掃呢頁CODE去手機

2013年12月26日 星期四

[壹週刊 1242] 擺緋聞上台 薛凱琪開騷露底 薛凱琪,BKD_S,M1,




紙片人身材,但薛凱琪落力賣性感,公然台上除衫,騷鐵線 bra同襪帶。

同你吟一吟

擺緋聞上台 薛凱琪開騷露底

薛凱琪上個禮拜四(十二月十九日)晚響會展舉行入行十周年音樂會,唔少圈中好友都有嚟捧場,包括出爐視後田蕊妮同老公杜汶澤、黃耀明、馮寶寶等,當然亦唔少得薛凱琪嘅緋聞情人方大同、澳門酒店高層 Reggie Martin、舞台劇演員湯駿業以及林二汶,差在唔見前度房祖名。

其他影片

當晚主人家以貼身粉紅露腰裝出場,跟住換咗另一套高腰短褲勁歌熱舞,講真,紙片人身材嘅薛凱琪好難同性感兩字掛鈎,但短褲褲腳隨舞姿移位,白色打底褲若隱若現,坐前排嘅觀眾,雙重享受。

之後薛凱琪拖住湯駿業上台合唱《給十年後的我》,台上熒幕同時出現方大同、房祖名、湯駿業及林二汶四張相,將緋聞擺上台,薛凱琪更語帶雙關:「愛有好多種,開花結果梗係好,但係有啲因為身份同 timing,令到唔可以開花結果。」咦!唔通講緊冇嚟嘅房祖名?

太瘦,著短褲其實好危險,薛凱琪親身做錯誤示範。

台下有方大同、林二汶、 Reggie Martin,台上薛凱琪就拖實湯駿業合唱,背後熒幕仲有身在北京嘅房祖名,入行十年,薛凱琪嘅緋聞比事業更有話題性。

林二汶

Reggie Martin

方大同



鍾意就快D Share啦!