胡定欣娶得過喎！ 胡定欣,MW,

胡定欣戴住黑框眼鏡兼素顏出戰中環購物聖地，但行嚟行去都睇唔啱，難怪佢離開 Zara時扁曬嘴。

媽咪姐

胡定欣娶得過喎！

媽咪姐成日聽啲姊妹猛話 TVB筍盤多，咩馬國明、陳展鵬、鄭嘉穎（下刪幾十個一二三線小生）等等，有時媽咪姐真係想為 TVB班小花發聲，其實佢哋好多都娶得過㗎！胡定欣就係一個好例子。

早前媽咪姐喺中環 IFC撞到定欣，話曬辛苦拍完《飛虎 2》，媽咪姐估計佢一定 shopping慰勞吓自己，於是二仔底跟實睇吓佢買乜。頭輪定欣激戰連卡佛，喺唔少國際名牌貴價衫遊走，但冇件啱心水。之後轉戰平價 Zara，打咗幾個白鴿轉一樣空手而回。咁鬼慳家，圈外男友沈柏淳睇到呢篇報道後，嗱嗱聲買隻戒指向佢求婚啦！

胡定欣喺連卡佛睇咗唔少貴價時裝，店員又落力推介，但定欣依然勒緊荷包。

一身 casual裝嘅胡定欣，打扮隨便過中環 OL，難怪佢入到𨋢都冇人認得。

胡定欣同闊少沈柏淳拍拖一年，感情好得交關，之前佢哋仲去蘇梅尋開心，難怪定欣經常傳出婚訊。

鍾意就快D Share啦！

下一篇 》