網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月12日 星期四

[壹週刊 1240] 日唱 6粒鐘 左麟右李紅館加床 M1,




探熱針

日唱 6粒鐘 左麟右李紅館加床

加加埋埋開過百多場演唱會的左麟右李,今年慶祝合作十周年,卻撞正紅館無期,十日要唱十三場,唯有連日場都做埋。一日要唱六粒鐘,體力唔講得笑,何止六十三歲阿倫,就連四十六歲克勤都要諗計。由朝到晚留守紅館,兩人唯有在各自的休息室內加床,做完日場,就在房間短睡半粒鐘叉電,瞓醒再唱過!

一定要食飯

不經不覺,左麟右李已經組成十年,演唱會服裝亦愈嚟愈誇張,多年來為克勤做出騷歌衫的 Henry Lau,承認今次設計比過往大膽。「 Opening套衫鑲滿石,重達三十磅,件衫好有 Star War feel,以往克勤未試過!」

十日唱十三場,麟李無偷懶,堅持每場唱足三粒鐘,主辦單位更相當體貼,運送兩張大床到紅館,讓二人可趁空檔休息。「呢張嘢好有用,唱完日場,就喺度眠一眠,落完妝,就瞓嘞;大概半粒鐘啦,之後就食飯,都係食住家飯,少油少鹽,因為要有體力,所以一定要食澱粉質,飯好緊要。」李克勤說。

克勤帶記者入後台,參觀他為期十日的私家床。

做騷期間,克勤食得十分清淡。

克勤下午五點到達場館,先跟校長彩排部分歌曲,之後才埋位準備,他更試戴一副之前未有戴上台的眼鏡。

左麟右李跳鄭多燕舞,台下克勤的媽咪及外母,跳埋一份。

首場騷後,眾人在台上為當日生日的克勤切蛋糕,連看三場的拉姑,更帶補品到後台探班。

克勤事前無透露會在台上彈結他,加上一身 rock友造型,給觀眾帶來驚喜。

未開騷,後台加緊練習。

黃子華度橋

為搞新意思,更秘密請來在電視劇《 My盛 Lady》中 hit爆的黃子華度台詞,例如講「 BB出世時,攞出世紙同時,可以攞埋幼稚園、小學、大學入學證,好唔好!」,又話「老人福利降到二十五歲」,不過麟李演繹,效果始終唔及棟篤笑專家。搞爛 gag之外,麟李亦針對跳舞弱項努力操練,更加入「肥師奶」偶像鄭多燕的健康舞,難得克勤台上跳,克勤媽咪、外母台下叉腰舉手跟住鬱,兩個阿媽睇得非常投入。

除咗跳健康舞,克勤亦秘密學結他在演唱會上露兩手。「本來係學嚟玩,等個仔未學自己學識先,後來玩玩嚇,覺得可以喺個騷度做喎!」

由細聽阿倫歌大的克勤,專登寫了首歌送給校長,兩個大男人一個唱、一個聽搞到眼濕濕。「好感動!佢係聽我歌大,但估唔到佢個仔都係聽我歌大,成日唱 Marianne Marianne, would you stay for me!」校長搞笑說。

黃子華與阿倫甚老友,專登幫左麟右李度橋。

騷 time,所有服裝就由後台移去台底,克勤著住三十磅戰衣準備出場,手套駁上電源後,就會射出激光。

溥儀眼鏡專登為克勤訂造多款效果誇張的舞台眼鏡。

設計師 Henry,展示克勤另一套用啤牌摺成花型圖案的歌衫。

所有歌衫整齊放在後台,一目了然。

今次舞台設計較科幻,升降台亦較多。

克勤寫了一首歌送給校長,透露自己由粉絲變成校長相知相交好友,唱到眼濕濕。

唔想跳舞咁 dry,今次加入打 boxing。



鍾意就快D Share啦!