網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月19日 星期四

[壹週刊 1241] 葉世榮護妻 勝阿 Paul 阿 Paul,葉世榮,黃貫中,M1,




半百世榮拖嫩妻張偉鈴去中環行街,老婆又高又後生,途人都忍唔住眼望望。

同你吟一吟

葉世榮護妻 勝阿 Paul

有「躁 Paul」之稱嘅 Beyond前成員黃貫中,早排響微博公開「殺父宣言」,話老豆打佢老婆朱茵,恐怕自己會成為自己嘅殺父仇人。

老豆躁底,阿 Paul亦不相伯仲,同樣係 Beyond成員嘅葉世榮,脾氣相對地好得多。上個禮拜五(十二月十三日),世榮拖往嫩妻張偉鈴行中環 shopping,同行仲有兩個女仔朋友,但就唔見已經歲半大嘅囡囡葉凱淇。

世榮 50歲,葉太得 28歲,年齡唔係問題,老婆高自己半個頭同樣唔成問題,兩公婆行去長江大廈攞車,沿途手拖手不知幾恩愛。

話明好脾氣,就算《壹》仔跟住影相,世榮依然笑曬口,後來撞見外籍歌迷,世榮亦禮貌同對方寒暄兩句再握手講拜拜。換轉事件主角係阿 Paul同朱茵,睇怕《壹》仔嘅祖宗十八代,應該會俾人逐一好好問候。

阿 Paul自上月公開「殺父宣言」後,一直未有公開解畫,亦未有宣傳電影《末日派對》。

阿 Paul公開「殺老豆」,家強被迫做回應,但聽講兩兄弟已經終極反面。

見到《壹》仔,世榮拖實老婆向鏡頭揮手,之後又同外籍歌迷吹水,講脾氣,好過家強阿 Paul一大截。



鍾意就快D Share啦!