掃呢頁CODE去手機

2013年12月4日 星期三

[FACE - 341 - 本地娛樂] 嘉欣 BB視后阻力 嘉欣 BB,鍾嘉欣,MF,




上週四( 28日)嘉欣 BB同楊怡一齊出席活動,楊怡神采飛揚明艷照人,嘉欣就冇乜心機,睇嚟視後呢個獎真係對嘉欣好重要。

FBI

嘉欣 BB視後阻力

仲有唔夠兩星期,就係《萬千星輝頒獎典禮》,視帝視後嘅候選名單都已經出咗,唔知各位心目中嘅視帝視後又係邊位呢?

早排播緊《巨輪》嘅時候,鍾嘉欣呼聲真係好高,咁嘉欣 BB喺劇入面飾演嘅卓靜又的確好出色,當嘉欣開曬聲話 ready攞視後時,《 My盛 Lady》一播,大熱突然變咗徐子珊!冇計,子珊拍住鬼才黃子華,套劇想唔 hit都幾難。上週四( 28日)嘉欣 BB同楊怡一齊出席活動,唔知係受視後寶座唔穩陣、還是呢排開緊新劇《大藥坊》好攰,當日嘉欣 BB嘅笑容牽強,反而上屆視後楊怡冇壓力明顯心情勁靚。二人都同 FBI講:「會投自己一票!」其實嘉欣之前已經同 FBI講過「 ready」視後,𠵱家突然殺出有 TVB老闆陳國強照住嘅徐子珊,又難怪佢失望冇心機嘅。

子珊喺《 My盛 Lady》拍住收視保證嘅黃子華,難怪套劇只係播咗一星期,子珊就突變視後大熱,威脅鍾嘉欣。

同煎 Pang合作《巨輪》令二人緋聞纏身,仲有傳嘉欣因此同正印伍允龍炒大鑊,好在兩人都各自澄清咗係煲水新聞啫!



鍾意就快D Share啦!