全城熱爆的娛樂八封新聞 & 時事趣聞 & 生活 + 趣聞
陳豪提起囝囝，一共講咗八次「好靚仔」，老豆係小生，阿媽係港姐冠軍，混合體當然係信心保證，而同樣集合咗靚爸靚媽 DNA，仲有吳彥祖半歲大小千金 Raven吳斐然。
上個禮拜三（十二月四日），吳彥祖有朋自遠方來，同兩大兩細外籍朋友一齊去中環行街，同行當然唔少得吳太 Lisa S.，以及囡囡 Raven。 愈大愈精靈嘅 Raven，咬住個奶嘴，由媽咪抱實行街，不過佢冇八卦四圍望，雙眼只係望實爸爸同朋友傾偈。個女眼中只有自己，唔怪之得吳彥祖休息咗大半年都唔願開工啦！
無論吳彥祖企響邊一個位，佢囡囡 Raven對眼，都係望住老豆，冧爆。
見有記者在場，吳彥祖安排 Lisa S.母女上車休息，自己繼續做導遊，帶朋友行街。
