網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年11月29日 星期五

被飛兩年抑鬱暴瘦 黃子華鬼祟接新女 黃子華,MW,




鬼祟車女

上周日( 17日),本刊斷正黃子華戴上帽及口罩,企圖掩人耳目接載新歡。記者發現子華的新歡束短髮,打扮樸素,屬於運動型。

打頭陣

被飛兩年抑鬱暴瘦 黃子華鬼祟接新女

由黃子華孭飛的《 My盛 Lady》本周一( 25日)首播,收視高開 31點,勁過台慶,劇中他飾演搞笑的戀愛專家。

幕前詼諧的黃子華其實內心孤獨,兩年前與細他 16歲的化妝師靚女友溫安妮分手後,有傳他抑鬱暴瘦。不過盛男終於回春,本刊收到消息,黃子華秘密撻著一名短髮中女近三個月,兩人不時在何文田寓所附近拍拖跑步。上周日( 17日),本刊影到子華親自揸車接載新歡,他發現記者即踩油絕塵而去。有拖拍的子華,周二( 26日)外出跑步時身形明顯不再「得棚骨」,記者問及其新歡時,他還含春地笑說:「拍拖嘅嘢唔想答。」咁即係默認拍拖?

其他影片

今年 53歲的黃子華對感情向來專一又低調,入行多年來只傳過三段戀情,早年與女藝人潘芳芳及模特兒劉婉君相戀,而 02年與化妝師溫安妮( Annie)拍拖,一拍便九年,十分長情。據聞子華與 Annie分手收場全因男方不肯結婚,子華大受打擊下抑鬱暴瘦,體重更由 150磅跌至 125磅「皮包骨」。

昔日大方拍拖

黃子華與舊愛溫安妮 02年拍拖至 11年,其間表現大方且恩愛,更達至談婚論嫁階段,可惜最終仍分手收場。可能怕見光「死」,日前子華未肯親口承認有女友。

圖片

含春回應

本周二( 26日)黃子華離開寓所獨自跑步,對於記者問他「新歡」背景時,子華雖然把口話拍拖嘅嘢唔好問佢,但卻笑到嘴角含春,不自覺暴露了愉快心情。

鬼祟車新歡

本刊收到消息,近月子華再墮入愛河,新歡是一名身高 5呎 5吋的短髮中女。據知兩人拍拖僅三個月,但女方已進駐黃子華的何文田山道寓所,過半同居生活。曾有街坊目擊二人在寓所附近拍拖跑步,狀甚溫馨。記者連日守候,上周日( 17日)下午,向來愛坐七人車的子華棄用司機,親自駕駛前年落地的白色 Audi跑車。他先在寓所外視察有沒有記者蹤影,再鬼祟駛到距離寓所僅 2分鐘車程的衞理道,接載新歡上車。當發現記者後,黃子華迅即踩油,向官塘方向駛去,成功撇甩記者。

其實子華向來都低調對待感情事,今次亦不例外。據知住在何文田多年的他,為了遷就家住港島區的新歡,今年 6月斥資 2,400萬在北角半山買愛巢,希望給對方安全感。

一名知情人士透露:「子華錫女友係人都知,基本上佢係一個老婆奴,女友話乜就乜。佢呢個女友多年嚟都住開香港區,又喺嗰邊返工,所以唔係咁鍾意住九龍,加上佢知子華同之前兩個女友都係住何文田,更加唔想住呢區。子華當然明白女友心意,年中佢以二千四百萬撲槌買咗北角半山嘅雲峰大廈,依家同女友感情穩定,所以咪裝修新居做愛巢。」

蒙面遊街

記者連日觀察,黃子華出入大多以口罩遮面,甚為小心。而平日沒有女友陪伴的他也喜歡四圍去, 11月 7日,他更相約幾位女士到尖沙嘴飯敍,之後買了一些日用品才返家(右圖)。

為拍拖全面停工

寡佬生活

「新歡」收得好埋的子華,連日來都一支公出入,怕應酬 fans的他,日前在旺角買麵包時亦戴上口罩。

據知子華呢段新戀情收得好埋,為免見光「死」,知情的好友不多。為了爭取時間專心拍拖,未來一、兩年子華將不會為無綫拍劇,亦不會再籌備個人棟篤笑騷。為尋找真愛,即使賺少幾百萬都義無反顧。知情者續說:「子華話同無綫拍劇同搞棟篤笑一樣咁辛苦,佢之前拍《 My盛 Lady》雖然話有編劇、監製啫,但基本上成個劇本嘅對白都係佢度出嚟咁滯。連啲戲服都係自己私夥㗎,佢仲好有心機喺開劇前,拎曬啲衫返 TVB同監製文偉鴻坐低傾,傾嚇邊場戲配邊件衫,服裝組佢都做埋,點會唔辛苦。子華就係咁認真同執著,拍一套劇兩個月,佢就用足自己半年時間做準備,人生有幾多個半年?太嘥精神喇!佢都想休息拍嚇拖,做咗咁多年嘢,都想定落嚟。佢成日向青雲、達明取經㗎!」

短期內唔接幕前 job的黃子華,最近反而頻頻睇樓,打算買樓投資,而他鍾情何文田區,貪其靜中帶旺,是入市的「筍盤」,除了現時租住的何文田山道金百利大廈及手持的何文田恒信園大廈和北角雲峰大廈外,據知他還想買多幾個同區單位。日前本刊發現黃子華獨自由寓所行落旺角。沿途經過多間地產公司,他都駐足慢慢睇。其間更拿電話影低有興趣的區內樓盤資料回家研究。記者發現樓盤全屬 400萬以下的細單位,可見他想買樓做包租公。

旺角暴走

連日來都有傳媒在黃子華寓所外守候,風頭火勢下他亦「收埋」女友,只敢獨來獨往。周二( 26日)下午二時許,肥番少少的子華落樓跑步,只見他精神奕奕、中氣十足,跟之前抑鬱暴瘦時相差好遠。記者上前向他提問,但他未有停下來,只向著前方點頭示意記者一齊跑。當記者陪他跑了一段路,他笑說:「你都幾跑得。」記者答:「你仲跑得啦!要向你學嘢!」這時黃子華使出搞笑本色:「當你成日俾人追,你就會好跑得!」

黃子華最大興趣是跑步 keep fit,幾乎每天都由何文田山道寓所出發,跑附近的山路約 30分鐘左右。

偶爾發現沒有途人,子華便會做出奇怪的拉筋動作,故有傳他曾患怪病。

日前記者發現跑回家途中的子華,遇見街坊「賓賓」放狗,竟主動搶去狗帶,送對方返屋企。

拒講感情事

子華沿著山路落斜,再跑上兩條合共數百級的樓梯,然後折返寓所,路程約 30分鐘,其間他完全沒有喘氣,更自信爆棚對記者說:「依家肥番幾磅,食多咗嘢,都有肚腩仔。你有冇見過抑鬱嘅人咁健康跑步?」問他是否有新歡時,本來健談的子華即顯得有點避忌:「私人事我唔係咁想講。」

返寓所梳洗後,子華換過衣服,又跑住落旺角,其間記者拿著日前拍得他接載新歡的照片給他看,他眼角瞄了半秒,然後抵死說:「我死都唔睇㗎喇!唔好俾我睇,唔好問我啦!」記者再問他這位短髮女子是否其新女友?他堅持說:「拍拖嘅嘢真係唔想講。(咁你係咪買咗 2,400萬愛巢?)我不嬲都有買樓㗎!(咁嚟緊係咪主力買樓收租,唔拍劇同棟篤笑住?)嚟緊短期或長期內我係唔會拍劇住,棟篤笑都唔搞住喇!」再問子華為何有此決定?他則未有回應。

此時子華突然戴上口罩並叮囑記者:「嗱!我去銀行,你哋唔好亂嚟呀!」隨即疾走過馬路,入了銀行十分鐘,再急步到旺角煙廠街一間相熟 cafe吃飯一個鐘,之後步行返回寓所。到晚上八時許,他再坐七人車到坑口東港城,會合《 My盛 Lady》眾演員飯敍兼一齊睇第二集。他表示飯局由他及幾位主角夾錢埋單。

在圈中搏殺多年,黃子華不愁冇錢搵,但人到中年,好應該搵番個伴。希望他今次蜜運成功,唔使再做盛男啦!

頻睇樓入市

今年 6月,本刊拍得黃子華在寓所附近的地產公司問價。地產人士爆料,指他在今年多次到地產公司留意樓盤,並自稱有意「入市」投資收租,因何文田區回報高。

去完地產公司格價,黃子華再在何文田街流連,對區內物業情有獨鍾。

本月初,本刊再發現黃子華到旺角的地產公司「揀盤」,其間他用電話影低有興趣的物業資料,全部均不過 400萬,用來投資最好不過。

黃子華現租住何文田山道的金百利大廈,而他另外持有的同區恒信園物業, 10年以 633萬買入,現值逾千萬。

黃子華今年 6月斥資$2,438萬「過海」在北角半山入市,為組織家庭鋪路。

雖然黃子華不是 TVB「親生仔」,但他以「福將」之名成功成為今年無綫月曆其中一分子,分量十足。

《 FACE》圖片

去年 10月黃子華在紅館舉行一連 10場的《洗澡》棟篤笑,叫好叫座,可惜他為拍拖,揚言不會再開騷。

網民有讚有彈

情侶裝食飯

周二( 26日)晚,子華相約徐子珊等主角到坑口東港城晚飯兼睇第二集,兩人更心有靈犀著情侶裝,小心傳緋聞呀!

其他影片


鍾意就快D Share啦!