掃呢頁CODE去手機

2013年12月19日 星期四

[壹週刊 1241] 偷情足本版  TB汪認 馬賽歐遊誘開房 馬賽,汪子琦,TB汪,M1,




有鋪小三癮的馬賽,由歐遊到成功獨攬 TB汪遊越南,她都使出耍家的肉緊啜功,箍住獵物。

探熱針

偷情足本版  TB汪認 馬賽歐遊誘開房

被揭攣情做小三,「純情」馬賽形象破產,加上與辣媽聯手閹割汪子琦千萬豪宅事敗,露出「馬腳」的她,唯有無鞋挽屐走,袋住三個月來擸到的百萬家用走人。人財兩空,據悉 TB汪終於醒覺,向 Laura認錯並把偷情惡行和盤托出,指馬賽在黐飲黐食的歐遊之旅中出招誘開房。日前, TB汪首度開腔向本刊默認,與馬賽早在三人歐遊已展開孽緣之旅。

益咗江美儀

本週一( 16/12),一直拒接電話的汪子琦終以電郵回應與馬賽的短暫孽緣,並希望馬賽不要再用大話逃避她倆一同犯下的惡行。

有指馬賽早在今年八月出發歐遊前,已跟友人爆響口,稱無綫內部敲定她憑《法外風雲》奪台慶「最佳女配角」。可惜搞攣情做小三聲譽破產,間接親手將獎項轉贈江美儀。

為求翻身,馬賽早前硬住頭皮在《東張西望》公開解畫,但對攣情與做小三指控迴避,甚至拉埋辣媽編造不知女兒搞攣情的謊言,一味唧出黑色眼淚搏加分;結果被 TB汪正印 Laura公開照片,證實「潛水」日子,兩母女其實是陪住 TB汪在東南亞風騷遊,馬賽媽還負責為愛女操刀影啜爆相,再次提證踢爆馬賽大話連篇。

坐大髀撩火

遭馬賽擸完錢狠撇的汪子琦,亦在微博力斥馬賽是大話精,「存心不良者必遭天收。」認清白兔真面目後,據悉悔疚的汪子琦不但向前度 Laura認錯求原諒,還把偷情實錄寫成悔過書向正印和盤托出。

原來馬賽為求達到目的,不顧 Laura豪使數十萬請她歐遊的情義,竟在旅行期間誘掂汪子琦,吼 Laura返房休息空檔,二人到另一酒店開房偷歡。不擇手段的馬賽跟 Laura攤牌時,更擺出一副挑釁態度,將歪理當真理:「不被愛嗰個先至係第三者!」

「奸情」爆破至今,馬賽堅持迴避小三惡行,甚至繼續扮可憐,向公司高層及同事指稱自己遭 Laura咬住唔放,以掩飾歐遊時使橫手搞掂 TB汪的豐功偉績。

「當日馬賽為黐到汪子琦呢條水,知道對方同 Laura計劃歐遊,就專登呻自己俾朋友甩底無得去旅行,汪子琦即刻落疊話請埋佢去;馬賽仲蠱惑到叫汪子琦喺樂易玲同佢經理人嘅微信朋友圈相片設限,都係唔想俾佢哋知道佢黐食黐玩。喺上海一上機,馬賽已經好熱情咁坐喺汪子琦大髀影相,又成日趁 Laura未起身,捉汪子琦一齊去散步,見對方唔抗拒,馬賽嘅暗示愈做愈密,亦愈來愈曖昧。」

8月 18日馬賽同 TB汪背住 Laura在另一間酒店開房後,可以若冇其事,扮熱情攬住 Laura。

馬母稱愛女潛水日子有抑鬱,但 Laura即掟出馬賽與 TB汪去新加坡旅行的風騷相,抑鬱唔覺,但馬母就大話現形。

被 Laura爆她是第三者後,馬賽為自保撇甩汪子琦,並風騷出席本週一的台慶頒獎禮。

胸壓按摩

馬母口口聲聲否認冇要過汪子琦一分一毫,但當日陪女兒受訪的她,手上戴住的六萬多元奧米加手錶,正是汪所送。

「去到羅馬後,馬賽開始進一步行動,用身體誘惑目標,每晚佢哋三個圍埋玩啤牌,馬賽開始著得性感,仲不停喺枱底撩汪子琦隻腳,玩輸咗,主動話幫汪子琦按摩抵債,仲成日一邊按一邊將個胸壓埋對方度,到 Laura去沖涼,馬賽更加把握時機,鬱手幫汪子琦抹面,務求有肌膚接觸。牛唔飲水唔㩒得牛頭低,馬賽不停出招,色心起嘅汪子琦梗係迷曬。」知情者爆。

教堂打茄輪

為求刺激,馬賽專登揀了神聖的梵蒂岡教堂頂樓,做偷情撻著之地。

「 Laura畏高,所以唔行上頂樓,馬賽睇準呢個好時機埋手,喺教堂頂樓同汪子琦講:『如果呢刻係同最愛嘅人一齊就好浪漫。』話口未完,兩個就打茄輪。去到八月十八日, Laura上晝留喺酒店房休息,佢兩個扮出街,查實走咗去隔籬酒店開房。俾人又食又拎嘅 Laura仲好心到塞咗幾百歐羅等馬賽有錢傍身,仲叫定午餐等佢哋返嚟食,估唔到,佢兩個真係可以若無其事咁,繼續同 Laura開餐,馬賽仲成日攬住 Laura扮 friend影合照,好得人驚。之後佢兩個喺每個月十八日都慶祝開房日,馬賽要求汪子琦同佢搞勻上海每間五星級酒店!」知情者說。今年十一月,本刊拍得二人啜爆上海時,馬賽入住的正是五星級希爾頓酒店。

大話連篇的馬母,堅稱不知馬賽與 TB汪攣情,但事實證明,親自為愛女操刀影啜爆相的馬母,幾咁支持愛女的攣情及當小三行徑。

TB汪自責

樂易玲悉心為馬賽鋪頭復出救形象,但原來當日馬賽黐 TB汪歐遊時,故意把她跟樂易玲的微信設睇相限制,隱瞞對方。

被馬賽「用完即棄」,汪子琦一直拒接電話訪問。本刊透過電郵向她求證馬賽歐遊誘開房一事,以及有關為力捧馬賽開拍電影等問題,汪子琦終首度開腔,以電郵回覆,默認二人歐遊時開房偷食,並暗寸馬賽愛講大話。

「因為我的自私,愛上不該愛的人,傷害了 Laura我很後悔,事後已經完全向她坦白我犯下的過錯……我在歐洲確實跟另外一個犯下沒有底線的過錯,背叛了我們七年的愛情……對於喜歡講大話的人……希望她也正視我們犯下的錯誤,而非再以說謊傷害別人。」

Laura寸馬賽以形補形

爆馬賽係披住兔皮的狐狸嘅富婆 Laura,對於事後才知歐遊時馬賽已跟 TB汪開房的過分行為, Laura說:「實在太冇底線,以後再聽到兩個嘅嘢,我唔會再有 suppise。」有指汪子琦與她聯手對付馬賽, Laura不屑的說:「當初佢選擇同第二個拖手,佢憑乜要我同佢聯手。」並表明與汪已無復合餘地。

對於馬賽自稱抄佛經及睇心靈雞湯書籍挽形象, Laura更加妙語連珠:「喺教堂偷完情,然後返屋企抄佛經,有冇咁誇張。睇心靈雞湯?好呀,睇多啲以形補形!」



鍾意就快D Share啦!