網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月4日 星期三

[FACE - 341 - 本地娛樂] 攻港被集郵  G.E.M.狂撩 RM金鐘國 G.E.M.,金鐘國,鄧紫棋,MF,




FBI

攻港被集郵  G.E.M.狂撩 RM金鐘國

韓流呢輪真係頻頻襲港,仲記得兩星期前《 Running Man》主持宋智孝旋風式來港出席聖誕開幕禮,週日( 1日)《 RM》另一固定主持、大隻佬金鐘國又突襲香港喇。

週日( 1日)晚灣仔會展舉行「 Yahoo!人氣大獎 2013」,數埋都有唔少大星,林峯、阿 Sa、杜汶澤、周柏豪等都有到,壓軸得獎嘉賓仲搵到喺香港有大堆 fans嘅金鐘國攞「最具號召力韓國主持人」獎添。嗱, FBI唔係偏幫韓國藝人,但佢哋嘅專業態度, FBI都要搵位讚嚇,話說當晚大會安排金鐘國晚上 11點出場,但佢當日 9點半前就已經到,比起香港好多藝人準時。等上台期間,金鐘國不斷被在場人士要求「集郵」,包括 G.E.M.同周秀娜,金鐘國都有求必應冇 say no。

到晚上 11點,金鐘國終於等到上台,上到台未見觀眾佢已經笑定先,之後就算佢唔明主持森美講咩都好,翻譯員翻譯緊都好,佢都掛住招牌笑容。去到祝酒部分,勁識做嘅國館長仲自動波同身邊嘅謝安琪、陳柏宇碰杯,最令 FBI佩服,係佢等到全台人走曬,都仲留喺台上同觀眾揮手道別,事出必有因,愈來愈多韓星被品牌請來香港同港星爭飯碗,大家明點解啦?

估唔到金鐘國都識得 G.E.M.,仲鼓勵 G.E.M.要繼續努力添。查實「繼續努力」呢 4個字用喺識唔識嘅人都一樣 work,金鐘國醒呀!

金鐘國喺 RM搞慣笑,呢啲笑到瞇曬眼嘅甫士自然難佢唔到,全晚由頭笑到尾。

超 deep V娜姐巧遇金鐘國,走唔甩當然要集嚇郵先啦。

當晚 G.E.M.連攞三獎,「人氣 MV」、「人氣演唱會」、「人氣國語歌曲」,預演年尾頒獎禮?

攞到「人氣合唱歌」嘅彭家麗,當晚專登搵咗個臨時演員扮走音李主席齊齊唱〈從不喜歡孤單一個〉,笑爆嘴!而呢位 A貨李主席,更學足走音腔添!

峯峯呢晚條西褲好窄,一坐低就「現形」,小心紥實個「蛋」影響健康呀!



鍾意就快D Share啦!