB式豪門爭產劇,劇情被評無新鮮感。

《紫釵奇緣》

編劇差

葉璿擔任監製、情商林峯合演,名著改編亦吸引不少林峯狂迷捧場,不過影評勁彈編劇技巧,收視平平。

《藍蝶之謎》

錯劇種

強國最愛之間諜題材一年有幾部,做過 G4的馬德鐘被讚有型有款,不過套劇係女人劇,馬神淪為陪襯。



鍾意就快D Share啦!