網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月13日 星期五

[忽然1周 959] 親述病情 頸椎移位 痛到瞓唔到 佘詩曼:瘦剩 94磅 佘詩曼,MW,




浸會覆診

上周四( 5日)下午,阿佘到浸會醫院做物理治療。一個小時後,她離開醫療室,右手輕撫小腹,狀甚疲倦。

滾熱辣

親述病情 頸椎移位 痛到瞓唔到 佘詩曼:瘦剩 94磅

近年在內地拍劇賺人仔的佘詩曼,近日宣布回歸無綫,明年一月開拍新劇《使徒行者》。不過,早前阿佘卻因為手部麻痹,臨時缺席上月台慶活動,台慶前夕更入院做磁力共振,證實頸椎移位,有手癱危機。

阿佘雖然不用留院,但每天都要返醫院做物理治療,治療了半個月,病情有好轉。她憶述病發最嚴重時,「痛到瞓唔到,食唔落……」令本來體重 103磅的阿佘,瘦剩 94磅。阿佘坦言為了令自己盡快康復趕怕新劇,惟有盡量在家休息。

全面停工的阿佘,上周四( 5日)下午,獨自坐的士到達浸會醫院,即使她戴上口罩,仍清楚可見面容憔悴、身形亦瘦削了一圈。在登記處完成手續,阿佘到物理治療部接受一小時治療,便往藥房取藥,乘的士返家。

「其實阿佘上月初開始頸痛,當時佢睇中醫,中醫建議佢照磁力共振。台慶前一日,阿佘一照,醫生證實係頸椎移位,要佢休息,嚴禁去人多嘅地方,所以阿佘無奈缺席台慶。佢一月中要開新劇《使徒行者》,依家除咗睇醫生外,就得乖乖匿喺屋企養病,所有 job都唔接,最近仲推咗個內地劇,唔見成千萬。」知情者說。

Pat都冇埋

從後面睇,阿佘瘦到 pat都冇埋,連牛仔褲都好「崿」

大袋藥物

做完一小時物理治療,阿佘去藥房攞藥。睇見阿佘手上咁大包藥,就知病情有幾嚴重。

唔敢揸車

阿佘向來揸車出入,不過因為右手麻痹,令她不敢開車。上周四她都是乘的士往來屋企及醫院。

月花二萬

阿佘貪浸會的物理治療儀器較為先進,為病人度身設計治療方法。現時她差不多每日都要往醫院治療,每次一千元,每月埋單都要二萬幾。

資料圖片

右手冇力

本刊致電阿佘,問到因病消瘦,她坦言病發時劇痛難當:「最慘係瞓唔到,半夜一轉身隻右手痹痛,痛到醒,搞到個人好忟憎。瞓唔到自然冇胃口,食唔到咪瘦囉。我一向 keep住百零磅,最瘦得番 94磅咋,依家重番少少,因為叫咗西醫開止痛藥,令我瞓得好啲。

「真係無辦法,依家差唔多日日做治療,都預咗俾人跟。(病情進展怎樣?)之前最嚴重時,右手冇力,成日要用左手。試過拎鉸剪都冇力,成把鉸剪跌落地下。依家好番四五成左右,不過都要用左手食飯。」

11月凹面

上周三( 4日),阿佘到馬場出席活動,面容瘦削現頸筋,但為搵食仍然識做開胸,而且全程戴帽,皮草不離身,亦有工作人員貼身服侍。

10月圓潤

阿佘十月出席活動時,雙臂好肉地,面容亦飽滿。病了半個月,阿佘已經瘦了 9磅,瘦上加瘦。

患病死頂開工

雖然頸椎出事,加上感冒了十多日,不過已接的工作,阿佘仍會死頂出席。上周三( 4日),塊面凹曬的阿佘出席馬場活動,之後又將會出任周日( 15日)好友阮兆祥的演唱會嘉賓。

「馬場個活動係之前接落,雖然西醫寫咗一個月病假紙俾我,但接咗嘅工作都要做,其他就推曬。(係咪推咗個成千萬酬勞嘅內地劇?)冇辦法,健康最緊要。錢係搵唔曬,只係想快啲好。一月開新劇(指《使徒行者》),我好想拍,因為好鍾意個角色,之前未試過演。」

1月開拍的《使徒行者》原定是阿佘回歸無綫頭炮,無綫甚為重視,一早搵定阿佘拍定 2014月曆造勢。

早在 01年,阿佘已經試過車禍後不足一星期,為劇集《紅衣手記》開工,更因為拍沙灘戲時食波餅,搞到頸傷惡化。

阿佘 05年拍《火舞黃沙》(上)已經因為孭小朋友跑步不慎撞崩牙兼下巴留疤。

隱瞞病情

阿佘與該新劇監製梁家樹老友鬼鬼,為撐好友,加上《使》劇首次演臥底,令阿佘心動。劇中她有不少動作場面,就算未傷前都有難度,何況她的頸及手仍然痹痛。不過因為男主角林峯一早 mark好期,《使》片一定要準時開機,阿佘亦有心理準備頂硬上。

而無綫亦有兩手準備,開始趕拍鍾嘉欣在《大藥坊》的戲份,萬一阿佘病情未有明顯改善,就由嘉欣 BB頂上新劇。

對於能否拍《使徒行者》,阿佘仍然充滿信心,但為怕母親擔心,硬淨的阿佘原來一直隱瞞病情。阿佘話:「拍到(《使徒行者》)一定拍,所以呢段期間會好好休養。(有冇戒口?)戒辣、酒同糯米。依家唔敢揸車,除咗驚 chok親條頸,隻手痹起上嚟都冇力揸軚盤。(母親有冇煲湯水俾你補身?)嗯……其實佢(母親)唔知道我咁嚴重,我冇講俾佢知,驚佢擔心,發作時我都係死忍。唉,不過佢好快會知啦,因為你哋會寫出嚟!」

上月 15日,阿佘和鄭嘉穎出席完時代廣場聖誕活動後,就發覺頸部不適加劇,三日後再因為手麻痹而到浸會睇急症。

《蘋果日報》圖片

阿佘今年只是拍拍廣告同出席活動,暫停拍劇。早前她就到銅鑼灣學油畫,生活優哉遊哉。

《 Face》圖片

阿佘上月初抱病出席無綫巡禮,不時顯得心不在焉。

《蘋果日報》圖片

阿佘和林峯在 11年的《花花世界花家姐》合演情侶,劇中阿佘飾智障人士,感情戲被彈不合理。難怪阿佘想同林峯在《使徒行者》再合作,一洗汙名。

在《使徒行者》中,阿佘飾演調查商業罪案的臥底。早前曾為無綫拍攝片花,不過動作場面欠奉。

年賺三千萬

阿佘 11年北上發展,食住神劇《天與地》個勢,令她在內地不愁工作。縱使今年阿佘冇拍劇,但最近兩年仍平均年賺三千萬港元。阿佘近日以五千萬簽兩年予 TVBC(翡翠東方)回歸娘家,身價大躍進。

手上坐擁三個物業合共市值約 7千萬,包括市值約 4千 5百萬的跑馬地紀雲峰。

女星多傷患

拍劇拍廣告都有不少動作場面,女星亦難免要頂硬上,楊思琦、張栢芝、林志玲等都試過因開工重傷。

林志玲胸骨骨折

05年 7月在大連拍廣告時,不幸意外墮馬,並被馬踩傷。胸骨有六處骨折,左肺更有裂傷及胸膜腔積血,要休息四個月才復元。

張栢芝飛車裂脊椎

02年為「慈善星輝仁濟夜」做表演飛車籌款時,張栢芝駕車衝上台飛越五部車,落地時衝力太大,撞傷頸及腰部,送院後指其脊椎骨節第十二節碎裂,要臥牀休息一、兩個月,影響之後的電影拍攝工作。

楊思琦腰椎爆裂

02年在北京拍《血薦軒轅》時,楊思琦墮馬受傷,腰椎出現裂縫及尾龍骨有爆裂現象。回港後她仍要做物理治療,駕車時更要戴上頸箍。



鍾意就快D Share啦!