掃呢頁CODE去手機

2013年12月6日 星期五

[忽然1周 958] My盛恭子變 V煞 恭子,深田恭子,MW,




12年窄鼻瘦面

恭子出道時珠圓玉潤,近年玩瘦身,厚唇變薄唇、鼻翼收窄、瓜子面,容貌大變。

亞熱帶

My盛恭子變 V煞

深田恭子近年用盡各種古怪方法減肥,整容兼賣性感,落力擺脫清純形象。近日在新片《 Room Mate》,恭子要同唔夠 90磅的北川景子鬥演技,她除了減多廿磅,仲走去削腮骨。

畢竟她同景子都是日本娛圈近年兩大「雜食天後」,恭子唔想被 KO的心情,絕對可以理解。不過 31歲的恭子玩到臭名遠播,點變臉都仲係賣剩蔗!

深田恭子成日要減肥,都係因為為食,搞到肥完要減,減完又肥。前排恭子到大阪宣傳,被問對大阪有甚麼感覺,她第一時間又講食:「大阪好多好嘢食,不過要做嘢,有好多地方我都去唔到!」為食到冇人有!

由高峰時的 160磅,減到現時 110磅,全因為身高 1.63米的恭子為擺脫「肥恭」汙名,不斷用盡各種減肥方法。 08年恭子試過一日食一隻蕉,卒之三個月瘦 26磅。 12年,佢連續六個月捱臭味食納豆溝海鮮泡菜,又瘦 22磅。恭子仲推介 fans:「海鮮有牛磺酸,可以促進新陳代謝。泡菜同納豆又係我至 like嘅減肥食材,日日食好有效!」

今年繼續減,不過並非靠食,而是戒酒、戒消夜,兼夾每日三分鐘扮豬叫,問你死未?最誇張是恭子自稱三個月內再瘦 20磅,信不信由你!恭子發現被傳媒踢爆削腮骨,將瓜子面「進化」成 V煞面,都是為了同北川景子鬥瘦鬥靚。

00年圓頭圓面

13年化身 V煞

做完削腮骨手術,恭子下巴再進化,變成 V煞。

鬥靚出事

深田恭子在懸疑片《 Room Mate》飾演護士,負責照顧有錢女北川景子。恭子為咗同景子鬥搶鏡,不惜削腮骨變 V煞面!

北川景子

搞成咁,我都救唔到你!(設計對白)

轉食嫩男

恭子出道 15年,換過 16個男友。早年恭子主攻堂本剛、玉木宏、編劇野島伸司等潮男。近年就轉口味,專門搞姊弟戀,主動追棒球明星齋藤佑樹、奀星清水良太郎及五十嵐麻朝。男友年齡最多細恭子五年,唔嫩唔食。恭子工作唔多換畫多,因而被日本傳媒譏為「趁冇拖拍至拍戲」。

近年盛傳五十嵐同恭子好事近,不過恭子就自爆不婚宣言:「我唔恨結婚,一旦結婚,我怕會有好多變化,而且搞婚禮好麻煩,唔搞好過!」五十嵐細恭子兩年,加上他是玩家一名,賣剩蔗恭子似係死撐!

專溝奀星

恭子溝仔唔睇名氣,不時溝嫩口奀星,好似拍特攝片(笠住個面扮超人戲種)嘅載寧龍二,恭子都唔放過。

五十嵐麻朝是恭子現任男友,奀星一名,最為人知係演過電影《天堂之吻》。

內衣誘惑

近年恭子 keep住瘦,佢自然要騷一騷哥利,拗腰露腿兼趷籮。

綾瀨遙

恭子和綾瀨遙拍廣告時試過爭位不和,最終廣告商將老前輩木神原鬱惠放中間,等恭子和綾瀨遙唔使爭。

形象百變

由清純到妖冶,恭子多年來不斷轉戲路,除了帶動 Lolita熱潮,她亦有不少出色造型。

12年和服 look

在《平清盛》死咗老公之後,恭子承繼丈夫遺志,帶領部下南征北討。淡妝的恭子,原來同酒井法子都幾似!

09年性感 look

恭子在《華麗間諜》飾演特務,劇中有多個性感造型,大玩制服誘惑。

04年公仔 look

恭子最經典的造型,一定是在《下妻物語》扮 Lolita,不但 fans鍾意,連恭子自己都迷上 Lolita。

99年侍應 look

出道初期恭子賣清純,同金城武拍完《神啊,請給我多一點時間》之後,再同陳慧琳在《鬼之棲家》合作。



鍾意就快D Share啦!